BEC-TERO TV

ပြိုင်ဘက်ဟောင်းကို ပထမအချီမှာ ပွဲသိမ်းမည်ဟု အောင်လအန်ဆန်း ပြော

18 Feb 2019     18,425 Views


လာမည့် မတ်လ ၃၁ ရက်နေ့မှာတော့ ONE Championship ရဲ့ ချံပီယံဆု ၂ ခုပိုင်ရှင် “အောင်လအန်ဆန်း (မြန်မာ့စပါးအုံး)” ကို ပြိုင်ဘက်ဟောင်းဖြစ်ခဲ့ဖူးသူ “ကန်ဟက်ဆီဂါဝါ” က ဒုတိယအကြိမ် စိန်ခေါ်ထိုးသတ်သွားမှာဖြစ်ပါတယ်။ 
 
 
ပြီးခဲ့တဲ့ ၂၀၁၈ ခုနှစ် ဇွန်လ (၂၉) ရက်နေ့က ယှဉ်ပြိုင်ခဲ့တဲ့ Sprit Of Warrior ပွဲစဉ်မှာ “အောင်လအန်ဆန်း” နဲ့ “ကန်ဟက်ဆီဂါဝါ” တို့ရဲ့ ပွဲက တစ်နှစ်တာအတွက် အကောင်းဆုံးပွဲတစ်ပွဲဖြစ်ခဲ့ပြီး အောင်လအန်ဆန်းက ၅ ချီမှာ လက်သီးချက်များနဲ့ ကန်ဟက်ဆီဂါဝါကို အလဲထိုးအနိုင်ယူခဲ့ကာ ချံပီယံခါးပတ်ကို ကာကွယ်နိုင်ခဲ့ပါတယ်။
 
လာမယ့် ၂၀၁၉ ခုနှစ် မတ်လ ၃၁ ရက်နေ့ ဂျပန်နိုင်ငံ တိုကျိုမြို့မှာ ပြုလုပ်မယ့် “ONE: A New Era” ပွဲမှာ “ကန်ဟက်ဆီဂါဝါ” က “အောင်လအန်ဆန်း” ကို မကြေပွဲပြန်လည် စိန်ခေါ်ထိုးသတ်မှာဖြစ်ပါတယ်။ ဒီပွဲအတွက် ပြင်ဆင်မှုတွေ ပြုလုပ်နေပြီး ပထမအချီမှာတင် ပွဲသိမ်းအောင် ကြိုးစားသွားမယ်လို့ “အောင်လအန်ဆန်း” က ပြောဆိုခဲ့ပါတယ်။
 
 
ဒီပွဲဟာ ဂျပန်နိုင်ငံ တိုကျိုမှာ ပြုလုပ်မှာဖြစ်တဲ့အတွက် ပရိသတ်အားပေးမှုအနေနဲ့ “ကန်ဟက်ဆီဂါဝါ” ဘက်က အသာရနိုင်ပေမယ့် ပထမတစ်ကြိမ် ရင်ဆိုင်ကြုံးတွေ့ဖူးသူဖြစ်လို့ သူဘာလုပ်မယ်ဆိုတာ အောင်လအန်ဆန်းအနေနဲ့ သိပြီးသားဖြစ်သလို “ကန်ဟက်ဆီဂါဝါ” ရဲ့ ပွဲတွေကိုလည်း ကြည့်ရှုလေ့လာထားပြီးဖြစ်တယ်လို့ ဆိုပါတယ်။
 
အောင်လအနေနဲ့ နိုင်ငံခြားတိုင်းပြည်များမှာ ယှဉ်ပြိုင်ဖူးတဲ့ ပွဲအတွေအကြုံ များသူတစ်ယောက်အနေနဲ့ ပရိသတ်အားပေးမှု အသာစီးမရသည့်တိုင် ကိုယ့်ကိုယ်ကို ယုံကြည်ချက်အပြည့်နဲ့ မြန်မာနိုင်ငံအတွက် အကောင်းဆုံး ကြိုးစားအနိုင်ယူသွားမည်ဖြစ်ကြောင်း ရုပ်သံမှတစ်ဆင့် ပရိသတ်များအား အသိပေးပြောကြားလိုက်သည်။
 
 
မတ်လ (၈) ရက်နေ့မှာလည်း ONE Championship ရဲ့ Reign Of Valor ကို ရန်ကုန်မြို့ သုဝဏ္ဏမှာ ကျင်းပပြုလုပ်မှာဖြစ်ပြီး “ဖိုးသော်” “တီရယ်ထန်” နဲ့ “ဘိုဇန်နာ အန်တိုနီယာ” တို့က မြန်မာကိုယ်စားပြုအနေနဲ့ ပါဝင်ယှဉ်ပြိုင်သွားကြမှာဖြစ်ပါတယ်။
 
ONE Championship ပွဲလက်မှတ်များကို စတင်ရောင်းချနေပြီဖြစ်ပြီး အောက်ပါနေရာတွင် စုံစမ်းဝယ်ယူနိုင်ပါသည်။
 
My AsiaTicket : အခန်း ၇၀၃၊ ရွှေသံလွင်ကွန်ဒို၊ တက္ကသိုလ်ရိပ်သာလမ်းသစ်၊ အေးရိပ်သာ (၁) လမ်း၊ ဗဟန်းမြို့နယ်။ 
ဖုန်း − ၀၁ ၅၄ ၉၂ ၉၇ 
Website : MyAsiaTicket.com
 

18 Feb 2019     18,425 Views




RELATED

Most Popular of Boxing

Most Popular of NEWS