YBS ယာဉ်လိုင်းတွေ ထပ်တိုက်ပြန်ပြီ...

Myanmar News ก.ค. 11, 2560 view 1,687

ခရီးသည် အတင်အချပြုလုပ်နေသည့် ဝိုင်ဘီ အက်စ်(၃၅)ယာဉ်လိုင်းမှ ယာဉ်တစ်စီးကို ဝိုင်ဘီအက်စ် (၃၆)ယာဉ်လိုင်းမှ ယာဉ်တစ်စီးက အနောက်မှဝင်တိုက် မှု မင်္ဂလာဒုံမြို့နယ် အမှတ်(၃)လမ်းမနှင့် နွယ်ခွေလမ်း ဆုံ၌ ဖြစ်ပွားခဲ့ကြောင်း သိရသည်။ဇူလိုင် ၁၀ ရက်ညနေ၄နာရီခန့်ကဝိုင်ဘီအက်စ်(၃၆)ယာဉ်သည်တစ်ဖက်ယာဉ်ကြောမှဆိုင်ကယ်အားရှောင်စဉ် ယင်းသို့ ဖြစ်ပွားခဲ့ခြင်းကြောင့် မှတ်တိုင်အတက်အဆင်း ခရီးသည် အမျိုးသားကြီး တစ်ဦးတွင် မျက်ခုံးကွဲဒဏ်ရာရရှိခဲ့ပြီး အမျိုးသမီး တစ်ဦးတွင်လက်မောင်းနာကျင်ဒဏ်ရာများရရှိခဲ့ကြောင်း ကူညီကယ်ဆယ်ရေးများ ပြုလုပ်ပေးခဲ့သည့် ပုလဲမြို့သစ် အရန်မီးသတ်တပ်ဖွဲ့မှသိရသည်။

''ယာဉ်ကအင်းစိန်ရွာမမှာရှိတဲ့ယာဉ်ထိန်းရဲရုံးကိုရောက်နေတယ်ဆိုလို့သွားနေပါတယ်။အဲဒီရောက်မှပဲအကြောင်းစုံသိရမှာပါ။ထိခိုက်ဒဏ်ရာရရှိမှုကတော့ နည်းနည်းပါးပါးလေးပဲလို့ သိရပါတယ်'' ဟု ဝိုင်ဘီအက်စ် (၃၆) ယာဉ်လိုင်းတာဝန်ခံဦးတင်ထွန်းက စံတော်ချိန်သို့ရှင်းပြသည်။

ဖြစ်စဉ်နှင့်ပတ်သက်၍ မြောက်ပိုင်းခရိုင်ယာဉ်ထိန်းရဲတပ်ဖွဲ့မှ ရဲအရာရှိတစ်ဦးထံ ဆက်သွယ်မေးမြန်းရာ ''ခရီးသည်နှစ်ဦးကတော့ နာကျင်ဒဏ်ရာလောက်ပဲရတာပါ။ အသေးစိတ်စုံစမ်းစစ်ဆေးမှုတွေ ပြုလုပ်နေပါတယ်''ဟု ပြန်လည်ဖြေကြားခဲ့သည်။ဇူလိုင် ၇ ရက် မွန်းလွဲ ၁ နာရီခန့်ကလည်း ယင်းမြို့နယ်ပြည်လမ်းရှိ ပျဉ်းမပင်နို့ချက်စက်ရုံရှေ့၌ ဝိုင်ဘီအက်စ် (၅၅) ယာဉ်လိုင်းမှ ယာဉ်တစ်စီးနှင့်(၃၇) ယာဉ်လိုင်း မှ ယာဉ်တစ်စီးတို့မျက်နှာချင်းဆိုင်တိုက်မိမှုဖြစ်စဉ်တွင် ခရီးသည် ၁၀ ဦး သေဆုံးခဲ့ပြီး ၃၈ ဦးဒဏ်ရာရရှိခဲ့မှုဖြစ်ပွားခဲ့ရာ ဝိုင်ဘီအက်စ် (၅၅) ယာဉ်လိုင်းအားဇူလိုင်(၉)ရက်မှစ၍ ပြေးဆွဲခွင့်ပိတ်သိမ်းကြောင်း ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့က ဆုံးဖြတ်ခဲ့သည်။

Source:The Standard Times