BEC-TERO TV

လက်ကားဈေးကွက်မှာ ကြက်သွန်နီဈေးအနည်းငယ်ပြန်ကျသွားပေမယ့် လက်လီ ဈေးကွက်မှာ ကြက်သွန်နီဈေးပြန်မကျသေး

17 Aug 2017     1,250 Views


ဘုရင့်နောင်ကုန်စည်ဒိုင်ရဲ့လက်ကားဈေးကွက်မှာ ကြက်သွန်နီဈေးအနည်းငယ်ပြန်ကျ နေပေမယ့် လက်လီဈေးကွက်မှာ ကြက်သွန်နီဈေးပြန်မကျသေးဘူးလို့သိရပါတယ်။ ဘုရင့်နောင်ကုန်စည်ဒိုင်မှာ ပြီးခဲ့တဲ့ဇူလိုင်လ(၁၀)ရက်ကစပြီး ကြက်သွန်နီဈေး အနည်းငယ်တဖြည်းဖြည်းတက်လာခဲ့ပြီး သြဂုတ်လဒုတိယအပတ်မှာ ဈေးအနည်းငယ်ပြန်ကျ လာခဲ့ပါတယ်။ ကုန်စည်ဒိုင်ရဲ့လက်ကားဈေးကွက်မှာ ကြက်သွန်နီဈေးပြန်ကျသွားပေမယ့် လက်လီ ရောင်းတဲ့ဆိုင်တွေမှာတော့ ဈေးပြန်ကျတာမရှိသေးဘူးလို့သိရပါတယ်။

လက်လီဝယ်ယူတဲ့သူတွေကတော့ ယခင်ကဆို အိမ်မှာချက်ပြုတ်ရန် ကြက်သွန်နီကို ပိဿာလိုက်ဝယ်ယူလှောင်ထားရာမှာ အခုဆိုကြက်သွန်နီဈေးတက်ပြီးနောက်ပိုင်းမှာ (၅၀)သား လောက်သာလျှော့ဝယ်ယူဖြစ်တယ်လို့ သိရပါတယ်။ လက်ကားဈေးကွက်မှာ ကြက်သွန်နီဈေးအတက်အကျအတိုင်း လက်လီဈေးကွက်မှာလဲ အတက်အကျဖြစ်သင့်ပြီး လက်ရှိ လက်လီဈေးကွက်ရဲ့ရောင်းဈေးမှာများနေတယ်လို့ မြန်မာနိုင်ငံ ကြက်သွန်နီ၊ကြက်သွန်ဖြူနှင့်စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်း ရဲ့ ဥက္ကဋ္ဌကပြောပါတယ်။

ဘုရင့်နောင်ကုန်စည်ဒိုင်ရဲ့ သြဂုတ်လ(၁၄)ရက် ကြက်သွန်နီဈေးတစ်ပိဿာကို ကြက်သွန်နီအမျိုးအစားအလိုက်(၁၂၀၀)ကျပ်မှ(၁၆၀၀)ထိရှိတယ်လို့သိရပါတယ်။ကြက်သွန်နီဟာ အောက်တိုဘာဆန်းပိုင်းလောက်မှာ အသစ်ပေါ်လာမှာဖြစ်တာကြောင့် အသစ်မပေါ်ခင်အထိ ကုန်စည် ဒိုင်က လက်ရှိဈေးနဲ့ထိန်းရောင်းသွားမယ်လို့သိရပါတယ်။


17 Aug 2017     1,250 Views




RELATED

Most Popular of Good Morning Myanmar

Most Popular of NEWS