BEC-TERO TV

ဘရန်ဒန် ဗီရာကို ငါးချီအတွင်းအလဲထိုးသွားမယ့် အောင်လအန်ဆန်

07 Oct 2019     13,918 Views


လာမည့် အောက်တိုဘာလ (၁၃) ရက်နေ့ ၊ ယခုလာမည့် တနင်္ဂနွေနေ့မှာ One Championship ဝိတ်တန်းနှစ်ခုချန်ပီယံ အောင်လအန်ဆန်နဲ့ ဘရန်ဒန် ဗီရာတို့ဟာ Light Heavy Weight ချန်ပီယံဆုအတွက် ဂျပန်နိုင်ငံ ၊ တိုကျိုမြို့မှာ ထိုးသတ်သွားတော့မှာဖြစ်ပါတယ်..။ အဆိုပါ ပွဲဟာ One Championship ပြိုင်ပွဲမှာ ကြီးကျယ်ခမ်းနားတဲ့ ပွဲတစ်ပွဲဖြစ်လာမှာဖြစ်ပြီး မြန်မာတွေအတွက်လည်း အထူးဂုဏ်တက်စေမယ့် ပွဲကောင်းတစ်ပွဲပဲ ဖြစ်ပါတယ်..။
 
ဘရန်ဒန် ဗီရာနဲ့ထိုးသတ်မယ့်ပွဲမှာတော့ အောင်လအန်ဆန်က ” ကျွန်တော် သူ့ကို ငါးချီအတွင်း အလဲထိုးနိုင်မယ်လို့ ယုံကြည်ပါတယ် ။ ဘရန်ဒန် ဗီရာနဲ့ကျွန်တော်က ကစားပုံတူတွေဖြစ်ကြပြီး ကျွန်တော်ကတော့ သူထက် ပိုပြီးစိတ်အားထန်သန်တယ်လို့ ဆိုပါတယ်။ ဘရန်ဒန် ဗီရာရဲ့ အားသားချက်က ဘာလဲဆိုတော့ သူက ကျွန်တော်ထက်ပိုပြီး အရပ်ပိုရှည်တယ်..။ ခြေတန်ရှည်တယ် လက်တန်ရှည်တယ် ပါဝါလည်း အများကြီးရှိတယ်..။  “  
 
“ ဒါပေမယ့် ဒီပွဲမှာကျွန်တော် သူ့ကို pressure ပေးတိုက်သွားမှာဖြစ်ပါတယ်..။ ဒီပွဲကစားဖို့အတွက် (၆) လကျော် ပြင်ဆင်ခဲ့ကြပါတယ်..။ ခန္ဓာကိုယ်လည်း ဝိတ်တင်ထားတယ်..။ ကိုယ်ကိုယ့်ကို အားရကျေနပ်မှု ရှိနေပါတယ်။ ဒီပွဲအတွက် ၁၀၀% အပြည့်အဝ ယုံကြည်မှုရှိနေပါတယ် ” လို့ပြောကြားခဲ့ပါတယ်..။
 
ဘရန်ဒန် ဗီရာဟာ အရင်က UFC  ၊ BEC တို့မှာ ကစားထားဖူပြီး One Championship မှာလည်း ရှုံးပွဲမရှိသေးတဲ့ ဖိုက်တာတစ်ယောက်ဖြစ်ပါတယ်။ မြန်မာဂုဏ်ဆောင် အောင်လအန်ဆန်တစ်ယောက် One Championship သမိုင်းမှာ မှတ်တမ်းတင်နိုင်ဖို့ ဘရန်ဒန် ဗီရာကို အလဲထိုးအနိုင်ယူသွားနိုင်မလဲဆိုတာကို စိတ်ဝင်တစား စောင့်ကြည့်သွားရမှာဖြစ်ပါတယ်..။
 

07 Oct 2019     13,918 Views




RELATED

Most Popular of Boxing

Most Popular of Sport