ပြည်ပနိုင်ငံတွေကို ကော်ဖီတင်ပို့မှု လာမည့်နှစ်တွေမှာ တိုးမြှင့်နိုင်ဖို့ အလားအလာရှိဟု မြန်မာနိုင်ငံကော်ဖီအသင်းပြော
21 Aug 2017 1,242 Views
ပြည်ပနိုင်ငံတွေကို မြန်မာနိုင်ငံကစိုက်ပျိုးထုတ်လုပ်တဲ့ ကော်ဖီတွေကိုတင်ပို့ရာမှာ တစ်နှစ်ထက် တစ်နှစ်တိုးလာပြီး လာမည့်နှစ်တွေမှာ တိုးမြှင့်နိုင်ဖို့ အလားအလာတွေရှိတယ်လို့ မြန်မာနိုင်ငံ ကော်ဖီအသင်းဥက်္ကဌ ကပြောပါတယ်။ ပြည်ပနိုင်ငံတွေကို ကော်ဖီတင်ပို့ရာမှာ အသိသာဆုံးတိုးတက်မှုအနေနဲ့ ပြီးခဲ့တဲ့ (၂၀၁၅-၂၀၁၆) ဘဏ္ဍာနှစ်မှာ အမေရိကန်နိုင်ငံကို (၁၈)တန်ဆံ့ ကွန်တိန်နာနှစ်လုံးသာ တင်ပို့နိုင်ခဲ့ပေမဲ့ (၂၀၁၆-၂၀၁၇)ဘဏ္ဍာနှစ်မှာတော့ (၁၈)တန်ဆံ့ကွန်တိန်နာ(၁၀)လုံးအထိတင်ပို့နိုင်ခဲ့တယ်လို့ သိရပါတယ်။မြန်မာ့ကော်ဖီအနေနဲ့ ပြည်ပနိုင်ငံတွေကိုတင်ပို့ရာမှာ ဂျပန်၊ကိုရီးယား၊အင်္ဂလန်နဲ့ အိုက်စလန် အပါအ၀င် နိုင်ငံအချို့ကိုသာတင်ပို့ထားနိုင်ပြီး တိုးမြင့်တင်ပို့ဖို့လုပ်ဆောင်နေတယ်လို့သိရပါတယ်။
မြန်မာ့ကော်ဖီတွေကို နိုင်ငံတကာတင်ပို့နိုင်ရေးအပါအ၀င် မြန်မာ့ကော်ဖီကဏ္ဍ တိုးတက်ရေးအတွက် သက်ဆိုင်သူများအကြံပြုဆွေးနွေးပွဲတစ်ရပ်ကို နေပြည်တော်မှာရှိတဲ့ သင်္ဂဟ ဟိုတယ်မှာ သြဂုတ်လ(၁၇)ရက်ကပြုလုပ်ခဲ့ပြီး စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနက တာဝန်ရှိသူတွေ၊မြန်မာနိုင်ငံကော်ဖီအသင်းကတာဝန်ရှိသူတွေ၊ကော်ဖီတင်ပို့ရောင်းချသူတွေ၊ တင်သွင်းရောင်းချသူတွေအပါအ၀င် နိုင်ငံခြားကကော်ဖီပညာရှင်တွေ တက်ရောက်ဆွေးနွေးခဲ့ကြပါတယ်။
ဒါ့အပြင် မြန်မာ့ကော်ဖီကဏ္ဍဖွံ့ဖြိုးရေးအတွက် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနအနေနဲ့ ကော်ဖီစိုက်ပျိုးရာမှာ လိုအပ်တဲ့နည်းပညာတွေ၊တောင်သူတွေအတွက်လိုအပ်တဲ့ ကော်ဖီခူးဆွတ်ရာမှာ လုပ်ဆောင်ရမဲ့အချက်တွေ၊ကော်ဖီကိုစံချိန်စံညွန်းပြည့်မှီရေးတွေအပါအ၀င် ဒေသနဲ့ကိုက်ညီတဲ့ ကော်ဖီမျိုး တွေကိုရရှိဖို့ သုတေသနလုပ်ငန်းတွေလုပ်ဆောင်နေတယ်လို့သိရပါတယ်။ မြန်မာနိုင်ငံမှာကော်ဖီကို တောင်တန်းဒေသတွေမှာစိုက်ပျိုးရတဲ့ အာရေဗီရကော်ဖီ အမျိုးအစားနဲ့ မြေပြန့်ဒေသတွေမှာစိုက်ပျိုးလို့ရတဲ့ ရိုဗာစတားကော်ဖီအမျိုးအစားတွေကို စိုက်ပျိုးကြပြီး ရှမ်းပြည်နယ်၊ကရင်ပြည်နယ်နဲ့ မန္တလေးတိုင်းဒေသကြီးတို့မှာအဓိကစိုက်ပျိုးကြတယ်လို့သိရပါတယ်။
