BEC-TERO TV

အလယ်တန်းကျောင်းသားတစ်ဦး အသည်းကွဲပြီး ကျောင်းခေါင်မိုးပေါ်မှ ခုန်ချသတ်သေရန်ကြိုးစား

13 Mar 2019     3,749 Views


အသက် ၁၃ နှစ်အရွယ် အလယ်တန်းကျောင်းသားတစ်ဦးဟာ သူကြွေနေတဲ့ ကောင်မလေးက သူ့ရဲ့ အခင်ဆုံးသူငယ်ချင်းကို ချစ်နေတာကြောင့် အသည်းကွဲပြီးနောက် သေတမ်းစာရေးသားကာ ကျောင်းခေါင်မိုးပေါ်တက်ပြီး သတ်သေရန် ကြံစည်အားထုတ်မှု မတ်လ ၁၂ ရက်နေ့က ဖြစ်ပွားခဲ့ပါတယ်။
 
 
မလေးရှားနိုင်ငံ ဆီလန်ဂေါပြည်နယ် ဘန်တင်းမြို့က ကျောင်းမှာ နေ့လည် ၁ နာရီအချိန်က ဖြစ်ပွားခဲ့တာဖြစ်ပါတယ်။ ဒေသတွင်းသတင်းမှာ ဖော်ပြချက်အရ အသက် ၁၃ နှစ်အရွယ် Form 1 ကျောင်းသားဟာ ကောင်မလေးကို အရင်က ချစ်ရေးဆိုခဲ့ပြီး၊ မိန်းကလေးက သူမှာ ချစ်ရတဲ့သူရှိတယ်လို့ ငြင်းပယ်တာခံခဲ့ရပါတယ်။ အဲဒီနောက် မိန်းကလေးရဲ့ချစ်သူဟာ သူ့ရဲ့အခင်ဆုံး သူငယ်ချင်းဖြစ်နေတာကို သိသွားပြီး အသည်းကွဲကာ သတ်သေရန် ကြံစည်ခဲ့တာဖြစ်ပါတယ်။
 
 
ကျနော်ကိုယ့်ကိုယ်ကို သတ်သေချင်တယ်၊ အခင်ဆုံး သူငယ်ချင်းနဲ့လည်း ရန်ဖြစ်ထားတယ်။ ကျနော်ချစ်နေတဲ့ ကောင်မလေးက သူ့နဲ့တွဲနေတယ်တဲ့၊ ကျနော် အရမ်းနာကျင်ခံစားရတယ်၊ ဒီကိစ္စကို အခြားသူငယ်ချင်း တစ်ယောက်နှစ်ယောက်ကို ရင်ဖွင့်ဖူးတယ်။ သူတို့က ကျနော်ကို သတ်မသေဖို့တားကြတယ် ဒါပေမယ့် ကျနော် လုံးဝ မခံစားနိုင်တော့ဘူး ဒါကြောင့် ကိုယ့်ဟာကိုယ်သတ်သေဖို့ ရွေးချယ်ခဲ့တာပါ” လို့ သေတမ်းစာအနေနဲ့ ရေးသားထားခဲ့ပါတယ်။
 
သူတစ်ကယ်သတ်သေဖို့ လုပ်နေတာပါ။ ကံကောင်းပါတယ်၊ မီးသတ်အဖွဲ့ကတစ်ယောက်က သူ့ကို နားဝင်အောင် ချော့မော့နိုင်ခဲ့လို့ အောက်ကို ပြန်ခေါ်လာနိုင်ခဲ့တယ်” လို့ ပြည်နယ်ရဲမှူး Azizan Tukiman က ပြောကြားခဲ့ပါတယ်။
 
သူဟာ ကျောင်မှာ အမြဲတမ်းအေးအေးဆေးဆေး နေတတ်သူဖြစ်ပြီး အများအားဖြင့် ဝမ်းနည်းနေတဲ့ ပုံစံရှိတယ်လို့ ဆိုပါတယ်၊ ဒါကြောင့်လည်း စိတ်ကျပြီး သူ့ကိုယ်သူ အဆုံးစီရင်ဖို့ထိ ဆုံးဖြတ်ခဲ့တာဖြစ်တယ်လို့ ဆိုပါတယ်။ သူ့ကို ပြန်လည် ကယ်တင်စဉ် လက်မှာ ဒဏ်ရာအနည်းငယ်ရခဲ့တာကြောင့် ဆေးရုံမှာ ကုသပေးထားကြောင်း သတင်းရရှိသည်။
 

13 Mar 2019     3,749 Views




RELATED

Most Popular of Special or Others

Most Popular of NEWS