စက်လှေကားနဲ့ ပက်သက်ပြီး မတော်တဆမှုတွေဟာ မကြာခဏဆိုသလို ဖြစ်လေ့ရှိပါတယ်။ ယနေ့ခေတ်မှာ စက်လှေကားကို နေရာအတော်များများမှာ အသုံးပြုနေကြတာကြောင့် ရှောင်လွဲလို့မရနိုင်တဲ့ စက်လှေကားတွေ စီးတဲ့အခါ သတိရှိဖို့လိုအပ်ပါတယ်။

 

အထူးသဖြင့် ကလေးတွေဟာ စက်လှေကားကို ပုံစံအမျိုးမျိုးနဲ့ ဆော့ကစားပြီး စီးတတ်ကြတာကိုလည်း မြင်တွေ့ရတတ်ပါတယ်။ ယခုအဖြစ်အပျက်ဟာ တရုတ်နိုင်ငံ ဂျန်းဇီမြို့က ဈေးဝယ်စင်တာတစ်ခုမှာ ဖြစ်ပွားခဲ့တာပါ။

 

ဆံပင်အရှည် ပန်းရောင်အင်္ကျီ ဂျင်းဘောင်းဘီတို ဝတ်ဆင်ထားတဲ့ မိန်းကလေးဟာ အပေါ်ကို တက်နေတဲ့ စက်လှေကားကို စီးနေစဉ် လက်ရမ်းပေါ်ကို ကိုယ်တစ်ပိုင်းတင်ကာ ကစားရင်း လိုက်ပါခဲ့ပါတယ်။ သတိမထားမိတာက အပေါ်ထပ်ရောက်ခါနီးမှာ စက်လှေကားလက်ရမ်းနဲ့ အပေါ်ထပ်ကြမ်းပြင် နံရံအကြား ကွာဟမှုက ကျဉ်းကျဉ်းလေးသာ ရှိတော့တာဖြစ်ပါတယ်။