BEC-TERO TV

ဝန်ကြီးဌာနအသစ်နှစ်ခုထပ်တိုးဖို့ ပြည်ထောင်စုလွှတ်တော်မှာ တင်သွင်း

22 Nov 2017     1,462 Views


နိုင်ငံတော်သမ္မတထံမှပေးပို့ထားတဲ့ ပြည်ထောင်စုဝန်ကြီးဌာနနှစ်ခု ထပ်မံတိုးချဲ့ဖွဲ့စည်းတာနဲ့ ပတ်သက်ပြီး ပြည်ထောင်စုလွှတ်တော်မှာတင်သွင်းခဲ့ကာ အတည်ပြုနိုင်ဖို့ဆွေးနွေးသွားမယ်လို့ သိရပါတယ်။ ပြည်ထောင်စုဝန်ကြီးဌာနနှစ်ခုထပ်မံတိုးချဲ့ဖွဲ့စည်းဖို့နဲ့စပ်လျဉ်းပြီး နိုဝင်ဘာလ၂၀ရက်က ပြုလုပ်တဲ့ ဒုတိယအကြိမ်ပြည်ထောင်စုလွှတ်တော် ဆဋ္ဌမပုံမှန်အစည်းအဝေးမှာ နိုင်ငံတော်သမ္မတကိုယ်စား ပြည်ထောင်စုအဆင့်အဖွဲ့အစည်းဝင်ဖြစ်တဲ့ ပြည်ထောင်စုရှေ့နေချုပ်ရုံးမှ ပြည်ထောင်စုရှေ့နေချုပ် ဦးထွန်းထွန်းဦးက လာရောက်ရှင်းလင်းကာ တင်သွင်းခဲ့တာပါ။
 
အသစ်ဖွဲ့စည်းမယ့်ဝန်ကြီးဌာနနှစ်ခုမှာ ပြည်ထောင်စုအစိုးရအဖွဲ့ရုံးဝန်ကြီးဌာနနဲ့ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနတို့ဖြစ်ပြီး ပြည်ထောင်စုအစိုးရအဖွဲရုံး ၀န်ကြီးဌာနကို အသစ်ဖွဲ့စည်းလိုခြင်းမှာ ပြည်ထောင်စု၏အုပ်ချုပ်ရေး၊စီမံကိန်းနဲ့ဘဏ္ဍာရေးကိစ္စတွေ စီးပွားရေးဆိုင်ရာနဲ့ဥပဒေကြမ်းတင်သွင်းခြင်းကိစ္စတွေအပါအ၀င် အခြားကိစ္စတွေကို ပိုမိုဆောင်ရွက် နိုင်စေဖို့ဖြစ်ပြီး အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနကိုတော့ နိုင်ငံတကာဆက်ဆံရေး တွေမှာ နိုင်ငံခြားရေးဝန်ကြီးဌာနနဲ့ပူးပေါင်းဆောင်ရွက်နိုင်ဖို့၊နိုင်ငံတကာရေးရာကိစ္စတွေကို နိုင်ငံတော် သမ္မတအား တာဝန်ခံပြီးဆောင်ရွက်နိုင်ဖို့အပါအ၀င် နိုင်ငံခြားရေးဝန်ကြီးဌာန ပြည်ထောင်စုဝန်ကြီး မတက်ရောက်နိုင်တဲ့ နိုင်ငံတကာအစည်းအဝေးတွေကိုတက်ရောက်နိုင်ဖို့ ဖွဲ့စည်းလိုတာလို့သိရပါတယ်။
 
အသစ်ထပ်တိုးမယ့် ၀န်ကြီးဌာနနှစ်ခုအမည်စာရင်းအပြင် အဆိုပါဝန်ကြီးဌာနတွေမှာ ခန့်အပ်ဖို့ရာအတွက် ပြည်ထောင်စုဝန်ကြီးတွေရဲ့အမည်စာရင်းတွေကိုလဲတင်သွင်းခဲ့ပြီး ပြည်ထောင်စု အစိုးရအဖွဲရုံးဝန်ကြီးဌာန ပြည်ထောင်စုဝန်ကြီးအဖြစ် အမျိုးသားလုံခြုံရေးအကြံပေးပုဂ္ဂိုလ် ဦးသောင်းထွန်းနဲ့ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီးအဖြစ် နိုင်ငံခြားရေး ၀န်ကြီးဌာန ဒုတိယ၀န်ကြီး ဦးကျော်တင်တို့ကို ခန့်အပ်လိုကြောင်းတင်ပြခဲ့တယ်လို့ သိရပါတယ်။ နိုင်ငံတော်သမ္မတထံမှပေးပို့ထားတဲ့ ပြည်ထောင်စုအစိုးရအဖွဲ့ရုံးဝန်ကြီးဌာနနဲ့ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနတို့ကို အသစ်ထပ်တိုးဖို့ ကိစ္စတွေအပါအ၀င်ခန့်အပ်မယ့်ပြည်ထောင်စု ၀န်ကြီးတွေနဲ့ပတ်သက်ပြီး အတည်ပြုနိုင်ဖို့ လာမည့် နိုဝင်ဘာလ၂၃ရက်မှာ ပြုလုပ်မယ့် ပြည်ထောင်စုလွှတ်တော်အစည်းအဝေးမှာ ဆုံးဖြတ်သွားမယ်လို့သိရပါတယ်။

22 Nov 2017     1,462 Views




RELATED

Most Popular of Good Morning Myanmar

Most Popular of NEWS