BEC-TERO TV

(၈) နှစ်ကျော်ကြာကွဲကွာပြီးမှ ပြန်လည်ပေါင်းစည်းပြီး သီချင်းအသစ်နဲ့ပြန်လာပြီဖြစ်တဲ့ Westlife

11 Jan 2019     1,739 Views


၂၁ ရာစုနှစ် အစပိုင်းတွေမှာ ပေါ့ပ်လောကကိုလွှမ်းမိုးခဲ့တဲ့ Westlife ဆိုရင်ပရိတ်သတ်ကြီးကို အထူးတလည်မိတ်ဆက်ပေးစရာလိုမယ်မထင်ပါဘူး။ My Love လို့ပြောလိုက်တာနဲ့ Westlife ဆိုပြီး တန်းသိကြတာပါပဲ။


တစ်ချိန်က နှုတ်ခမ်းနီမလေးတွေအသဲစွဲတဲ့ Westlife အဖွဲ့ဝင်တွေဟာ လက်ရှိမှာတော့ အသက် ၄၀ ပတ်လည်ဝန်းကျင် ရှိနေကြပါပြီ။ အဖွဲ့သားတွေအားလုံးဟာ အိမ်ထောင်ကိုယ်စီနဲ့ သာယာတဲ့မိသားစုဘဝလေးတွေကို ကိုယ်စီပိုင်ဆိုင်ထားကြပါတယ်။ အဖွဲ့သားထဲမှ Markus ကလွဲလို့ ဘာကြောင့်လဲဆိုတော့ Markus ကသူ့ကိုယ်သူ gay တစ်ယောက်ဆိုတာ အတိအလင်းဝန်ခံထားသူတစ်ယောက်ဖြစ်ပြီး UK မှာရှိတဲ့ LGBT အသိုင်းအဝန်းထဲမှ ထိပ်ဆုံးထိအောင်မြင်ကျော်ကြားသူအဖြစ် အသိအမှတ်ပြုခြင်းခံရသူတစ်ဦးဖြစ်ပါတယ်။

 


Westlife အဖွဲ့ဟာ ၁၉၉၈ ခုနှစ်မှာ ယခု X-factor ရဲ့ ပရိုဂျူဆာတစ်ဦးလဲဖြစ်၊ ဒိုင်တစ်ဦးလဲဖြစ်တဲ့ Simon Cowell ကနေ စတင်ဖွဲ့စည်းခဲ့တာဖြစ်ပါတယ်။ ၂၀၀၄ ခုနှစ်မှာ အဖွဲ့ဝင် Brian McFadden က အဖွဲ့ကနေ နှုတ်ထွက်ခဲ့ပြီး တစ်ကိုယ်တော် အဆိုတော်အဖြစ်ရပ်တည်ခဲ့ပါတယ်။ Brain နှုတ်ထွက်သွားအပြီး Westlife ဟာ ကျန်တဲ့ အဖွဲ့သား လေးဦးနဲ့ပဲ သီချင်းများကို ဆက်လုပ်ခဲ့ပါတယ်။


Westlife အဖွဲ့ကို အစပျိုးတည်ထောင်ပေးခဲ့တဲ့ Simon Cowell ဟာအစပထမက US ဟောလိဝုဒ်ရဲ့ ဈေးကွက်ထိဖောက်နိုင်ဖို့ မျှော်မှန်းထားခြင်းမရှိပဲ ဥရောပနိုင်ငံတွေလောက်သာ ထိုးဖောက်နိုင်ဖို့ ရည်ရွယ်ခဲ့တာပါ။ သို့ပေမဲ Westlife ဟာ Swear It again သီချင်းထွက်ရှိပြီးတဲ့အချိန်မှာတော့ တားမနိုင်ဆီးမရ တဟုန်ထိုး ဟောလိဝုဒ်အထိပါပေါက်သွားခဲ့တာဖြစ်ပါတယ်။


Brian ထွက်သွားပြီး ကျန်တဲ့နှစ်တွေမှာလဲ Westlife ဟာသီချင်းအသစ်တွေဆက်လက်ထွက်ရှိခဲ့ပြီး ၂၀၁၂ ခုနှစ်မှာတော့ disband ခဲ့ပါတယ်။ အားလုံးကတော့ Westlife အဖွဲ့ကြီးဖျက်သိမ်းသွားပြီဆိုတော့ သီချင်းအဟောင်းတွေကိုပဲနားထောင်ရင်း လွမ်းနေခဲ့ရတာပေါ့။ ၂၀၁၈ ခုနှစ်မကုန်ခင် တစ်လလောက်မှာ Markus, Shane, Nicky, Kian တို့လေးယောက်ပါဝင်တဲ့ Westlife အဖွဲ့ ပြန်လည်ပေါင်းစည်းပြီး သီချင်းအသစ်တွေထွက်ပေါ် လာတော့မယ်လို့ သတင်းထွက်ပေါ်လာခဲ့ပါတယ်။


၂၀၁၉ ရဲ့ ၁ လပိုင်း ၁၀ ရက်နေ့မှာ အားလုံးမျှော်လင့်ထားတဲ့အတိုင်း Westlife က ‘Hello My Love’ ဆိုတဲ့သီချင်းအသစ်နဲ့ပြန်လာခဲ့ပါတယ်။ သီချင်းလေးက Westlife ရဲ့ပုံစံအတိုင်း sweet ဖြစ်ပြီး ခပ်မြူးမြူး ဒီဇိုင်းလေးပါ။ အားလုံးပဲခံစားနားဆင်ကြည့်လိုက်ကြပါဦး။


 

 

 


11 Jan 2019     1,739 Views




RELATED

Most Popular of Movie Stars - Celebrity

Most Popular of NEWS