BEC-TERO TV

ခွဲစိတ်ကုသမှုခံယူခဲ့ရတဲ့ ထက်ထက်မိုးဦးရဲ့ ကျန်းမာရေးအခြေအနေ

13 Jun 2019     6,279 Views


တစ်ချိန်ကအနုပညာလောကမှာ လျှမ်းလျှမ်းတောက်နာမည်ကြီးအောင်မြင်ကျော်ကြားခဲ့သလို၊ ကြော်ငြာမင်းသမီးလို့တောင် တင်စားခေါ်ရတဲ့ထိ ကြော်ငြာတွေတိုင်း ရုပ်ရှင်တွေတိုင်းမှာ သူမမပါမဖြစ် အမြဲမြင်တွေ့ခဲ့ရတဲ့ ထပ်ဆင့်အကယ်ဒမီ ထက်ထက်မိုးဦးကတော့ ပရိသတ်ရဲ့ချစ်ခြင်းမေတ္တာတွေကို အပြည့်မ၀ရရှိထားသူဖြစ်ပါတယ်။ စကားပြောရင်လည်း အပိုအဆာမရှိ အေးဆေးတည်ငြိမ်စွာပြောဆိုတတ်ပြီး ဟန်ပန်အမူအယာတစ်မူပိုကာ ချစ်စရာကောင်းသူလေးမို့ ပရိသတ်တွေကချစ်ခင်အားပေးခဲ့ကြတာဖြစ်ပြီး အနုပညာအလုပ်တွေနဲ့ အလှမ်းဝေးသွားတဲ့သူမကို ယနေ့ထိတိုင်အားလုံးက ချစ်နေကြရတာပါ။

>>Read More ကိုနှိပ်ပြီး ဆက်လက်ဖတ်ရှုပါ<<

သို့ပေမယ့် အိမ်ထောင်ရေးမှာ ကံမကောင်းလှတဲ့ ထက်ထက်က သူမရဲ့မိသားစုလေးနဲ့ခွဲခွာပြီး တစ်ယောက်တည်းနေထိုင်နေတာဖြစ်သလို ပရိသတ်တွေနဲ့ပါ အလှမ်းဝေးသွားပေမယ့် သူမရဲ့လှုပ်ရှားမှုသတင်းတွေကိုတော့ ပရိသတ်ကြီးကအမြဲမပြတ်စောင့်ကြည့်အားပေးနေကြဆဲပါ။

ယခုရက်ပိုင်းမှာတော့ ထက်ထက်နဲ့ပတ်သက်တဲ့ စိတ်ပူစရာသတင်းတစ်ခုက အွန်းလိုင်းပေါ်တက်လာခဲ့ပါတယ်။ အဲ့တာကတော့ ထက်ထက်တစ်ယောက် သူမရဲ့ကျန်းမာရေးအခြေအနေကြောင့် ခွဲစိတ်ကုသမှုပြုလုပ်ရမယ်ဆိုတာပဲဖြစ်ပါတယ်။ ထက်ထက်ဟာဆိုရင် မန္တလေးမြို့ရှိ မန္တလာဆေးရုံမှာတက်ရောက်နေတာဖြစ်ပြီး ယနေ့မနက်အစောပိုင်း (၆) နာရီလောက်မှာပဲ ခွဲစိတ်ကုသမှုကိုပြုလုပ်ခဲ့ပါတယ်။ သူမခွဲစိတ်ကုသမှုခံယူရတယ်ဆိုတဲ့ သတင်းတွေကြောင့် သူမကိုချစ်တဲ့ပရိသတ်တွေက စိုးရိမ်ပူပန်နေကြသလို နှလုံးရောဂါအခံရှိတဲ့ထက်ထက်အတွက် ခွဲစိတ်မှုအောင်မြင်ဖို့ကိုလည်း ၀ိုင်းဝန်းဆုတောင်းပေးခဲ့ကြပါတယ်။

အားလုံးရဲ့ချစ်မေတ္တာတွေ၊ ပို့သပေးတဲ့ဆုတောင်းတွေကြောင့် ထက်ထက်မိုးဦးရဲ့ခွဲစိတ်ကုသမှုက အောင်မြင်စွာပြီးစီးခဲ့တယ်လို့သိရပါတယ်။ ခွဲစိတ်မှုအောင်မြင်ခဲ့တဲ့ ထက်ထက်ရဲ့ကျန်းမာရေးအခြေအနေသတင်းကိုတော့ သူမနဲ့အရင်းနှီးဆုံးမိတ်ဆွေဖြစ်တဲ့ မန္တလေးပက်စီဆိုတဲ့ အကောင့်ပိုင်ရှင် Make-up artist ကတင်ထားတာပဲဖြစ်ပါတယ်။

“မထက်​ကိုချစ်​တဲ့ပရိတ်​သတ်​​တွေစိတ်​မပူ​စေဖို့ပါ
ခွဲစိတ်​မှူ အဆင်​​ပြေ ​အောင်​မြင်​စွာနဲ့ မထက်​အနားယူ​နေပါပီလို့
ဆု​တောင်း​ပေးကြ​သော ပရိတ်​သတ်​ တစ်​ဦးတစ်ေ​ယာက်​ချင်းစီတိုင်းကို​ ​ကျေးဇူးအထူးတင်​ရှိပါတယ်​​နော်” ဆိုကာ အောင်မြင်စွာခွဲစိတ်ကုသပြီးလို့ အနားယူနေတဲ့ထက်ထက်ရဲ့ပုံရိပ်တွေကိုပါ တင်ထားခဲ့တာဖြစ်ပါတယ်။

ပရိသတ်ကြီးရေ… ထက်ထက်ကတော့ ကျန်းမာရေးအခြေအနေကြောင့် ခွဲစိတ်ကုသမှုအောင်မြင်စွာပြီးဆုံးသွားပေမယ့် ဘာကြောင့်ခွဲစိတ်ကုသရတယ်ဆိုတာကိုတော့ တိတိကျကျဖော်ပြထားခြင်းတော့ မရှိပါဘူး။

 

(ပိုပိုလေး)


13 Jun 2019     6,279 Views




RELATED

Most Popular of Movie Stars - Celebrity

Most Popular of NEWS