BEC-TERO TV

ခွေးလေးတွေကို ဗလတောင့်စေမယ့် လေ့ကျင့်ခန်းများ

22 May 2017     2,642 Views


သင့်ခွေးကို ဗလတောင့်တောင့် လူတိုင်းငေးရမယ့် ခွေးတစ်ကောင်အဖြစ် အသွင်ပြောင်းစေချင်ပါသလား ? လူတွေလိုပဲ ခွေးတွေဟာလဲ လေ့ကျင့်ပေးရင် ဗလတောင့်တောင့်နဲ့ ကျန်းမာသန်စွမ်းတဲ့ ခွေးတွေကို ရရှိနိုင်ပါတယ်။ ဒီလို လေ့ကျင့်ခန်းမျိုးတွေနဲ့ လေ့ကျင့်ပေးနိုင်ပါတယ်။

ဝိတ် ဆွဲစေခြင်း

ခွေးတွေကို ၀ိတ်ဆွဲစေတာဟာ ရင်ဘက်နဲ့ အရှေ့ပိုင်း ခန္ဓာကိုယ်က ကြွက်သားတွေကို သန်မာစေပါတယ်။ ဒါပေမယ့် ဒီလိုဆွဲရတာကို ခွေးက ပျော်ရွှင်ဖို့လိုပါတယ်။ အတင်းခိုင်းလို့ ဆွဲရတာမျိုးဆို ထူးခြားမှာ မဟုတ်ပါဘူး။

ကြိုး ဒါမှမဟုတ် အရုပ်ကို ပါးစပ်ဖြင့် ကိုက်ဆွဲစေခြင်း

ကြိုး ဒါမှမဟုတ် အရုပ်ကို သင်က တစ်ဖက်ကကိုင်ထားပြီး ခွေးက တစ်ဖက်ကနေ သူ့သွားနဲ့ အရုပ်ကို ကိုက်ဆွဲစေတာက ခွေးရဲ့ ရှေ့ခြေ နောက်ခြေ တည်ဆောက်ပုံကို ကြီးကြီးမားမား အကျိုးပြုပါတယ်။

လှေကားထစ်တွေပေါ် ပြေးတက်ခြင်း

ဘေ့စ်ဘော ဒါမှမဟုတ် ဘောလုံးလေးကို သုံးပြီး သင့်ခွေးကို လှေကားပေါ်ပြေးတက်ပြီး ယူစေတာပါ။ ဒီလေ့ကျင့်ခန်းက ခွေးရဲ့ ရင်ဘတ်ကြွက်သွားတွေကို ရှည်လျားသန်မာစေပါတယ်။

တခြားခွေးတွေနဲ့ ဆော့ကစားစေခြင်း

အရွယ်အစားတူတဲ့ တခြားခွေးတွေနဲ့ ဆော့ကစားစေခြင်းက ခွေးအတွက် စိတ်ပျော်ရွှင်မှုရစေသလို သူ့ရဲ့ခန္ဓာကိုယ် ကြွက်သား ဖွံ့ဖြိုးစေဖို့လည်း အထောက်အကူ ပြုပါတယ်။

သင့်စက်ဘီးနဲ့အတူ လိုက်ပြေးစေခြင်း

သင်ကစက်ဘီးလေးစီးပြီး ခွေးကိုဘေးကနေလိုက်စေတာပါ။ ဒါက ခွေးရဲ့နှလုံးကြွက်သားတွေအတွက် ထိရောက်တဲ့ လေ့ကျင့်ခန်းဖြစ်ပြီး ခွေးရဲ့ပခုံးကြွက်သားနဲ့ ခြေထောက်ကြွက်သားတွေ ဖွံ့ဖြိုးစေဖို့ လေ့ကျင့်ခန်းဖြစ်ပါတယ်။

ပြေးစက်နဲ့ ပြေးခိုင်းခြင်း

ခွေးကို ပြေးစက်ပေါ်မှာ ပြေးခိုင်းတာကလဲ ကြွက်သားတည်ဆောက်ရာမှာ အသုံးဝင်ပါတယ်။ ဖြည်းဖြည်းလေးသာ အရင်ပြေးစေပြီး ခွေးက ဒီလေ့ကျင့်ခန်းနဲ့ ရင်းနှီးလာမှသာ အရှိန်ကို နည်းနည်းချင်းစီတင်လိုက်ပါ။

ကြိုးကွင်းကို ကိုက်ပြီးတွဲခိုစီးစေခြင်း

ခွေးကို ကြိုးကွင်းကို ကိုက်ပြီး တွဲခိုစီးစေတာက ခွေးရဲ့ ကြွက်သွားတွေကို ဖွံ့ဖြိုးစေတဲ့ လေ့ကျင့်ခန်းတစ်ခုပါပဲ။ ဒီလေ့ကျင့်ခန်းကတော့ သင့်ကို သိပ်ပြီးပင်ပန်းစေမှာ မဟုတ်ပါဘူး။ ဘာလို့လဲဆိုတော့ ခွေးတွေက ဒီလိုဆော့ရတာကို အလွန်နှစ်ခြိုက်ကြလို့ ဖြစ်ပါတယ်။ သင်မပါဘဲတောင် သူ့ဘာသာတွဲလောင်းခိုပြီး ကစားချင် ကစားနေမှာပါ။ ခိုင်ခံတဲ့ သစ်ပင် သစ်ကိုင်းကောင်းကောင်းနဲ့ ကြိုးတော့ ရှိဖို့ လိုအပ်ပါတယ်။


22 May 2017     2,642 Views




RELATED

Most Popular of Idea Can Do

Most Popular of Life Style