TikTok ကုမ္မဏီ ဟောင်ကောင်ဈေးကွက်က ထွက်ခွာ
08 Jul 2020 1,309 Views
ဟောင်ကောင်မှာ တရုတ်အစိုးရက အမျိုးသား လုံခြုံရေး ဥပဒေကို ပြဌာန်း ပြီးတဲ့ နောက် TikTok ကုမ္ပဏီက ဟောင် ကောင် ဈေးကွက်ကနေ ထွက်ခွာတော့မှာ ဖြစ်တယ်လို့ ပြောပါတယ်။ ဗွီဒီယိုရိုက်ကွက်အတိုလေးတွေ ဖန်တီးနိုင်တဲ့ လူသုံးများတဲ့ TikTok application ကုမ္ပဏီက ဟောင်ကောင်က လုပ်ငန်းတွေကို ရပ်ဆိုင်းပစ်မယ်လို့ အင်္ဂါနေ့က ကြေညာချက် ထုတ်ပြန် ပြောကြားခဲ့တာ ဖြစ်ပါတယ်။
အမေရိကန် နည်းပညာ ကုမ္ပဏီကြီးတွေ ဖြစ်တဲ့ Facebook, Google နဲ့ Twitter တို့က ဟောင်ကောင်က သုံးစွဲသူတွေနဲ့ အချက်အလက် တွေကို တရုတ်ပြည်မကြီးကို စိစစ်ပေးပို့တဲ့ လုပ်ငန်းကို ရပ်ဆိုင်းပစ်မယ်လို့ ကြေညာအပြီးမှာ အခုလို TikTok ရဲ့ ဆုံးဖြတ်ချက် ထွက်လာတာလည်း ဖြစ်ပါတယ်။ အဲဒီ ကုမ္ပဏီကြီးတွေကို တရုတ်ပြည်မကြီးမှာ ပိတ်ပင်ထားပေမဲ့ တစ်စိတ်တစ်ပိုင်း ကိုယ်ပိုင် အုပ်ချုပ်ခွင့်ရတဲ့ ဟောင်ကောင်မှာတော့ အသုံးပြုလို့ ရပါတယ်။
TikTok ကို တရုတ်အခြေစိုက် ByteDance ကုမ္ပဏီက ပိုင်ဆိုင်တာ ဖြစ်ပြီး တရုတ်နိုင်ငံထဲ အသုံးပြုခွင့် မရရှိဘဲ သူ့ရဲ့ ကုမ္ပဏီခွဲ Douyin ကိုသာ သုံးလို့ရပါတယ်။ TikTok သုံးစွဲသူတွေရဲ့ သတင်းအချက်အလက်တွေ တရုတ်အစိုးရက ရရှိနိုင်တယ် ဆိုတဲ့ စွပ်စွဲချက်တွေကို TikTok ရဲ့ ဆာဗာ ဟာ တရုတ်နိုင်ငံရဲ့ ပြင်ပမှာ ရှိတယ်ဆိုပြီး ငြင်းဆိုထားတာပါ။ အမေရိကန် နိုင်ငံခြားရေး ဝန်ကြီး Mike Pompeo ကတော့ TikTok နဲ့ တခြား တရုတ် လူမှုမီဒီယာ Applications တွေကို အမေရိကန်နိုင်ငံက ပိတ်ပင်ဖို့ စဉ်းစားနေတယ်လို့လည် တနင်္လာနေ့က ပြောပါတယ်။
Credit
#popolay #popolaytv #business #TikTok #ByteDance #HongKong #China
