BEC-TERO TV

မမှတ်မိနိုင်လောက်အောင်ပြောင်းလဲသွားပြီဖြစ်တဲ့ F4 ဇာတ်လမ်းတွဲမှ ကလေးသရုပ်ဆောင် Park Ji Bin

19 Apr 2019     1,432 Views


၂၀၀၉ ခုနှစ်မှာ ရေပန်းစားကျော်ကြားခဲ့တဲ့ F4 ကိုးရီးယားဇာတ်လမ်းတွဲမှာ ဂင်ဂျန်ဒီရဲ့ မောင်လေးအဖြစ်ပါဝင်သရုပ်ဆောင်ခဲ့တဲ့ ကောင်လေးကို မှတ်မိကြသေးလားပရိတ်သတ်ကြီးရေ။ သူ့နာမည်ကတော့ Park Ji Bin လို့ခေါ်ပါတယ်။ Park Ji Bin ဟာ ပြီးခဲ့တဲ့ ၂၀၁၇ မှာပဲစစ်မှုထမ်းခြင်းအမှုကိုဆောင်ရွက်ခဲ့ပြီးဖြစ်ပါတယ်။

တောင်ကိုးရီးယားနိုင်ငံရဲ့ အသက် (၁၈) နဲ့ (၃၀) ကြားမဖြစ်မနေစစ်မှုထမ်းရမယ့် ဥပဒေအရ သရုပ်ဆောင်မင်းသားများလဲမဖြစ်မနေစစ်မှုထမ်းကြရပါတယ်။ အများစုကတော့ အသက် (၃၀) နားနီးမှစစ်မှုထမ်းကြပေမယ့် Park Ji Bin ကတော့ အသက် (၂၂) အရွယ်မှာစစ်မှုထမ်းတာ ပြီးဆုံးခဲ့တာပဲဖြစ်ပါတယ်။ ငယ်ငယ်ရွယ်ရွယ်နဲ့ စစ်မှုထမ်းနေတာကြောင့် ကလေးသရုပ်ဆောင်လုပ်ပြီးနောက်ပိုင်း ဇာတ်လမ်းတွဲတွေမှာ သူ့ကိုမမြင်ရတော့တာပါ။

Park Ji Bin တစ်ယောက် တီဗွီအစီအစဉ်တွေမှာရော၊ ဇာတ်လမ်းတွဲတွေမှာပါ မပါဖြစ်ခဲ့တာ အချိန်တစ်ခုကြာခဲ့ပြီဖြစ်ပါတယ်။ လက်ရှိမှာတော့ Spring,Again ဆိုတဲ့ဇာတ်ကားမှာ အဓိကဇာတ်ဆောင်အဖြစ်ပါဝင်တော့မှာဖြစ်ပြီး Mbc ရဲ့ Radio Star အစီအစဉ်မှာထွက်ပေါ်လာခဲ့ပါတယ်။ Park Ji Bin ကိုပရိတ်သတ်တွေက ကလေးသရုပ်ဆောင် တစ်ယောက်အနေနဲ့သာမြင်ခဲ့တာဖြစ်တဲ့အတွက် သူ့ရဲ့ လူကြီးဆန်တဲ့ ပုံစံကို မြင်တွေ့လိုက်ရတာဟာ လူအများကို အံ့အားသင့်သွားစေပါတယ်။

F4 ကားထဲက ဂင်ဂျန်ဒီရဲ့ မောင်လေးလို့ ပရိတ်သတ်က မြင်ခဲ့ပေမယ့် ခုတော့ တည်ငြိမ်ရင့်ကျက်တဲ့ လူကြီးတစ်ယောက်ဖြစ်နေပါပြီ။ မကြာခင်သူရိုက်မယ့် ဇာတ်ကားအသစ်မှာဘယ်လိုပါဝင်သရုပ်ဆောင်မလဲဆိုတာ စိတ်ဝင်စားစရာပါပဲ။ အတူတူစောင့်မျှော်ကြည့်ရှုလိုက်ကြရအောင်ပရိတ်သတ်ကြီးရေ။

(ပိုပိုလေး)

 

 

 

 


19 Apr 2019     1,432 Views




RELATED

Most Popular of Movie Stars - Celebrity

Most Popular of NEWS