BEC-TERO TV

ဖုန်းဝယ်မပေးလို့ ရည်းစားကို လူပုံလည် ပါး ၅၂ ချက် ရိုက်တဲ့ မိန်းကလေး (ရုပ်သံ)

24 May 2019     11,158 Views


မေလ ၂၀ ရက်နေ့ဟာ တရုတ်နိုင်ငံရဲ့ ချစ်သူများနေ့ ဖြစ်ပါတယ်။ အဲဒီနေ့မှာ တရုတ်လူမှုကွန်ယက်တွေပေါ်မှာ “#520” (မေ ၂၀ ကိုယ်စားပြု) တက်ခ်လေးတွေချိပ်ပြီး ချစ်သူရည်းစားတွေ ပြုံးပျော်မြူးနေတဲ့ ဓါတ်ပုံတွေ ပလူပျံနေတာ ရှာကြည့်ရင် တွေ့ရမှာပါ။
 
>>Read More ကိုနှိပ်ပြီး ဖတ်ရှုပါ<<
 
ဒီလိုမျိုး ချစ်သူများနေ့မှာမှ ချစ်သူကောင်မလေးရဲ့ ပါး ၅၂ ချက် ရိုက်တာကို လူပုံအလယ်မှာ ခံလိုက်ရတဲ့ ကောင်လေးရဲ့ အဖြစ်ကတော့ အမှတ်တရဖြစ်ပေမယ့် သနားစရာလည်း ကောင်းလွန်းသွားပါပြီ။ 
မီဒီယာတွေရဲ့ ဖော်ပြချက်အရ အဲဒီနေ့မှာ ကောင်မလေးက ကောင်လေးကို ဖုန်းအသစ်တစ်လုံး လက်ဆောင်ဝယ်ပေးဖို့ ပူဆာတာကို မဝယ်ပေးတဲ့အတွက် ဖုန်းတွေရောင်းတဲ့ ဆိုင်တန်းတွေ ရှေ့မှာပဲ အော်ကြီးဟစ်ကျယ် ရန်တွေ့ပြီး ကောင်လေးရဲ့ ပါးကို အချက်ပေါင်းများစွာ ရိုက်ခဲ့ပါတယ်။
 
 
ရုပ်သံမှာ တွေ့ရတာကတော့ ကုတ်အင်္ကျီ မီးခိုးရောင် ဝတ်စုံကို သပ်သပ်ရပ်ရပ် ဝတ်ဆင်ထားတဲ့ လူငယ်ကို မီခိုးရောင် ဂါဝန်လိုက်ဖက်စွာ ဝတ်ထားပြီး အပေါ်ထပ်ဂျင်းအင်္ကျီနဲ့ မိန်းကလေးက လက်ညိုးငေါက်ငေါက်ထိုးပြီး ငိုသံပါကြီးနဲ့ ရန်တွေ့နေတာကို မြင်ရပါတယ်။ သိပ်မကြာမီမှာပဲ ကောင်လေးရဲ့ ပါးကို ဖြန်းကနဲ ရိုက်ချလိုက်ပါတယ်။
 
 
လူအုပ်ကြီးက ဝိုင်းကြည့်နေတဲ့ ကြားမှာ သူတို့စုံတွဲနှစ်ယောက်က ရုပ်ရှင်ရိုက်နေသလိုပါပဲ။ ဝိုင်းကြည့်နေကြတဲ့ လူတွေရိုက်ကူးထားတဲ့ ကင်မရာရှုထောင့်ပေါင်းစုံကနေ ကြည့်ရင် ကောင်မလေးက ရန်တွေ့လိုက် ဖြန်းကနဲ ပါးကိုရိုက်လိုက်နဲ့ပါ။ မျက်မြင်ကိုယ်တွေ့ ကြုံခဲ့ရသူတစ်ဦးက သူရေထားတာ စုစုပေါင်း ၅၂ ချက်တိတိ ရှိတယ်လို့ ဆိုပါတယ်။ (တော်တော်စပ်စု)
 
 
စိတ်ဝင်စားစရာကောင်းတာက ရဲတွေရောက်လာပြီး သူတို့နှစ်ယောက်ကို လူခွဲချိန်မှာ ကောင်လေးက နေရာက လုံးဝမခွာပဲ ကောင်မလေး ရိုက်တာကို ပေခံနေပါတယ်။ သူပြောတာကတော့ ချစ်သူကောင်မလေးကို ဖုန်းအသစ်မဝယ်ပေးမိတဲ့ သူ့ရဲ့အမှားအတွက် ကောင်မလေးရဲ့ ဒေါသတွေ လျော့ပါးစေတာ ဒီတစ်နည်းပဲရှိလို့ စိတ်ကြိုက်ရိုက်ပါစေဆိုပြီး အရိုက်ခံနေတာပါလို့ ရှင်းပြခဲ့ပါတယ်။
 
ဝိုး..ဇာတ်သိမ်းမှာ ကြေကွဲတာပဲလေ..။ နောက်ဆုံးမှာတော့ ကောင်လေးက ကောင်မလေးကို ခွင့်လွှတ်ပြီး ဒီကိစ္စကို ရဲစခန်းမှာ အမှုမဖွင့်ဖူးလို့ သိရပါတယ်။ အရမ်းချစ်တတ်တဲ့ကောင်လေးမို့ အတုယူကြပါနော်။
 

24 May 2019     11,158 Views




RELATED

Most Popular of Special or Others

Most Popular of NEWS