အနီကတ်ပြလို့ သေနတ်နဲ့ အပြစ်ခံရတဲ့ အာဂျင်တီးနားက ဘောလုံး ဒိုင်လူကြီး
18 Feb 2016 1,358 Views
အာဂျင်တီးနားတွင် ဒိုင်ဆုံးဖြတ်ချက်ကို မကျေနပ်သည့် ဘောလုံးသမား တစ်ဦးက ဒိုင်လူကြီးကို သေနတ်ဖြင့် ပစ်သတ်ခဲ့သည် ။
ဒေသခံ သတင်းများ၏ အဆိုအရ ကော်ဒိုဘာတွင် ပြုလုပ်သည့် အပျော်တမ်းအဆင့် ဘောလုံးပြိုင်ပွဲ တစ်ခုတွင် ဒိုင်လူကြီး ဆီဇာ ဖလောရက်စ်သည် ဘောလုံးသမား တစ်ဦးကို အနီကတ်ပြ ထုတ်ပယ်ခဲ့ကြောင်း သိရသည်။ သတင်းများက အမည်ဖော်ပြခြင်း မရှိသည့် အဆိုပါ ဘောလုံးသမားသည် ဒေါသတကြီး ထွက်ခွာသွားပြီးနောက် ကွင်းဘေးရှိ ၎င်း၏ အိတ်ထဲမှ သေနတ်ကို သွားထုတ်ကာ အသက် ၄၈ နှစ်အရွယ် ဒိုင်လူကြီးကို သုံးချက် ပစ်ခတ်ခဲ့သည်။
ဖလောရက်စ်သည် လည်ပင်း၊ ဦးခေါင်းနှင့် ရင်ဘတ်တို့တွင် ဒဏ်ရာများ ရရှိကာ သေဆုံးသွားခဲ့သည်။ ယခုသီတင်းပတ် အစောပိုင်းက ဖြစ်ရပ်နှင့် ပတ်သက်၍ ရဲတပ်ဖွဲ့ ပြောရေးဆိုခွင့်ရ အရာရှိ တစ်ဦးက “ကိစ္စအားလုံးက ဘောလုံးကွင်းထဲမှာတင် ဖြစ်သွားတာပါ။ ဖြစ်စဉ် အသေးစိတ်ကိုတော့ စုံစမ်းနေတုန်းပဲ။ လောလောဆယ် သိထားသလောက်တော့ ဒိုင်ဆုံးဖြတ်ချက်ကို မကျေနပ်လို့ ဘောလုံးသမားက သေနတ်သွားယူပြီး ပစ်သတ်လိုက်တာ ဖြစ်ပါတယ်”ဟု ပြောကြားခဲ့သည်။
လူသတ်မှု ကျူးလွန်ခဲ့သည့် ဘောလုံးသမားမှာ တိမ်းရှောင်နေဆဲဟု ဆိုသည်။ ပစ်ခတ်မှုအတွင်း အခြား ဘောလုံးသမား တစ်ဦးလည်း ထိခိုက် ဒဏ်ရာရခဲ့သည့်တိုင် အသက်အန္တရာယ် စိုးရိမ်စရာ မရှိဟု သတင်းများကဖော်ပြခဲ့သည်။
တောင်အမေရိကတွင် ဘောလုံးပွဲများ၌ တိုက်ခိုက်မှုများ မကြာခဏ ပေါ်ပေါက်လေ့ရှိသည်။ ယမန်နှစ်ကလည်း ၎င်းကို အကြမ်းဖက် ရန်ပြုသည့် ဘောလုံးသမား တစ်ဦးကို ဘရာဇီး ဒိုင်လူကြီး တစ်ဦးက သေနတ်ဖြင့် ထုတ်ချိန်ခဲ့ဖူးသည်။ ၂၀၁၃ ခုနှစ်ကမူ အနီကတ် ပြရာမှ အပြန်အလှန် ငြင်းခုံမှု တစ်ခုအတွင်း အကျည်းအတန်ဆုံး ဖြစ်ရပ်တစ်ခု ပေါ်ပေါက်ခဲ့ဖူးသည်။
ထိုစဉ်က ဒိုင်လူကြီး ဂျော်ဒန်ဆေးလ်ဗားသည် ၎င်း၏ အနီကတ် ပြသမှုကို ကန့်ကွက်သည့် ကစားသမား ဂျိုဆီနာ ဆန်တို အက်ဘ်ရူကို ဓားဖြင့် ထိုးခဲ့သည်။ အက်ဘ်ရူကို ဆေးရုံသို့ တင်ပို့ခဲ့သော်လည်း လမ်းတွင်ပင် ကွယ်လွန်သွားခဲ့သည်။ ထိုအခါ ဒေါသထွက်နေသည့် ပရိသတ်များက ဆေးလ်ဗားကို ဖမ်းဆီးကာ ညှင်းဆဲ နှိပ်စက်ပြီး နောက်ဆုံးတွင် ကျောက်တုံးများဖြင့် ပစ်ပေါက် သတ်ဖြတ်ခဲ့သည်။ ထို့နောက်တွင်မူ လက်စားချေ လိုစိတ် ပြင်းထန်နေသည့် အက်ဘ်ရူ၏ မိသားစုများက ဆေးလ်ဗား၏ အလောင်းကို အစိတ်စိတ် အပိုင်းပိုင်း ဖြတ်တောက်ခဲ့ကြကြောင်း သိရှိရသည်။
