မကွေးမြို့မှ ယာဉ်ထိန်းရဲနှစ်ဦး ဂုဏ်ရည်ဆုများ အသီသီးချီးမြှင့်ခံရ
10 Jul 2018 1,496 Views
မကွေးမြို့၊ မကွေးပရဟိတအသင်းကြီး တည်ထောင်ခြင်း ၆ နှစ် ပြည့်မြောက်ခဲ့သည့် ၂၀၁၈ ခုနှစ်မှစတင်၍ နှစ်စဉ် ဇူလိုင်လရောက်တိုင်း မကွေးမြို့နယ်အတွင်းရှိ ပြည်သူလုထု၏ အသက်အိုးအိမ်စည်းစိမ်အား ကိုယ်ကျိုးမငဲ့ကွက်ပဲ ပရဟိတစိတ်ဓါတ်အပြည့်ဖြင့် ကူညီလုပ်ကိုင်ပေးနိုင်သည့် လူပုဂ္ဂိုလ်(၂)ဦးအား နှစ်စဉ်ရွေးချယ်ကာ မကွေးမြို့ကြီးအား ဂုဏ်မြင့်အောင် စွမ်းဆောင်နိုင်သူများအဖြစ် သတ်မှတ်၍ မကွေးဂုဏ်ရည်ဆုရှင်များအဖြစ် ရွေးချယ်ခြင်းဖြစ်သည်။
၂၀၁၇-၂၀၁၈ခုနှစ်အတွက် မကွေးမြို့၏ ဂုဏ်အားမြင့်တင်အောင် စွမ်းဆောင်နိုင်သူများအဖြစ် မကွေးဂုဏ်ရည်ဆုအား ယာဉ်ထိန်းရဲ တပ်ကြပ်ကြီး ခင်မောင်စိုး (၄၄ နှစ်) နှင့် ယာဉ်ထိန်းရဲမေ တပ်သား ပပဝင်း (၂၈ နှစ်) တို့ကို မကွေးပရဟိတအသင်းကြီးမှ ရွေးချယ်ချီးမြှင့်ကြောင်း သိရှိရသည်။
'မကွေးဂုဏ်ရည် ပထမအဆင့်'
**********************************
အမည် - တတက ခင်မောင်စိုး
အသက် - ၄၄ နှစ်
ကိုယ်ပိုင်အမှတ် - လ/၁၆၈၀၉၅
ယာဉ်ထိန်းဖြစ်သည့်နှစ် - ၅.၀၈.၂၀၀၈
နေရပ် - တိုင်းအကူတပ်ဖွဲ့ဝန်း၊မကွေးမြို့။
ယာဉ်ထိန်းရဲတပ်ကြပ်ကြီး ဦးခင်မောင်စိုးအား မကွေးမြို့ခံပြည်သူများအနေဖြင့် မသိသူမရှိ
သလောက်ဖြစ်ပါလိမ့်မည်။ နေပူ မိုးရွာမရှောင် မိမိတာဝန်ကျရာနေရာတွင် မခိုမကပ်ပဲ အမြဲလမ်းမပေါ်တွင် လမ်းရှင်းပေးနေသဖြင့် မြို့ခံလူထု၊ ကား၊ ဆိုင်ကယ်စီးနင်းသူများ၏ လေးစားချစ်ခင်မှု့ကို အပြည့်အဝရရှိထားသည့် ပြည်သူ့ဝန်ထမ်းကောင်း တစ်ဦးအဖြစ် သတ်မှတ်ပါသဖြင့် မကွေးဂုဏ်ရည်ဆု ပထမအဆင့်အား ရွေးချယ်ပေးအပ်ရခြင်းဖြစ်
ပါသည်။
'မကွေးဂုဏ်ရည် ဒုတိယအဆင့်'
**********************************
အမည် - တသ ပပဝင်း
ကိုယ်ပိုင်အမှတ် - လ/၂၆၁၁၂၇
အသက် - ၂၈ နှစ်
ယာဉ်ထိန်းဖြစ်သည့်နှစ် - ၃၀.၁၁.၂၀၁၅
နေရပ် - တိုင်းအကူတပ်ဖွဲဝန်း၊ မကွေးမြို့။
ယာဉ်ထိန်းရဲမေ တပ်သား မပပဝင်း ဟာလည်း အသက်ငယ်ရွယ်ပြီး လုပ်သက်နုသေးသော်လည်း မိမိတာဝန်ကျရာ ကျောင်းများ၊ ဈေးများ၊ ရာသီပွဲတော်များတွင် အကောင်းဆုံး ယာဉ်လမ်းကြောင်းမရှုပ်ထွေးအောင် ကူညီပေးနိုင်ခဲ့ပါသည်။
ကျန်းမာရေးချို့တဲ့သူတစ်ဦးဖြစ်ပြီး ဆေးသွင်း၊ ဆေးသောက်လုပ်နေရသည့်တိုင်အောင် ခွင့်မယူဘဲ
မိမိတာဝန်များကို ကျေပွန်စွာဆောင်ရွက်နေသည်ကို မြင်တွေ့ရသည့်အတွက် ယခုနှစ်၏ မကွေးဂုဏ်ရည် ဒုတိယအဆင့် အား ပေးအပ်ရန်ရွေးချယ်ရခြင်းဖြစ်ပါသည်။
ဆုရွေးချယ်ခံရသူ(၂)ဦးအား ၁၉.၀၇.၂၀၁၈(အာဇာနည်နေ့)တွင် ထိုက်တန်စွာ ဂုဏ်ပြုသွားမည်ဖြစ်ပါသည်။ ဤအစီအစဉ်အား ရွှေဧရာမိသားစုမှ အဓိကကူညီပံ့ပိုးပေးပါသည်။
ကိုမိုး(မကွေးပရဟိတ)
ဖေယ်ပြပါအတိုင်း မကွေးပရဟိတအသင်းကြီးမှ ထုတ်ပြန်ကြေညာခဲ့သည်။
