ရန်ဖြစ်နေသောသားနှစ်ဦးကို ဖခင်ဖြစ်သူက တားမြစ်စဉ် ဓါးအခုတ်ခံရ
10 Aug 2018 1,244 Views
သြဂုတ်လ ၈ ရက်နေ့ ည ၉ နာရီခန့်အချိန်တွင် ရန်ဖြစ်စကားများနေသော သားနှစ်ဦးကို ဖခင်ဖြစ်သူက ဝင်ရောက်တားမြစ်ချိန် သားကြီးဖြစ်သူက ဖခင်ကို ဓါးဖြင့်ခုတ်မှုဖြစ်ပွားခဲ့ကြောင်း သိရသည် ။
ဖြစ်စဉ်မှာ ညောင်ဝန်းကျေးရွာတွင် နေထိုင်သည့် နိုင်းနိုင်း(၁၇)နှစ်နှင့် အစ်ကိုဖြစ်သူ ကျော်မျိုးသူ(၃၀)နှစ်တို့ က ညီအစ်ကိုချင်း စကားများရန်ဖြစ်နေသည်ကို ဖခင်ဖြစ်သူ ဦးပါက ၀င်ရောက်တားမြစ်ပြောဆိုခဲ့ရာ သားကြီးဖြစ်သူက ဓါးဖြင့် ဖခင်ကို ခုတ်ခဲ့သည် ။
ထိုရာတွင် ညောင်ဝန်းကျေးရွာနေ ဦးဟန်ထွန်း(၅၈)နှစ်က ညောင်ပင်ဇောက်ကျေးရွာရှိ ဦးပိုက်တင်၏ နာရေးအိမ်၌ ရှိနေစဉ် အရေးပေါ်လူနာတင်ကားရောက်ရှိလာပြီး အစ်ကိုဝမ်းကွဲတော်စပ်သူ ဦးပါ (၆၂)နှစ်အား ပြတ်ရှဒဏ်ရာ(၁)ချက်ဖြင့် တွေ့ရှိရ၍ မေးမြန်းခဲ့ရာမှ အခင်းဖြစ်စဉ်အကြောင်း ပေါ်ပေါက်ခဲ့ခြင်းဖြစ်သည်ဟု သိရသည်။
အဆိုပါဖြစ်စဉ်နှင့်ပတ်သက်ပြီး သားကြီးဖြစ်သူ ကျော်မျိုးသူကို ရဲစခန်းမှ (ပ) ၆၉၁/၂၀၁၈ ရာဇသတ်ကြီးပုဒ်မ ၃၂၆ ဖြင့် အရေးယူထားကြောင်း သိရသည် ။
