မြန်မာနိုင်ငံမှာ လာရောက်ရိုက်ကူးမယ့် ကိုးရီးယားအဆိုတော်တွေပါဝင်တဲ့ နာမည်ကြီးတီဗွီအစီအစဉ်
06 Jun 2019 1,334 Views
တောင်ကိုးရီးယားနိုင်ငံဟာဆိုရင် အနုပညာနဲ့ လူသိများတဲ့ နိုင်ငံတစ်နိုင်ငံဖြစ်ပြီး ပရိတ်သတ်ချစ်ခင်တဲ့ မင်းသား၊မင်းသမီး အဆိုတော်တွေ အများအပြားတည်ရှိရာ နေရာပဲဖြစ်ပါတယ်။ တောင်ကိုးရီးယားနိုင်ငံမှ နာမည်ကျော် Reality show တစ်ခုမကြာခင် မြန်မာပြည်သို့ လာရောက်ရိုက်ကူးတော့မှာဖြစ်ပါတယ်။ ဒီ တီဗွီရှိုးအစီအစဉ်မှာ ပါဝင်မည့်သူများဟာလဲ လာမယ့် ဇွန်လ ၆ ရက်နေ့ မှ ဆိုးလ်မြို့မှ ရန်ကုန်သို့ ပျံသန်းဆိုက်ရောက်လာတော့မှာပါ။ မြန်မာနိုင်ငံကို တီဗွီရှိုးရိုက်ကူးဖို့ လာရောက်မယ့် အနုပညာရှင်တွေက ဘယ်သူတွေဖြစ်မလဲဆိုတာနဲ့ ဘယ်မြို့နယ်မှာရိုက်ကူးသွားမယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။
>>ဆက်လက်ဖတ်ရှုရန် Read More ကိုနှိပ်ပါ။<<
တောင်ကိုးရီးယားနိုင်ငံ နာမည်ကျော် အစီအစဉ်တစ်ခုဖြစ်တဲ့ law of the jungle ကို မြန်မာနိုင်ငံတောင်ပိုင်း မြိတ်မြို့မှာ လာရောက်ရိုက်ကူးသွားမယ်လို့သိရပါတယ်။ law of the jungle အစီအစဉ်ဟာဆိုရင် အနုပညာရှင်များအတွက် တောတွင်းမှာ အစာရေစာ၊ နေစရာများမပေးပဲ ကိုယ်တိုင်စတည်းချနေထိုင်စေကာ သူတို့ကိုယ်တိုင် တောထဲမှာ အစာရှာဖွေစားသောက်ပုံ၊ ခေတ်မီအသုံးအဆောင်များမရှိလဲ တောတွင်းတာဇံလို လိုက်လျောညီထွေ နေထိုင်ကြပုံ တွေကို ရိုက်ကူးပြသတဲ့ အစီအစဉ်ပဲဖြစ်ပါတယ်။ ဒီအစီအစဉ်မှာဆိုရင် ခေတ်မီအသုံးအဆောင်တွေ ဘာမှယူဆောင်ခွင့်သိပ်မရှိတာကြောင့် မင်းသား၊မင်းသမီးတွေရဲ့ မိတ်ကပ်လိမ်းထားခြင်းမရှိတဲ့ မပြင်မဆင်ပုံစံတွေကို မြင်တွေ့နိုင်တဲ့ အစီအစဉ်တစ်ခုလဲဖြစ်ပါတယ်။
မြန်မာနိုင်ငံကို လာရောက်မယ့် အနုပညာရှင်တွေကတော့ Law of the jungle ရဲ့ ပင်တိုင် host တစ်ဦးဖြစ်တဲ့ Kim Byung Man ၊ KARD အဖွဲ့ဝင် BM ၊ Pentagon အဖွဲ့ဝင် Hongseok ၊ အဆိုတော် Hong Soo Ah၊ Nature အဖွဲ့ဝင် Saebom ၊ Astro အဖွဲ့ဝင် Sanha ၊ (G)I-dle အဖွဲ့ဝင် Yuqi တို့ပဲဖြစ်ပါတယ်။
အနုပညာရှင်တွေအပြင် ဘောလီဘောကစားသမား Moon Sung Min နဲ့ UFC fighter တစ်ဦးဖြစ်တဲ့ Kim Dong Hyun တို့လဲ ပါဝင်သွားမည်ဖြစ်ကြောင်းသိရပါတယ်။
(ပိုပိုလေး)
