စင်ကာပူနိုင်ငံတွင် အိမ်အကူအဖြစ် အလုပ်လုပ်ကိုင်နေသော မြန်မာအမျိုးသမီးအား ကွန်ဒိုလုံခြုံရေးဝန်ထမ်းမှ အိမ်ထဲသို့ ခိုးဝင်ကာ ကတ်ကြေးနဲ့ ခြိမ်းခြောက်ပြီး အဓ္ဓမပြုရန်ကြိုးစားခဲ့မှုအတွက် ထောင်ဒဏ်နဲ့ ကြိမ်ဒဏ်များ ကျခံစေရန် ဇူလိုင်လ ၁၁ ရက်နေ့က ပြစ်ဒဏ်ချမှတ်ခဲ့သည်။

 

အသက် ၃၃ နှစ်အရွယ် ‘ဂျက်ဖရီအလီ’ ဆိုသူ လုံခြုံရေးဝန်ထမ်းက သူအလုပ်လုပ်ကိုင်နေသော ကွန်ဒိုတိုက်ခန်း မြေညီထပ်ရှိ နေအိမ်ထဲသို့ သူ့ရဲ့နားရက် နံနက်ဝေလီဝေလင်းမှာ ပြတင်းပေါက်ကနေတစ်ဆင့် ခိုးဝင်ခဲ့ပါတယ်။

ဒီအချိန်မှာ အသက် ၃၄ နှစ်အရွယ် မြန်မာအိမ်အကူအမျိုးသမီး(နာမည်ဖော်ပြထားခြင်းမရှိ)က အိမ်ရှင်ရဲ့ ကလေးငယ်လေးနှစ်ယောက်နဲ့အတူ အခန်းထဲမှာ အိပ်ပျော်နေပါတယ်။ 

‘ဂျက်ဖရီအလီ’ က အိမ်ထဲသို့ရောက်ရှိပြီးနောက် မီးဖိုခန်းထဲမှ ကြတ်ကြေးကိုယူကာ အခန်းထဲဝင်လာပြီး အိမ်အကူအမျိုးသမီးရဲ့ အပေါ်ပိုင်း အဝတ်အစားများကို ကတ်ကြေးနဲ့ ထိုးခွဲကာ သူမရဲ့ အပေါ်ကနေ ခွထိုင်လျှက် အသံမထွက်ရန် ခြိမ်းခြောက်ပြီး သူမကို နမ်းရှုံ့ ပွတ်သပ်ကိုင်တွယ်ကာ လက်ထပ်ချင်တယ်လို့ ပြောဆိုခဲ့ပါတယ်။

 

ကံကောင်းထောက်မစွာနဲ့ အိမ်ရှင်ရဲ့ မိခင်ဖြစ်သူ (ကလေးတွေရဲ့အဖွား)က မသင်္ကာစရာအသံဗလံတွေ ကြားရတာကြောင့် ထကြည့်စဉ် အဖြစ်ပျက်ကို တွေ့လိုက်ရပါတယ်။ သူမက လုံခြုံရေးဝန်ထမ်းကို အခုလိုမလုပ်ဖို့ ဖျောင်းဖြနေစဉ် ကလေးတွေပါ လန့်နိုးလာပြီးမြင်ကွင်းကြောင့် ကြောက်လန့်တကြား ငိုကြရာမှ အိမ်ရှင် လင်မယားလည်း နိုးလာပါတယ်။

 

‘ဂျက်ဖရီအလီ’ က ကလေးတွေကို အခန်းထဲကနေ မိဘတွေက ခေါ်ထုတ်ဖို့ ခွင့်ပြုခဲ့ပေမယ့် အိမ်အကူအမျိုးသမီးကိုတော့ မလွှတ်ပေးပဲ မွေ့ယာပေါ်မှာ ဖမ်းထားပါတယ်။ နောက်ဆုံးမှာ အိမ်ရှင်တွေက ရဲကိုအကြောင်းကြားလိုက်မယ်လို့ ပြောတော့မှ အိမ်အကူကို လွှတ်ပေးပြီး အိမ်ထဲကနေ ထွက်ပြေးသွားခဲ့ပါတယ်။ ဒါပေမယ့် သူ့ရဲ့ ဘဏ်ကတ်နဲ့ ဆေးမှတ်တမ်းတို့ အခန်းထဲမှာ ကျကျန်ခဲ့ပါတယ်။

 

 

အိမ်ရှင်က နံနက် ၅ နာရီ ၄၀ မိနစ်လောက်မှာ ရဲကို အကြောင်းကြားခဲ့ပါတယ်။ ရဲတွေက အနီးနားက နေအိမ်တွေကို သတိရှိကြဖို့ နှိုးဆော်ချက် ထုတ်ပြန်ခဲ့ပါတယ်။ အဲဒီနေ့ နေ့လည်လောက်မှ ‘ဂျက်ဖရီအလီ’ ကို ကွန်ဒိုရဲ့ ကားပါကင်ထဲမှာ ရဲတွေက ဖမ်းဆီးမိခဲ့ပါတယ်။

 

 

တရားရုံးက စစ်ဆေးခဲ့ပြီးနောက် ပြစ်မှုထင်ရှားသဖြင့် ‘ဂျက်ဖရီအလီ’ အား ထောင်ဒဏ် ၃ နှစ် ၄ လနှင့် ကြိမ်ဒဏ် ၃ ချက် ကျခံစေရန် ပြစ်ဒဏ်ချမှတ်ခဲ့ကြောင်း စင်ကာပူသတင်းစာတွင် ဖော်ပြပါရှိသည်။