BEC-TERO TV

လင်မယားရန်ဖြစ်ရာမှ ဇနီးသည်၏ လက်ချက်ဖြင့် ခင်ပွန်းသေဆုံး

20 Jul 2018     1,239 Views


ဇူလိုင်လ ၁၉ ရက်နေ့က လှိုင်သာယာမြို့နယ် အမှတ်(၅)ရပ်ကွပ်တွင် လင်မယားခြင်း စကားများရာမှ ရန်ဖြစ်ခဲ့ကြပြီး ဇနီးသည်ဖြစ်သူ၏ လက်ချက်ဖြင့် ခင်ပွန်းဖြစ်သူ သေဆုံးခဲ့ကြောင်း သိရှိရသည်။

ဇူလိုင်လ ၁၉ ရက်နေ့ည ၈ နာရီ ၄၅ မိနစ်အချိန်တွင် လှိုင်သာယာဆေးရုံ၌ အမျိုးသားတစ်ဦး ဓားဒဏ်ရာဖြင့် သေဆုံးပြီးရောက်ရှိလာကြောင်း သတင်းအရ လှိုင်သာယာမြို့မရဲစခန်းမှ သွားရောက်စစ်ဆေးခဲ့ရာ သေဆုံးသူ ဦး −−−−−−− (၃၇ နှစ်) တစ်ပင်ရွှေထီးလမ်း အမှတ်(၅)ရပ်ကွက် (ကျူး) နေထိုင်သူ၏ ဝဲဘက်ရင်အုံတွင် ထိုးသွင်းဒဏ်ရာ (၁)ချက်ဖြင့် သေဆုံးနေကြောင်း စစ်ဆေးတွေ့ရှိခဲ့သဖြင့် ဖြစ်စဉ်ကို ဆက်လက် စံစမ်းခဲ့သည်။

ဖြစ်စဉ်မှာ ဇူလိုင်လ ၁၉ ရက်နေ့ ညနေ ၆ နာရီတွင် ဦး−−−−−−− က အရက်မူးကာ အိမ်ပြန်ရောက်လာ ဇနီးဖြစ်သူအား ပြဿနာရှာနေခဲ့ပြီး အိမ်တိုင်အား သစ်သားတုတ်နဲ့ ရိုက်လိုက်စဉ် သစ်သားတုတ်မှာ အရှိန်နဲ့ ပြန်ကန်ပြီး သမီးဖြစ်သူ၏ ဦးခေါင်းအား ထိခိုက်သွားသဖြင့် ဇနီးဖြစ်သူနှင့် စကားများခဲ့ရာ ဇနီးဖြစ်သူ ဒေါ်သိန်းသိန်းဝင်း (၃၇ နှစ်)မှ စိတ်တိုပြီး မီးဖိုချောင်သုံး ကော်လက်ကိုင်ရိုးတပ် စတီးဓားဖြင့်ဖြင့် ထိုးလိုက်ရာ ဦး−−−−−− ၏ ဝဲဘက်ရင်အုံအား ထိုးမိခဲ့သည်။ ထိုနောက် လှိုင်သာယာဆေးရုံသို့ ပို့ဆောင် ကုသစဉ် ည ၈ နာရီ ၂၀ တွင် ဒဏ်ရာဖြင့် သေဆုံးသွားခဲ့ကြောင်း သိရှိရသည်။

ဖြစ်စဉ်နှင့်ပတ်သက်၍ လင်မယားချင်းစကားများရန်ဖြစ်ရာမှ ခင်ပွန်းဖြစ်သူအားသေဆုံးအောင် မီးဖိုချောင်သုံး စတီးဓါးဖြင့်ထိုးသူ ဒေါ်သိန်းသိန်းဝင်း အား ဥပဒေအရအရေးယူပေးပါရန် ဒုရဲအုပ်ကျော်တင့် မှ တရားလိုပြုလုပ်တိုင်တန်းသဖြင့် ဒေါ်သိန်းသိန်းဝင်အား လှိုင်သာယာမြို့မရဲစခန်းမှ (ပ)၂၇၁၁/၂၀၁၈ ရာဇသတ်ကြီးပုဒ်မ ၃၀၂ ဖြင့်အမှုဖွင့် အရေးယူဆောင်ရွက်လျှက်ရှိကြောင်း သတင်းရရှိသည်။


သတင်း - NyiNyi MCRA/SH ဗဟို


20 Jul 2018     1,239 Views




RELATED

Most Popular of Myanmar News

Most Popular of NEWS