BEC-TERO TV

တီဗွီအစီအစဉ် ရိုက်ကူးရေးအတွက် မြန်မာနိုင်ငံရောက်ရှိနေတဲ့ Sandara Park

10 Sep 2019     2,571 Views


တောင်ကိုးရီးယား နာမည်ကျော် Kpop အဆိုတော်အဖွဲ့ 2NE1 မှ အဖွဲ့ဝင်ဟောင်းတစ်ဦးဖြစ်တဲ့ Sandara Park ဟာ တီဗွီအစီအစဉ် ရိုက်ကူးဖို့အတွက် ယမန်နေ့ စက်တင်ဘာလ ၉ ရက်နေ့က မြန်မာနိုင်ငံကို ရောက်ရှိနေတာပဲဖြစ်ပါတယ်။ Dara “My Music Teacher, Mingalarbar” လို့အမည်ရတဲ့ variety ကိုရိုက်ကူးဖို့အတွက် မြန်မာကိုရောက်ရှိနေတာပဲဖြစ်ပါတယ်။

>>ဆက်လက်ဖတ်ရှုရန် Read More ကိုနှိပ်ပါ။<<

Dara ပါဝင်မယ့် My Music Teacher, Mingalarbar အစီအစဉ်ဟာဆိုရင် SBS Medianet, JBJ Entertainment နဲ့ Fortune TV Channel တို့ကနေ ပူးပေါင်းရိုက်ကူးမယ့် တီဗွီရှိုးအစီအစဉ်ပဲဖြစ်ပါတယ်။

အစီအစဉ်ရိုက်ကူးဖို့ Dara တစ်ဦးတည်း မြန်မာကို လာခဲ့တာမဟုတ်ပါဘူး။ နှုတ်ခမ်းနီမလေးတွေ သည်းသည်းလှုပ်ကြိုက်ကြတဲ့ Wannaone အဖွဲ့ဝင်ဟောင်း Kim Jae Hwan, B1A4 မှ main vocal Sanduel  ရော့ခ်အဆိုရှင် Yoon Do Hyun တို့လဲ ပါလာပါတယ်။

ပြီးခဲ့တဲ့ ရက်ပိုင်းအနည်းငယ်က JBJ Entertainment ဟာ အစီအစဉ်ရိုက်ကူးရေးအတွက် Dara မြန်မာသို့ လာရောက်မည်ဖြစ်ကြောင်း အသိပေးကြေညာခဲ့ပါတယ်။

Dara ဟာ 2014 တုန်းက 2NE1 in Myanmar, Galaxy Concert  နဲ့အတူ မြန်မာနိုင်ငံသို့ ရောက်ဖူးခဲ့ပြီးဖြစ်ပါတယ်

ဒုတိယအကြိမ် မြန်မာကို လာတဲ့အခါမှာလဲ ရွှေမြန်မာက ပရိတ်သတ်တွေက သောင်းသောင်းဖြဖြ ကြိုဆိုခဲ့ကြပါတယ်။ Dara နဲ့အတူ Jae Hwan, Sanduel နဲ့ Yoon Do Hyun တို့ကလဲ လာရောက်ကြိုဆိုတဲ့ ပရိတ်သတ်တွေကို လက်ဆွဲနှုတ်ဆက်ခဲ့ကြပါတယ်။

တစ်ဖန် My Music Teacher, Mingalarbar အစီအစဉ်မှာ Momoland အဖွဲ့ဝင် JooE ပါဝင်သွားမယ်လို့ ထုတ်ပြန် ကြေညာထားပေမယ့် schedule တစ်ခုအတွက်ကြောင့် Dara တို့နဲ့အတူလိုက်ပါလာနိုင်ခြင်းမရှိခဲ့ပါဘူး။ နောက်မှသာရိုက်ကူးရေးကို လာရောက်ပူးပေါင်းသွားမှာ ဖြစ်တယ်လို့ JBJ Entertainment မှထုတ်ပြန်ကြေညာထားပါတယ်။

Photo Credit-Cele Gabar

(ပိုပိုလေး)

 


10 Sep 2019     2,571 Views




RELATED

Most Popular of Movie Stars - Celebrity

Most Popular of NEWS