BEC-TERO TV

သီချင်းဆိုပြိုင်ပွဲတွေကို စိတ်နာခဲ့တဲ့ “ဘဝ” The Voice Myanmar ကို ဘာကြောင့်လာပြိုင်ခဲ့သလဲ..?

20 Feb 2018     6,004 Views


The Voice Myanmar အစီစဉ်မှာ အသံကိုပဲနားထောင်ပြီး နည်းပြတွေက သူတို့ရဲ့ရင်ထဲကိုရောက်မှသာ ရွေးချယ်တာကြောင့် ပြိုင်ပွဲဝင်တွေအနေနဲ့ ပင်ကိုယ်အသံကလွဲလို့ ဘယ်အရာကိုမှ အားကိုးလို့မရပါဘူး။

ဒီလိုပြိုင်ပွဲမျိုးကို လာရောက်ယှဉ်ပြိုင်ကြတဲ့ ပြိုင်ပွဲဝင်တွေမှာ ယုံကြည်ချက်ကိုယ်စီ၊ စွမ်းရည်ကိုယ်စီ ရှိနှင့်ပြီးသားတွေ ဖြစ်ပါတယ်။ ဒီလိုပြိုင်ပွဲဝင်တွေထဲမှာ “ဘဝ” ဆိုတဲ့ လူငယ်လေးတစ်ယောက်လည်း ပါဝင်ပါတယ်။ သူဟာ ပြင်ဦးလွင်မြို့ကဖြစ်ပြီး အသက်ကတော့ (၂၆) နှစ်ရှိပါပြီ။

ယခင်ပြိုင်ခဲ့ဖူးတဲ့ သီချင်းဆိုပြိုင်ပွဲတစ်ခုမှာ မထင်မှတ်ပဲ သီချင်းစာသားတွေ မှားသွားတာကြောင့် ပြိုင်ပွဲက ထွက်ခဲ့ရပြီးနောက်ပိုင်း သီချင်းဆိုပြိုင်ပွဲတွေကို စိတ်နာနေတဲ့သူပါ။ ဒါပေမယ့် သီချင်းတွေကိုတော့ သူစိတ်မနာနိုင်ပါဘူး။ ဂီတက အသွေးအသားထဲ စီးဝင်နေတဲ့သူ့ရဲ့ အလုပ်အကိုင်ကလည်း ညဖက်ဖွင့်တဲ့ ဆိုင်လေးတွေမှာ Unplug သီဆိုဖျော်ဖြေရတဲ့ သီချင်းသည်လေး ဖြစ်ပါတယ်။

The Voice Myanmar ပြိုင်ပွဲကြီး စတင်ဖို့ ပြိုင်ပွဲဝင်တွေကို ဖိတ်ခေါ်တဲ့အခါ သူသဘောကျနစ်သက်တဲ့ နည်းပြတွေ ပါဝင်လာကိုသိရပြီး စိတ်ဓါတ်ခွန်အားပြန်ထည့်ကာ သူ့ရဲ့ဆုံးဖြတ်ချက်ကို ပြန်ပြင်ပြီး The Voice Myanmar အစီစဉ်ကို ပါဝင်လာခဲ့သူဖြစ်ပါတယ်။

The Voice Myanmar ရဲ့ ပထမဦးဆုံး Blind Audition မှာ “ကိုယ်စောင့်နတ်” သီချင်းနဲ့ ပထမဦးဆုံးယှဉ်ပြိုင်ခဲ့ပါတယ်။ လုံးဝထူးခြားတဲ့ သီဆိုဟန်ကြောင့် သီချင်းပထမအပိုဒ်မှာပဲ ‘ကျားပေါက်’ က ခလုပ်နှိပ်ကာ ရွေးချယ်ခဲ့ပါတယ်။

အဲဒီနောက်မှာ ‘နီနီခင်ဇော်’ ကလည်း ထပ်မံလှည့်လာခဲ့ပြန်ပါတယ်။ သီချင်းက ပြီးဆုံးနေပါပြီ အဲဒီနောက်ဆုံးအချိန်လေးမှာပဲ အမိအရ ခလုပ်နှိပ်ပြီး လှည့်လာသူက ‘ရန်ရန်ချန်း’ ဖြစ်ပါတယ်။

နည်ပြသုံးဦး ရွေးချယ်တာခံခဲ့ရတဲ့ “ဘဝ”ပါ။ ‘ကျားပေါက်’ ‘နီနီခင်ဇော်’ နဲ့ ‘ရန်ရန်ချန်း’ တို့အားလုံး ရင်ခုန်စိတ်လှုပ်ရှားစွာနဲ့ “ဘဝ” ရဲ့ ရွေးချယ်မှုကို ပြန်လည်မျှော်လင့်ရတာလည်း The Voice Myanmar ရဲ့ ထူးခြားတဲ့ ရသတစ်ခုကို ပေးစွမ်းနိုင်ခဲ့ပါတယ်။

နောက်ဆုံးမှာတော့ “ဘဝ”က ယုံကြည်စွာနဲ့ “ကျားပေါက်” ကိုရွေးချယ်ခဲ့ပါတယ်။ ယခင်သီချင်းဆိုပြိုင်ပွဲတုန်းကလို အမှားမျိုးထပ်မဖြစ်အောင် ကြိုးစားနေတယ်လို့ ဆိုပါတယ်။

Battle Round မှာ “ဘဝ”ရဲ့ သီဆိုယှဉ်ပြိုင်မှုကို ထပ်မံအားပေးရင်း ဝန်းရံကြပါဦးလို့ တိုက်တွန်းလိုက်ပါရစေ..။


20 Feb 2018     6,004 Views




RELATED

Most Popular of Special or Others

Most Popular of Entertainment