မြန်မာအိမ်အကူအား တစ်နှစ်နီးပါး လစာမပေးခဲ့တဲ့ စင်ကာပူအမျိုးသမီး တရားစွဲခံရ
19 Aug 2017 1,228 Views
အသက် ၃၀ နှစ်အရွယ် လီဂျွန် ဆိုသူ စင်ကာပူအမျိုးသမီးက သူမ၏ အိမ်အကူမြန်မာအမျိုးသမီးအား တစ်နှစ်နီးပါး လစာပေးရန် ပျက်ကွက်ခဲ့သဖြင့် အမှုပေါင်း ၁၃ ခုနှင့် တရားစွဲဆိုခံထားရသည်။
၂၀၁၆ ခုနှစ် မတ်လ ၇ ရက်နေ့မှ ၂၀၁၇ ခုနှစ် ဖေဖော်ဝါရီ ၂၁ ရက်နေ့ထိ မြန်မာအိမ်အကူကို လစာ စင်ကာပူဒေါ်လာ ၅,၇၀၀ (ကျပ်ငွေ ၅၇ သိန်းကျော်) ပေးရန် ပျက်ကွက်ခဲ့ကြောင်း စင်ကာပူနိုင်ငံ လူ့စွမ်းအားဝန်ကြီးဌါန၏ သြဂုတ်လ ၁၇ ရက်နေ့က ထုတ်ပြန်ချက်တွင် ဖော်ပြခဲ့သည်။
စင်ကာပူအမျိုးသမီး လီဂျွန်သည် အလုပ်လုပ်ကိုင်ခွင့် ပါမစ်အတွက် လိုက်နာရမည့် စည်းကမ်းများကို ချိုးဖောက်မှုဖြင့် အမှုရင်ဆိုင်ရမည်ဖြစ်ပြီး လူ့စွမ်းအားဝန်ကြီးဌါနကလည်း သူမ၏ အလုပ်သမားဌါးရမ်းနိုင်ခွင့်ကို ပိတ်ပင်လိုက်ပြီဖြစ်ပါတယ်။
လာမည့် စက်တင်ဘာလ ၁၂ ရက်နေ့တွင် အမှုကို ကြားနာစစ်ဆေးမည်ဖြစ်ပြီး ပြစ်မှုထင်ရှားပါက ဒဏ်ငွေ စင်ကာပူဒေါ်လာ ၁၀,၀၀၀ သို့မဟုတ် ထောင်ဒဏ် ၁၂ လနှင့်အထက် သို့မဟုတ် ပြစ်ဒဏ်နှစ်ရပ်လုံး ပူးတွဲကျခံဖွယ်ရာရှိသည်။
စင်ကာပူနိုင်ငံ လူ့စွမ်းအားဝန်ကြီးဌါန (MOM) က နိုင်ငံခြားသား အိမ်အကူလုပ်သားများနှင့်ပက်သက်ပြီး လုပ်ခလစာများကို ပေးရမည့်အချိန်တွင် အတိအကျပေးရန် ညွှန်ကြားထားပြီးဖြစ်သည်။ Work Permit ဖြင့် အလုပ်လုပ်ကိုင်နေကြသော အိမ်အကူများ၏ လုပ်ခလစာများကို နောက်ဆုံးပေးရမည့် ရက်၏ ၇ ရက် မကျော်လွန်မီပေးရန် ညွှန်ကြားထားပြီး တစ်လခြင်းစီ၏ လစာပေးမှုမှာ တစ်လထက် မကျော်လွန်ရဟု သတ်မှတ်ထားသည်။
အလုပ်ရှင်များအနေနဲ့ အိမ်အကူအား လစာပေးသည့် အထောက်အထားများကို တစ်လချင်းစီ သိမ်းဆည်းထားရမည်ဖြစ်သကဲ့သို့ အိမ်အကူထံမှ လစာလက်ခံရရှိကြောင်း အထောက်အထားကိုလည်း မပျက်မကွက် သိမ်းဆည်းထားရမည်ဖြစ်သည်။
မည်သည့်အကြောင်းပြချက်နှင့်မျှ အိမ်အကူ၏ လစာကို ကိုယ်စား သိမ်းဆည်းပေးခြင်းမပြုရပါ။ အိမ်အကူအနေနှင့် သိမ်းထားပေးရန် တောင်းဆိုလာသည့်အခါတွင်လည်း ငြင်းပယ်ရမည်ဖြစ်ကြောင်း တိတိကျကျပြဋ္ဌါန်းထားသည်။
အိမ်အကူအနေနဲ့ လုပ်ခလစာ မရရှိသေးပါက အိမ်ရှင်ကို အသိပေးရန် လိုအပ်သည်။ အသိပေးထားသည့်ကြားမှ လုပ်ခလစာမရရှိသေးမှုကို မဖြေရှင်းပေးနိုင်ပါက လူးစွမ်းအားဝန်ကြီးဌါန (MOM) သို့ သတင်းပို့တိုင်ကြားရန် သို့မဟုတ် တာဝန်ရှိသော အလုပ်အကိုင်ရှာဖွေရေး အေဂျင်စီသို့ အကြောင်းကြားရန် ဖော်ပြထားသည်။
