BEC-TERO TV

ဓာတ်လိုက်သေဆုံးသူအလောင်းများ လမ်းမပေါ် ရေထဲမှာမျောပါနေ

12 Jun 2018     21,509 Views


တရုပ်နိုင်ငံ ဂွမ်ဒေါင်းပြည်နယ်ရဲ့ လမ်းသွယ်အချို့မှာ ပေါလောပေါ်နေတဲ့ အလောင်းများဟာ မြင်လို့မကောင်းအောင် မျောပါနေကြပါတယ်။ ပြီးခဲ့တဲ့ သောကြာနေ့က လေပြင်းမုန်တိုင်းနဲ့အတူ မိုးသည်ထန်စွာရွာသွန်းခဲ့တဲ့အတွက် အနည်းဆုံး လူလေးဦး ဓာတ်လိုက်သေဆုံးကာ ရေစီးနဲ့အတူ လမ်းမများမှာ မျောပါလာခဲ့ကြတာဖြစ်ပါတယ်။

သေဆုံးသူများထဲက မိခင်ဖြစ်သူနဲ့ သမီးဖြစ်သူတို့ဟာ လျှပ်စစ်ကြော်ငြာဆိုင်းဘုတ်ကြီးအနီး ကားမှတ်တိုင်မှာ ကားစောင့်နေစဉ် ဓာတ်လိုက် သေဆုံးခဲ့ကြတာဖြစ်ပါတယ်။ အဆိုပါမတော်တဆမှုကြောင့် ကားမှတ်တိုင်များရဲ့ ဓာတ်အားလိုင်းများ ပြတ်တောက်သွားခဲ့ပြီး လမ်းမကြီးတစ်ခုလုံး ရေတွေနဲ့ ဖုံးလွှမ်းခဲ့ပါတယ်။

နောက်တစ်ဦးကတော့ အသက် ၁၇ နှစ်အရွယ် ကောင်လေးတစ်ဦး ရေထဲကနေ ကားလမ်းမကို လမ်းဖြတ်ကူးနေစဉ်မှာပဲ လဲကျသေဆုံးခဲ့ရပါတယ်။ သေဆုံးရတဲ့ အကြောင်းရင်းကို တိကျစွာမသိရပေမယ့် သူရဲ့ဖခင်ဖြစ်သူကတော့ သူ့သားဟာ ဓါတ်လိုက်သေဆုံးခဲ့တာလို့ အခိုင်အမာယုံကြည်နေပြီး အဲဒီအနီးနားက လျှပ်စစ်ဓာတ်အားရုံကို အပြစ်တင်နေပါတယ်။

နောက်ထပ်အမျိုးသားတစ်ဦးရဲ့ အလောင်းကတော့ လမ်းမပေါ်က လျှပ်စစ်ဓါတ်မီးတိုင်အောက်မှာ ပေါလောပေါ်ကာ မျောနေခဲ့ပါတယ်။ ဗီဒီယိုထဲမှာတော့ ရဲတွေဟာ ကားပေါ်ကနေ တုတ်တံရှည်ကို သုံးပြီးအလောင်းကို ဆယ်ယူဖို့ ကြိုးစားနေပါတယ်။


ဒီအဖြစ်ပျက်တွေကြောင့် မြို့သူမြို့သားတွေနဲ့ အနီးပတ်ဝန်းကျင်မြို့ကလူတွေ အပြင်ထွက်ရမှာ အထိတ်တလန့်ဖြစ်နေကြပါတယ်။ သက်ဆိုင်ရာဌါနတွေမှာလည်း ဒီလိုအဖြစ်ပျက်မျိုးမဖြစ်အောင် တာဝန်ယူဆောင်ရွက်ပေးဖို့ ဖုန်းခေါ်ဆိုပြီး တောင်းဆိုမှုများရှိနေကြောင်း တရုပ်သတင်းမီဒီယာတွေမှာ ဖော်ပြထားပါတယ်။
 


12 Jun 2018     21,509 Views




RELATED

Most Popular of Special or Others

Most Popular of NEWS