BEC-TERO TV

ဒဏ္ဍာရီပုံပြင်ထဲက မင်းသမီးလေးလိုခမ်းနားစွာမင်္ဂလာဆောင်ခဲ့တဲ့ Priyanka Chopra

05 Dec 2018     1,336 Views


ဘောလိဝုဒ်သရုပ်ဆောင်မင်းသမီး Priyanka Chopra နဲ့ဟောလိဝုဒ်အဆိုတော် Nick Jonas တို့ရဲ့ မနဲ့မောင် အချစ်ဇာတ်လမ်းဟာဆိုရင် လူတွေအားလုံးကိုအံ့အားသင့်စေ ခဲ့တာအမှန်ပါပဲ။ သူတို့နှစ်ယောက်ဟာ အသက် ၁၀ နှစ်တိတိကွာပါတယ်။ အချစ်မှာ အသက်အရွယ်အပိုင်းအခြားတွေ၊ ဘာသာရေးအပိုင်းအခြားတွေမရှိဘူးဆိုတာ သူတို့နှစ်ယောက်ကသက်သေပြလိုက်တာပါ။

လွန်ခဲ့တဲ့ရက်အနည်းက Nick နဲ့ Priyanka တို့ဟာသူတို့ရဲ့ ဆိုရှယ်မီဒီယာအကောင့်များမှာ pre wedding ပုံတွေကိုတင်ပြီး ပရိတ်သတ်ကို အသိပေးခဲ့ပါတယ်။ ဘာသာမတူညီတဲ့အတွက် အိန္ဒိယရိုးရာအတိုင်းတစ်ဖုံ အနောက်တိုင်းခရစ်ယာန်စတိုင်လိုတစ်မျိုးလက်ထပ်ပွဲကိုကျင်းပခဲ့ကြပါတယ်။


အားလုံးကိုအံ့အားသင့်သွားစေတာကတော့ အနောက်တိုင်းစတိုင်မင်္ဂလာပွဲပါပဲ။ ထိုပွဲမှာ Priyanka ခေါင်းမှာဆောင်းခဲ့တဲ့ ခေါင်းဆောင်းပုဝါက ၇၅ ပေအရှည်ရှိပါတယ်။ Disney ဇာတ်လမ်းတွေထဲကလို ဒဏ္ဍာရီပုံပြင်ထဲက မင်းသားလေးနဲ့ မင်္ဂလာဆောင်ရတဲ့မင်းသမီးလေးလိုပါပဲ။ သူမဟာစိတ်ကူးယဉ်ဆန်စွာ လှပလွန်းနေပါတယ်။ မင်္ဂလာသတို့သမီးကိုပို့ဆောင်တဲ့အနေနဲ့ သူမအမေ Madhu Chopra ကသူမကိုလက်တွဲပြီးပို့ဆောင်ခဲ့ပြီး သတို့သမီးကို သတို့သား Nick Jonas နဲ့အတူ သူ့ရဲ့ အစ်ကို Jo Jonas တို့ကလဲခန့်ညားတင့်တယ်စွာစောင့်ဆိုင်းနေပါတယ်။ သူမရဲ့ ရှည်လျားလှတဲ့ ခေါင်းဆောင်းပုဝါကို အနောက်မှလူ ၅ယောက်က ကိုင်ဆောင်ပေးထားတာဖြစ်ပြီး အပေါ်စီးကနေ video ရိုက်ပြထားတာဆိုရင်မြင်ရသူအပေါင်းကို ရှုမဝ တသသဖြစ်စေပါတယ်။


Priyanka ကလဲသူမရဲ့ instagram မှာ “Once upon a time in fairy tale” လို့ရေးသားပြီး video ကိုတင်ခဲ့ပါတယ်။

ပေပေါင်း ၇၅ ပေရှည်လျားလှတဲ့ထိုပုဝါကို ဖန်တီးဖို့ နာရီပေါင်း ၁၈၂၆ နာရီကြာမြင့်ခဲ့တယ်လို့ဆိုပါတယ်။ နောက်တစ်ခုထူးခြားချက်ကတော့ သူမရဲ့ခေါင်းဆောင်းခြုံလွှာဟာ ပြီးခဲ့တဲ့မေလပိုင်းမှာကျင်းပပြုလုပ်ခဲ့တဲ့ တော်ဝင်မင်္ဂလာပွဲမှာ Meghan Markle ဆောင်းခဲ့တဲ့ ခေါင်းဆောင်းပုဝါထက် ပေပေါင်း ၆၀ လောက် ပိုရှည်နေတာပဲဖြစ်ပါတယ်။

(Meghan Markle နဲ့ Priyanka တို့ဟာသူငယ်ချင်းများဖြစ်ကြပြီး Meghan ဟာ သူငယ်ချင်းဖြစ်သူ Priyanka ရဲ့ မင်္ဂလာဆောင်အတွက်ဂုဏ်ပြု သဝဏ်လွှာကိုပေးပို့ခဲ့ပါတယ်။ Priyanka ကလဲ Meghan ရဲ့တော်ဝင်မင်္ဂလာပွဲကို ဂုဏ်ပြုကြောင်းသူမရဲ့ instagram မှာတင်ခဲ့ပါတယ်။)

Once upon a time in fairy tale

 
 
 
 
 
 
 
 
 
 
 
 
 

Once upon a fairytale... @nickjonas Link in bio @people

A post shared by Priyanka Chopra (@priyankachopra) on



05 Dec 2018     1,336 Views




RELATED

Most Popular of Movie Stars - Celebrity

Most Popular of NEWS