BEC-TERO TV

မြန်မာနိုင်ငံမှာ ရိုက်ကူးသွားတဲ့ လီဂျောင်ရှင်းရဲ့ ဓာတ်ပုံအကောင်းဆုံးဓာတ်ပုံဆုဆန်ခါတင်စာရင်းထဲပါဝင်

12 Jun 2019     1,329 Views


တောင်ကိုးရီးယားနိုင်ငံ နာမည်ကျော်တီးဝိုင်း CN Blue မှအဖွဲ့ဝင်တစ်ဦးဖြစ်တဲ့ လီဂျောင်ရှင်းဟာ မြန်မာနိုင်ငံကို သူ၏အေဂျင်စီ FNC Entertainment နဲ့အတူ လာရောက်ပြီး အိမ်ခြေရာမဲ့ မိသားစုမှ ကလေးငယ်တွေ ပညာသင်ကြားရေးအတွက် စကောလားရှစ်များ လာရောက်အပ်နှံခဲ့ပါတယ်။ ထိုသို့ လာရောက်ခဲ့ရာ အိမ်ခြေရာမဲ့ မိသားစုမှ ပေါက်ဖွားလာတဲ့ ကလေးနှစ်ယောက် ဓာတ်ပုံကို ရိုက်ကူးခဲ့ပြီး အဆိုပါ ဓာတ်ပုံဟာ International network of street paper award 2019 မှာ အကောင်းဆုံး ဓာတ်ပုံအဖြစ် ဆန်ခါတင်စာရင်းမှာပါဝင်နေခဲ့ပါတယ်။ လီဂျောင်ရှင်းရိုက်ကူးထားတဲ့ မြန်မာနိုင်ငံက အိမ်ခြေရာမဲ့ကလေးတွေရဲ့ ဓာတ်ပုံက ဘယ်လိုဖြစ်မလဲဆိုတာသိရှိဖို့ ဆက်လက်ဖတ်ရှုလိုက်ကြရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

CN Blue အဖွဲ့ဝင် လီဂျောင်ရှင်းဟာ ပြီးခဲ့တဲ့ ၂၀၁၉ မှာ အစ်ကိုဖြစ်သူ Lee Yong Shin၊ AOA အဖွဲ့ဝင် Seolhyun တို့နဲ့အတူ မြန်မာနိုင်ငံရှိ ပညာသင်ခွင့်မရှိတဲ့ ကလေးသူငယ်တွေကို ထောက်ပံ့ဖို့ Love FNC အဖွဲ့သားများနဲ့အတူ မြန်မာကို လာရောက်ခဲ့တာဖြစ်ပါတယ်။

လီဂျောင်ရှင်းဟာ ကျောင်းဝတ်စုံဝတ်ထားတဲ့ ကလေးမလေး နှစ်ယောက်အနောက်က အမေဖြစ်သူက ထမင်းချိုင့်နဲ့ ထမင်းဘူးယူဆောင်လာတဲ့ ပုံလေးတစ်ပုံကိုရိုက်ကူးခဲ့ပြီး အဆိုပါ ဓာတ်ပုံဟာ INSP ရဲ့ အကောင်းဆုံး ဓာတ်ပုံစာရင်းဝင် ဆန်ခါတင်ထဲ ပါဝင်သွားပါတယ်။

လီဂျောင်ရှင်းရိုက်ကူးတဲ့ ဓာတ်ပုံဟာ သဘာဝကျလွန်းပြီး မြန်မာနိုင်ငံရှိ ပညာရေးနဲ့ လူနေမှုအဆင်အတန်းကို ထင်ဟပ်ပြသနေတာကြောင့် ဆန်ခါတင်ထဲ ပါဝင်သင့်တဲ့ ဓာတ်ပုံကောင်းတစ်ပုံဖြစ်ကြောင်း INSP မှပြောကြားလာပါတယ်။

INSP ဟာဆိုရင် ၁၉၉၄ ခုနှစ်ကတည်းက ဖွဲ့စည်းခဲ့တဲ့ အဖွဲ့အစည်းတစ်ခုဖြစ်ပြီး မတူညီတဲ့နိုင်ငံပေါင်း ၃၅ နိုင်ငံမှာ မတူညီတဲ့ သတင်းစာ၊မဂ္ဂဇင်း တွေကို ဘာသာစကား ၂၅ မျိုးနဲ့ ထုတ်ဝေပေးတဲ့ အဖွဲ့အစည်းပဲဖြစ်ပါတယ်။ ဆန်ခါတင်စာရင်းထဲ ပါဝင်သွားတဲ့ လီဂျောင်ရှင်းရဲ့ ဓာတ်ပုံ အကောင်းဆုံးဓာတ်ပုံဆုရမရကိုတော့ လာမယ့် ဇွန်လ ၁၉ ရက်နေ့မှာ သိရှိရမှာပဲဖြစ်ပါတယ်။ မြန်မာနိုင်ငံမှာရိုက်ကူးသွားတဲ့ လီဂျောင်ရှင်းရဲ့ ဓာတ်ပုံဆုရပါစေလို့ ပိုပိုလေးနဲ့အတူ ဆုတောင်းပေးလိုက်ကြရအောင်လား ပရိတ်သတ်ကြီးရေ။

(ပိုပိုလေး)


12 Jun 2019     1,329 Views




RELATED

Most Popular of Movie Stars - Celebrity

Most Popular of NEWS