BEC-TERO TV

အီကွေဒေါနိုင်ငံတွင် လိင်တူခြင်းလက်ထပ်တာကို တရားဝင် ခွင့်ပြုလိုက်ပြီ

14 Jun 2019     2,748 Views


အီကွေဒေါနိုင်ငံရဲ့ အဆင့်အမြင့်ဆုံး တရားရုံးတော်က လိင်တူခြင်းလက်ထပ်မှုကို အတည်ပြုပေးလိုက်တဲ့အတွက် ကသလစ်ဘာသာဝင် အများဆုံးရှိရာ နိုင်ငံအတွင်း လိင်တူချစ်သူများကြား ပျော်ရွှင်စွာ အောင်ပွဲခံခဲ့ကြပါတယ်။
 
 
LGBT နဲ့ လူ့အခွင့်အရေးလှုပ်ရှားသူ အသင်းအဖွဲ့များက လိင်တူချစ်သူများ၏ သင်္ကေတဖြစ်တဲ့ သက်တံရောင်အလံများကိုဝှေ့ယမ်းပြီး ကွီတိုမြို့ရဲ့ လမ်းမများပေါ်မှာ ပျော်ရွှင်နေခဲ့ကြပါတယ်။
အီကွေဒေါနိုင်ငံဟာ ကသလစ်ဘာသာဝင်တွေ အများဆုံးဖြစ်ပြီး ရှေးရိုးစွဲအယူအဆကြီးတဲ့ နိုင်ငံတစ်ခုအဖြစ်လည်း ထင်ရှားတာကြောင့် အခုလို လိင်တူခြင်းလက်ထပ်ခွင့်ကို တရားဝင်ခွင့်ပြုလိုက်တာဟာ အင်မတန်ထူးခြားပါတယ်။
 
 
 
လိင်တူလပ်ထပ်ခွင့် အတည်ပြုရေး၊ မပြုရေးကို တရားသူကြီး ၉ ဦးက တံခါးပိတ်စည်းဝေးပြီး မဲပေးခဲ့ကြရာ ၅ မဲ ၄ မဲနဲ့ အနိုင်ရပြီး အတည်ပြုနိုင်ခဲ့တာဖြစ်ပါတယ်။ လိင်တူလက်ထပ်ခွင့် အတည်ပြုကြောင်း ကြေညာပြီးနောက်မှာ လိင်တူချစ်သူများ တစ်ဦးနဲ့တစ်ဦး ပွေ့ဖက်နမ်းရှုံ့နေကြတဲ့ မြင်ကွင်းတွေကိုလည်း မြင်တွေ့ခဲ့ရပါတယ်။

14 Jun 2019     2,748 Views




RELATED

Most Popular of International News

Most Popular of NEWS