BEC-TERO TV

တွံတေးမြို့က ရိုးရာအိုးလုပ်ငန်းလုပ်ကိုင်သူတွေလျော့နည်းလာ

11 Oct 2017     1,224 Views


တွံတေးမြို့မှာယခင်က အိုးလုပ်ငန်းလုပ်ကိုင်သူတွေအများအပြားရှိခဲ့ပေမယ့် ယခုအချိန်မှာ လျော့နည်းလာနေပြီဖြစ်တယ်လို့ ကျေးရွာဒေသခံတွေထံမှသိရပါတယ်။

တွံတေးမြို့ အိုးဖိုအနောက်ရပ်ကွက်မှာ မိသားစုအစဉ်အဆက်အိုးလုပ်ငန်းလုပ်ငန်း လုပ်ကိုင်သူတွေဟာ အများအပြားရှိခဲ့ပါတယ်။ယခင်အိုးလုပ်ငန်းလုပ်သူ ၅၀ကျော်လောက်ရှိခဲ့ပေမယ့် ယခုအချိန်မှာ အိုးလုပ်ငန်းလုပ်ကိုင်တာ လုပ်ငန်း၁၀ခုဝန်းကျင်သာရှိတော့တယ်လို့ သိရပါတယ်။ ဒီလိုလျော့နည်းသွားတာဟာ မြန်မာ့ရိုးရာအိုးလုပ်ငန်းဟာ ဈေးကွက်မတွင်ကျယ်တော့တာက တကြောင်း၊အိုးလုပ်ငန်းကိုကျွမ်းကျင်သူနောင်လာနောက်သားတွေဟာ ဆက်လက်ထိန်းသိမ်း မလုပ်ဆောင်တော့ဘဲ အသက်ကြီးတဲ့သူတွေသာ လုပ်ဆောင်နေရလို့ အိုးလုပ်ငန်းဟာ နည်းပါး လာတာလို့ ပြောပါတယ်။

အိုးပြုလုပ်နိုင်တဲ့ ပညာဟာတစ်ဆင့်ခြင်းသင်ယူရတာဖြစ်ပြီး ခက်ခဲတဲ့ ရိုးရာလက်မှု ပညာတစ်ခုလည်း ဖြစ်ပါတယ်။ငယ်စဉ်ကတည်းက မိဘတွေဆီကသင်ယူပြီး အိုးလုပ်တာကိုပဲ ပြုလုပ်ခဲ့တဲ့ အိုးလုပ်သူဆရာတစ်ဦးကလည်းခေတ်ကာလကြောင့် မိမိတို့သားသမီးတွေကို လက်ဆင့် ကမ်းတော့မှာ မဟုတ်ဘဲသူတို့ဟာလည်း နောက်ဆုံးလုပ်ကိုင်သူတွေဖြစ်တယ်လို့ပြောပါတယ်။

အိုးလုပ်ဖို့အတွက် လယ်မြေနဲ့တောင်မြေကို ရေနဲ့ရောစပ်ရပြီး ညသိပ်ကာ နင်းခြေပြီးမှ အိုးဆွဲလို့ရတဲ့မြေကိုရရှိတာဖြစ်ပြီးရလာတဲ့မြေကို အိုးဆရာကပုံသွင်းပြုလုပ်ရတာ ဖြစ်တယ်လို့ သိရပါတယ်။ အိုးလုပ်ငန်းမှာ လုပ်ကိုင်သူတွေဟာ အိုးတစ်လုံးပြီးတိုင်း သတ်မှတ်ထားတဲ့ ဈေးကိုရရှိပြီး များများလုပ်နိုင်မှပိုဝင်ငွေရတာ ဖြစ်တယ်လို့ ပြောပါတယ်။

အိုးလုပ်တဲ့မြေဈေးတွေ တက်လာပေမဲ့ အိုးဈေးနှုန်းတွေလိုက်တက်တာမျိုးတော့ သိပ်မရှိဘူးလို့ သိရပါတယ်။အိုးများစုမှာတော့ပန်းစိုက်အိုးမျိုးစုံနဲ့ သောက်ရေအိုးတွေဖြစ်ပါတယ်။ အိုးလုပ်ငန်းရှင်တွေအနေနဲ့ အိုးတွေကိုနယ်စုံပို့နေရပြီး ၀ယ်ယူသူကတော့ရှိနေဆဲပါ။အိုးလုပ်ငန်းတွေကို ယခုအချိန်မှာ နိုင်ငံခြားသားများက လာရောက်လေ့လာကြတယ်လို့သိရပါတယ်။

 


11 Oct 2017     1,224 Views




RELATED

Most Popular of Good Morning Myanmar

Most Popular of NEWS