ဖီလစ်ပိုင်သမ္မတ ဒူတာတေး၏ စစ်အုပ်ချုပ်ရေးအမိန့်ကို တရားရုံးချုပ်ထောက်ခံ

ဖီလစ်ပိုင်တရားရုံးချုပ်ဟာ သမ္မတဒူတာတေးက နိုင်ငံတောင်ပိုင်းမှာထုတ်ပြန်ထားတဲ့ စစ်အုပ်ချုပ်ရေးအမိန့်ကို ထောက်ခံလိုက်ပါတယ်။ သမ္မတ ဒူတာတေးဟာ အစ္စလာမ္မစ်အစွန်းရောက် လက်နက်ကိုင်တွေကြောင့် မင်ဒါနာအိုကျွန်းတစ်လျှောက်မှာ စစ်အုပ်ချုပ်ရေးအမိန့်ကို မေလ(၂၃)ရက်မှာကြေညာခဲ့တာဖြစ်ပါတယ်။

အိုင်အက်စ်အဖွဲ့နဲ့ဆက်နွယ်နေတဲ့အစ္စလာမ္မစ် အစွန်း ရောက်တွေက မာရာဝီမြို့မှာ အိုင်အက်စ်အလံတွေလွှင့်ခဲ့လို့ အစိုးရတပ်တွေ နဲ့တိုက်ပွဲတွေဖြစ်ပွားပြီး နာရီပိုင်းအကြာမှာပဲ သမ္မတ ဒူတာတေးက စစ်အုပ်ချုပ်ရေးအမိန့်ကို ထုတ်ပြန်ခဲ့တာပါ။ သမ္မတရဲ့စစ်အုပ်ချုပ်ရေးအမိန့်ဟာ လုံလောက်တဲ့အချက်အလက်ခိုင် လုံမှုမရှိဘဲထုတ်ပြန်ခဲ့တာဖြစ်လို့ စစ်အုပ်ချုပ်ရေးအမိန့်ကို ပယ်ဖျက်ပေးဖို့ ဖီလစ်ပိုင်အတိုက်အခံလွှတ်တော်အမတ်တွေက တရားရုံးချုပ်ကို တင်ပြခဲ့တာပါ။ တရားရုံးချုပ်တရားသူကြီးတွေကတော့ သမ္မတရဲ့စစ်အုပ်ချုပ်ရေး အမိန့်ကို တစ်ညီတစ်ညွတ်တည်း ထောက်ခံခဲ့တယ်လို့ တရားရုံးချုပ်ပြောခွင့်ရသူက ပြောခဲ့ပေမယ့် တရားသူကြီးတွေက ဘာ့ကြောင့် အခုလို ထောက်ခံခဲ့တယ်ဆိုတာကိုတော့ မပြောခဲ့ပါဘူး။

သမ္မတ ဒူတာတေးကတော့ စစ်အုပ်ချုပ်ရေးအမိန့်ထုတ်ပြန်ခဲ့တာဟာ မှန်ကန်တဲ့ဆုံးဖြတ်ချက်ဖြစ်ပြီး မင်ဒါနာအိုကျွန်းတစ်လျှောက်မှာ စစ်သွေးကြွတွေရဲ့ဗုံးခွဲမှု၊ ပြန်ပေးဆွဲမှု၊သတ်ဖြတ်မှုတွေကြောင့် အစောပိုင်းကတည်းက ထုတ်ပြန်သင့်ခဲ့တဲ့အခြေအနေလို့ ဇူလိုင်လ(၄)ရက်တုန်းကပြောထားပါတယ်။ လက်ရှိမှာ ဖီလစ်ပိုင်အစိုးရတပ်တွေဟာ မာရာဝီမြို့တွင်းမှာ စစ်သွေးကြွတွေကို နှိမ်နင်းနေရတုန်း ဖြစ်ပါတယ်။