BEC-TERO TV

မေတ္တာတရားကြီးမားတဲ့ လက်ဝှေ့ကျော်ကြီး ထိုးကြေးငွေ ၈ သန်းကို အကုန်လှူဒါန်း

03 Dec 2018     1,456 Views


တစ်ချိန်က ဟဲဗီးဝိတ်တန်း လက်ဝှေ့ချံပီယံဟောင်း “Tyson Fury” ဟာ ပြီးခဲ့တဲ့ စနေနေ့ညက WBC ဟဲဗီးဝိတ်ချံပီယံ “Deontay Wilder” နဲ့ ယှဉ်ပြိုင်ထိုးသတ်ခဲ့ပြီးနောက် သရေပွဲနဲ့ အဆုံးသတ်သွားခဲ့ပါတယ်။ အဆိုပါပွဲကနေ သူရရှိခဲ့တဲ့ ထိုးကြေး အမေရိကန်ဒေါ်လာ ၈ သန်းကို တစ်ပြားတစ်ချပ်မကျန် အိမ်ယာမဲ့များအတွက် အားလုံးကို လှူဒါန်းကြောင်း ကြေညာခဲ့ပါတယ်။


လော့စ်အိန်းဂျလိစ်မှာ ပြုလုပ်ခဲ့တဲ့ လက်ဝှေ့စိန်ခေါ်ပွဲ မစတင်မီကတည်းက “Tyson Fury” က ရလာဒ်မည်သို့ပင်ဖြစ်စေကာမူ သူရရှိမယ့် ထိုကြေးအားလုံးကို အသုံးပြုပြီး အိမ်ခြေယာခြေမဲ့များအတွက် အိမ်ဆောက်ပေးမယ်လို့ ပြောကြားခဲ့ပါတယ်။


၁၂ ချီထိုးသတ်ပွဲမှာ “Tyson Fury” ၂ ကြိမ်တိတိ လဲကျခဲ့ပေမယ့် ပြန်လည် ထိုးသတ်နိုင်ခဲ့ပြီး နောက်ဆုံးမှာ အမှတ်နဲ့ဆုံးဖြတ်ကာ သရေပွဲအဖြစ် အဆုံးသတ်သွားနိုင်ခဲ့တာဖြစ်ပါတယ်။ “Tyson Fury” က ငွေကြေး လှူဒါန်းမှုနဲ့ပက်သက်ပြီး “ကျွန်တော်မှာ ဒီငွေတွေကို သုံးစရာသိပ်မရှိပါဘူး၊ မီလီယံနာ၊ ဘီလီယံနာ ဖြစ်ဖို့လည်း စိတ်မဝင်စားပါဘူး။ ကျွန်တော်က လက်ဝှေ့သမားပါ စီးပွားရေးသမား မဟုတ်ပါဘူး ဒါကြောင့် တခြားလက်ဝှေ့သမားတွေ သွားတဲ့လမ်းစဉ်ကိုပဲ သွားရမှာပါ နောက်ဆုံးမှာ ငမွဲဖြစ်ချင်လည်း ဖြစ်သွားမှာပေါ့ဗျာ၊ သေရင် ဒါတွေ ယူသွားလို့မရပါဘူး ဒီတော့ ကူရာကယ်ရာမဲ့နေတဲ့ လူတွေအတွက် အကူအညီပေးချင်တာပါ” လို့ ပြောကြားခဲ့ပါတယ်။



“Tyson Fury” ဟာ အခုလို ကြိုးဝိုင်းထဲ တဖန်ပြန်လည် မဝင်ရောက်ခင်က မူးယစ်ဆေးနဲ့ အရက်စွဲနေသူတစ်ယောက်လည်း ဖြစ်ခဲ့ပြီး စိတ်ပိုင်းဆိုင်ရာ မတည်ငြိမ်တဲ့ ဝေဒနာကိုလည်း ခံစားခဲ့ရဖူးသူဖြစ်ပါတယ်။

ကျွန်တော် အိမ်ပြန်ရောက်ရင် အိမ်ယာမဲ့တွေအတွက် အိမ်တွေဆောက်မယ်၊ မူးယစ်ဆေးနဲ့ အရက်စွဲသူတွေကို ကူညီဖို့ မတည်ငွေတွေ ထူထောင်မယ်” လို့ ဆိုပါတယ်။

လမ်းပေါ်မှာ အိမ်ယာမဲ့တွေ အများကြီးရှိပါတယ် ကျွန်တော်မြင်ဖူးတာထက်တောင် ပိုများဦးမှာပါ၊ ကျွန်တော်က မြို့ထဲမှာ နေပေမယ့် ၅ မိနစ်လောက် လမ်းလျှောက်လိုက်တာနဲ့ လမ်းဘေးတစ်လျှောက် ထောင်နဲ့ချီတဲ့ အိမ်ယာမဲ့တွေ တွေ့နေရပါတယ်။ ဒါတွေက ကျွန်တော်ရဲ့ မျက်လုံးတွေကို ဖွင့်ပေးလိုက်သလိုပဲ ကိစ္စအတော်များများ လုပ်ဖို့ရှိနေပါလားဆိုတာကို ဒါကြောင့် ကျွန်တော် ဒီထက်ပိုကောင်းနိုင်တဲ့ လူတစ်ယောက်အဖြစ် လောကကြီးထဲကို ပြန်သွားတော့မှာပါ” လို့ ပြောကြားခဲ့ပါတယ်။


ဒါ့အပြင် “Tyson Fury” က သူမှာ သားသမီး ၄ ဦးရှိပေမယ့် ဒီငွေတွေကို မိသားစုကို ပေးမှာ မဟုတ်ကြောင်း အခုလို ရှင်းပြခဲ့ပါတယ်။

ကျွန်တော်ကလေးတွေအနေနဲ့ သူ့တို့ပိုက်ဆံ သူတို့ရှာဖို့သင့်တယ်လို့ ကျွန်တော်ယုံကြည်တယ် ဒါမှမဟုတ်ရင်တော့ ငွေဆိုတာကို တန်ဖိုးထားမှာ မဟုတ်ဘူး။ ကိုယ်ရှာထားတဲ့ ပိုက်ဆံ မဟုတ်ဘူးဆိုရင် သုံးရတာ သိပ်လွယ်တယ်ဗျ၊ တစ်ကယ်တော့ ဒီပိုက်ဆံတွေက ခန္ဓာကိုယ် သွေးချွေးနဲ့ ရင်းပြီးမှရလာတဲ့ သွေးစွန်းထားတဲ့ငွေတွေဖြစ်တယ်

ကျွန်တော့် ကလေးတွေကို သူတို့စိတ်ကြိုက်ပုံစံနဲ့ သူတို့ဘဝကို သူတို့ရပ်တည်စေချင်တယ်၊ သူတို့ကို ကျွန်တော်ရဲ့ နာမည် ဂုဏ်သတင်းတွေအောက်မှာ တစ်ခုခုဆိုရင် လွယ်လွယ်လေးရတဲ့ပုံစံမျိုး မဖြစ်စေချင်ဘူး”

ချမ်းသာတဲ့ ကလေးတွေကို ကြည့်ရင် ဘာအလုပ်မှ မလုပ်တာတွေ့ရတတ်တယ် ဘာဖြစ်လို့လည်း ဆိုတော့ အားလုံး လွယ်လွယ်လေး ရနေလို့ပဲ၊ ကျွန်တော့် သားသမီးတွေကိုတော့ သူတို့ဘဝအတွက် သူတို့လိုချင်တာတွေအတွက် ကိုယ်တိုင်အားထုတ်စေချင်တယ်၊ ကျွန်တော်လည်း ကိုယ်ဖြစ်ချင်တာတွေအားလုံးအတွက် ပြင်းပြင်းထန်ထန် ကြိုးစားခဲ့ရတယ်” လို့ ဆိုပါတယ်။


03 Dec 2018     1,456 Views




RELATED

Most Popular of Boxing

Most Popular of NEWS