ပန်းကန်ဆေးခြင်းဟာ စိတ်ဖိစီးမှုလျော့ကျစေဖို့အကောင်းဆုံးနည်းလမ်းဖြစ်ကြောင်း သုတေသီများပြောကြား

30 Apr 2019 1,565 Views

ဒီအကြောင်းအရာကို မဖော်ပြခင်မှာ သင်ရော အိမ်မှာ ကိုယ့်ပန်းကန်ကိုယ် တာဝန်ယူပြီးဆေးကြောလေ့ရှိသူတစ်ယောက်လားဆိုတာ မေးပါရစေ။ ဒီလိုမေးရတဲ့အကြောင်းအရင်းကတော့ ကိုယ့်တာဝန်ကိုယ်ယူတတ်သူတစ်ယောက် စိတ်ဖိစီးမှု ဖြစ်နိုင်ချေ အနည်းဆုံးဖြစ်တယ်လို့ စိတ်ပိုင်းဆိုင်ရာကျန်းမာရေး ပညာရှင်တွေ ပြောကြားထားတဲ့အတွက်ပဲဖြစ်ပါတယ်။ အမေရိကန်နိုင်ငံ ဖလောရီဒါပြည်နယ် တက္ကသိုလ်မှ ကျောင်းသား၊ ကျောင်းသူများကို လေ့လာစမ်းသပ်ချက်အရ ပန်းကန်ဆေးခြင်းဟာ စိတ်ဖိအားတွေကို လျော့ချစေနိုင်ဖို့ အကောင်းဆုံး နည်းလမ်းဖြစ်ကြောင်း ရှာဖွေတွေ့ရှိခဲ့ပါတယ်။

>>ဆက်လက်ဖတ်ရှုရန် Read More ကိုနှိပ်ပါ<<

ဖလော်ရီဒါ တက္ကသိုလ်ရှိ ကျောင်းသား ၅၁ ယောက်ကို နှစ်ဖွဲ့ခွဲပြီး စစ်ဆေးစေခဲ့ပါတယ်။ တစ်ဝက်ကို ပန်းကန်ဆေးစေပြီး ကျန်တစ်ဝက်ကိုတော့ ပန်းကန်ဆေးပုံ၊ဆေးနည်း စာပိုဒ်ကို အသံထွက်ဖတ်ရှုစေခဲ့ပါတယ်။ ပန်းကန် ဆေးပုံ၊ ဆေးနည်း စာပိုဒ်ကတော့ အောက်ပါအတိုင်းဖြစ်ပါတယ်။

“ပန်းကန်ဆေးတဲ့အခါ ပန်းကန်ဆေးတယ်လို့တွေးနေရမှာပဲဖြစ်ပါတယ်။” ဒီလိုစကားမျိုး ကြားကြားချင်း ရူးကြောင်ကြောင်နိုင်တယ်လို့ သင်ထင်ကောင်းထင်ပါလိမ့်မယ်။ ဘာကြောင့်ဒီလို အရေးမကြီးတဲ့ကိစ္စရပ်တစ်ခုကို ကျွန်တော်တို့ အာရုံစိုက်ဖို့လိုတယ် လို့ထင်ပါသလဲ? အဲ့ဒီအရေးမကြီးတဲ့ ကိစ္စရပ်တစ်ခုကပဲ အဓိကအချက်ဆိုတာရှင်းပြသွားမှာပါ။ စာပိုဒ်ရဲ့ အဆက်ကတော့

“လူတစ်ယောက်ဟာပန်းကန်ဆေးစင်မှာ ရပ်ပြီးပန်ကန်းဆေးနေတာဟာ လက်ရှိဖြစ်စဉ်ဖြစ်ပါတယ်။ ပန်းကန်ဆေးနေစဉ် မိမိရဲ့ အပြုအမူအသေးစိတ်ကို သတိလေးကပ်ပြီးစောင့်ကြည့်ကြည့်ပါ။ ပန်းကန်ဆေးနေစဉ် မိမိကိုယ်မိမိ လူသားတစ်ယောက်အဖြစ် တည်ရှိနေတာကို သတိပြုမိပါစေ။ အစားအသောက်တွေနဲ့ ညစ်ပတ်နေတဲ့ ပန်းကန်တွေကို ဆေးကြောလိုက်ရတာဟာ ဘယ်လောက်တောင် ကြည်နူးစရာကောင်းလိုက်တဲ့အဖြစ်အပျက်တစ်ခုလဲနော်။ ကိုယ့်ကြောင့် ကိုယ်ဆေးကြောလိုက်တာကြောင့် ပန်းကန်လေးတွေတောက်တောက်ပြောင်ပြောင်ဖြစ်သွားတာဟာ ကြည်နူးစရာကိစ္စတစ်ရပ်ပါပဲ” ဆိုပြီး ရေးသားထားတာဖြစ်ပါတယ်။

အဆိုပါ လေ့လာစမ်းသပ်ချက်အပြီး ကျောင်းသား ၅၁ ယောက်ရဲ့ ဉာဏ်ပညာကွန့်မြူးနိုင်မှုစွမ်းအား ၂၅ % မြှင့်တက်လာပြီး စိတ်လှုပ်ရှားမှု၊ စိတ်မတည်မငြိမ်ဖြစ်မှု ၂၇ % လျော့ချနိုင်ခဲ့ပါတယ်။

အမေရိကန် FSU Colloege မှ စိတ်ပညာဆရာဝန် Adam Hanley မှ ပန်ကန်းဆေးခြင်းဖြင့် စိတ်တည်ငြိမ်မှုရရှိစေတဲ့ နည်းလမ်းကို စိတ်ဖိစီးမှုဝေဒနာရောဂါသည်တွေအတွက် အသုံးပြုနိုင်ဖို့အတည်ပြုခဲ့ပါတယ်။

“ပန်းကန်ဆေးတာမှမဟုတ်ပါဘူး ကျွန်တော်တို့ နေ့စဉ်ပြုမူနေကျ လုပ်ငန်းဆောင်တာတွေမှာလဲ ဘာမဆိုသတိလေးကပ်ပြီး လုပ်ဆောင်ကြည့်မယ်ဆိုရင် အကျိုးကျေးဇူးတစ်ခုခုတော့ရလာမှာပါ” ဆိုပြီး Adam Hanley ကပြောကြားသွားပါတယ်။

(ပိုပိုလေး)