ဆီးသောက်ခြင်းဟာ အသားအရေစိုပြေ၊ ကိုယ်ခန္ဓာကျစ်လစ်လာတယ်လို့ ဖွင့်ဟသူနှစ်ဦး
10 Sep 2018 1,640 Views
ဟုတ်ပါတယ် ဆီး(သေး) သောက်တာပါ။ မိတ်ဆွေရဲ့ မျက်စိမမှားသလို စာလုံးပေါင်းလည်း မမှားပါဘူး။ ကိုယ်စွန့်လိုက်တဲ့(ပေါက်တဲ့) ဆီးကို နေ့စဉ်ပုံမှန် ပြန်သောက်ပြီးနောက် မျက်နှာပေါ်က ဝက်ခြံတွေလုံးဝ ကင်းရှင်းသွားတယ်လို့ အမျိုးသမီးတစ်ဦးက မကွယ်မဝှက် ဖွင့်ပြောပြခဲ့သလို အမျိုးသားတစ်ဦးကလည်း ကိုယ်ခန္ဓာကျစ်လစ် သန်စွမ်းလာတယ်လို့ အထောက်ထားတွေနဲ့တစ်ကွ ပြောကြားလိုက်ပါတယ်။
ဆီးကို ပြန်သောက်သုံးခြင်း၊ မျက်နှာမှာ လိမ်းကျံခြင်း၊ မျက်စိကို ဆီးနဲ့ ဆေးကြောတဲ့ နည်းလမ်းတွေဟာ ယခင်ရာစုနှစ်ပေါင်းများစွာကတည်းက ကျင့်သုံးခဲ့ဖူးပြီး ဒီလိုလုပ်ခြင်းကြောင့် ရောဂါတွေ ပျောက်ကင်းကာ ခွန်အားသစ်တွေ ရလာစေတယ်လို့ အယူအဆအလေ့အထ ရှိခဲ့ဖူးပါတယ်။
ဒီလိုရှေးရိုးအယူအဆဟာ တစ်ကယ် အလုပ်ဖြစ်ကြောင်း အမျိုးသမီးတစ်ဦးနဲ့ အမျိုးသားတစ်ဦးတို့က ကိုယ်တိုင်စမ်းသပ်ကျင့်သုံးပြီးနောက် ယနေ့ခေတ်မှာ သက်သေပြခဲ့ကြပါတယ်။
အမေရိကန်နိုင်ငံ မယ်ရီလန်ပြည်နယ်မှာ နေထိုင်တဲ့ ပန်းချီဆရာမ “ဂျူလီယာ စီလာမန်(Julia Sillaman)” ဆိုသူ အမျိုးသမီးက သူမရဲ့မျက်နှာမှာ အရင်က ဝက်ခြံပရပျစ် ရှိခဲ့ပြီး ဆီးကို ပုံမှန်သောက်တဲ့ ကုထုံးနဲ့ တွေ့တဲ့အခါမှာတော့ သူ့ရဲ့မျက်နှာပေါ်က ဝက်ခြံတွေ ပျောက်ကင်းပြီး အသားအရည်တွေလည်း စိုပြေလှပလာကာ ခန္ဓာကိုယ်အလေးချိန် ၂၅ ပေါင်လောက် ကျသွားတယ်လို့လည်း ဆိုပါတယ်။
နောက်တစ်ဦးကတော့ အမေရိကန်နိုင်ငံ အိုင်ဒါဟိုးပြည်နယ်က မိုးလေဝဿပညာရှင် “ခရစ္စတို ဒက်ဘရာစီယို(Christo Dabraccio)” ဖြစ်ပါတယ်။ သူက ဆီးကို နေစဉ် ပုံမှန်သောက်ပြီးနောက် ခန္ဓာကိုယ်အလေးချိန် ပေါင် ၃၀ လောက်ကျသွားပြီး ကျစ်လျစ်သန်းစွမ်းလာကာ စူပါမင်းလို ခံစားမှုမျိုးရတယ်လို့ ဆိုပါတယ်။
“ဆီး သောက်ရင် ကျန်းမာရေးအတွက် ကောင်းတယ်ဆိုတာကို အွန်လိုင်းပေါ်မှာ တွေ့တွေ့ခြင်း ရွံလိုက်တာဆိုတာ မပြောပါနဲ့။ ဒါပေမယ့် ဒီအကြောင်းတွေကို သေချာလိုက်ရှာဖတ်ကြည့်တော့ တစ်ကယ်ဟုတ်နေပါလားဆိုတာကို ယုံကြည်လာတယ်”
“ဆီးဆိုတာ သွေးကနေတစ်ဆင့် ပြောင်းလာတဲ့ ဒြပ်ပြောင်းလေ၊ သွေးဆိုတာက ခန္ဓာကိုယ်အတွက် တစ်ကယ့်ပင်မပဲ၊ ဒါကြောင့် ဆီးကိုသောက်ရင် ကျန်းမာတယ်ဆိုတာ အဓိပ္ပါယ်ရှိတာပေါ့” လို့ “ခရစ္စတို ဒက်ဘရာစီယို” က ဆိုပါတယ်။
ဆီးကို စတင်သောက်သုံးပြီးတဲ့နောက်မှာ ခန္ဓာကိုယ်ကြံ့ခိုင်လာသလို၊ ခေါင်းကြည်လင်ပြီး အသားအရေတွေ ဝင်းပလာကာ ငယ်ရွယ်နုပျိုသွားသလို ခံစားရကြောင်း ပြောပါတယ်။ သူဟာ တစ်ရက်လျှင် ဆီးကို လက်ဖက်ရည်ခွက် ၃ ခွက်စာ နေ့စဉ် မှန်မှန်သောက်သလို မျက်နှာသစ်ပြီး၊ မျက်လုံးကိုလည်း ဆေးကြောတယ်လို့ဆိုပါတယ်။
အသက် ၂၆ နှစ်အရွယ် “ဂျူလီယာ” ကတော့ “ခရစ္စတို ဒက်ဘရာစီယို” ရဲ့ အကြောင်းကို ကြားပြီး သူမလည်း ဆီးနဲ့ မျက်နှာကို စမ်းသစ်ကြည့်ရာက ဝက်ခြံတွေ ပျောက်ကင်းလာတာကို တွေ့ခဲ့ရပါတယ်။ အဲဒီနောက် ပိုမိုယုံကြည်မှုရှိလာပြီး စမ်းသောက်ကြည့်တဲ့အခါမှာတော့ ၂၅ ပေါင်လောက် သိသိသာသာ ဝိတ်ကျသွားတယ်လို့ ဆိုပါတယ်။
သုတေသနပညာရှင်တွေကတော့ ဆီးနဲ့ပက်သက်ပြီး အထက်က နှစ်ယောက်ပြောခဲ့သလို အကျိုးကျေးဇူးတွေရှိတယ်ဆိုတာ သက်သေမပြနိုင်သေးဘူးလို့ဆိုပါတယ်။
“လူတွေဟာ သူတို့စွန့်လိုက်တဲ့ ဆီးတွေကို သူတို့တစ်ဖန်ပြန်သောက်တာက ကိုယ့်ကိုယ်ကို မထီလေးစာလုပ်သလိုဖြစ်တာကလွဲရင် ဘာမှထူးခြားမလာပါဘူး” လို့ ပညာရှင်တွေထဲက တစ်ယောက်က ဝေဖန်ထားပါတယ်။
မိတ်ဆွေတို့ရဲ့ ထင်မြင်ချက်လေးကိုလည်း ဝေမျှပေးခဲ့ကြပါဦး…။
