ရဲစခန်းတွင် တစ်ရက်သာအချုပ်ခံရစဉ် တရားခံသေဆုံးခဲ့ရမှု စစ်ဆေး

မကွေးမြို့မရဲစခန်း၌ ထိန်းသိမ်းခံထားရသူ တစ်ဦး ဇူလိုင်(၂၆)ရက်နေ့က ရဲအချုပ်ခန်းတွင် သေဆုံးသွားသည့် ကိစ္စနှင့် ပတ်သက်၍ မြန်မာနိုင်ငံလူ့အခွင့်အရေးကော်မရှင်က သြဂုတ်လ(၂)ရက်နေ့တွင် ကွင်းဆင်းစစ်ဆေးဆောင်ရွက်လျက်ရှိကြောင်း သိရသည်။

“ဒီနေ့ ကျွန်မရယ်၊ သေဆုံးသွားတဲ့မောင်လေးရဲ့ဇနီးရယ်၊ မှုခင်းဆရာဝန်ကြီးရယ်၊ မောင်လေးအဖမ်း ခံရစဉ်က အာမခံပေးဖို့ လိုက်ပါဆောင်ရွက်ခဲ့တဲ့ ဆေးတက္ကသိုလ်က ဆရာ (၂) ဦးရယ်ကို ခေါ်ယူ စစ်ဆေးပါတယ်”ဟု သေဆုံးသူ၏ အစ်မတော်စပ်သူ ဒေါ်သင်းသင်းခိုင်က တာချီလိတ်သတင်းအေဂျင်စီသို့ ပြောသည်။

မကွေးမြို့တွင် ပျောက်ဆုံးနေသည့် ဆိုင်ကယ်နှင့်အတူ တွေ့ရှိ၍ စစ်ဆေးရန် ဇူလိုင်လ(၂၅)ရက်နေ့က မြို့မရဲစခန်း အချုပ်ခန်းအမှတ်(၉)၌ တစ်ဦးတည်း ထိန်းသိမ်းခံထားရသူ ကိုသန်းထိုက်အောင်မှာ ဇူလိုင်လ (၂၆)ရက်နေ့ နံနက်ပိုင်း၌ အချုပ်ခန်းတွင် သေဆုံးသွားသည့်ကိစ္စနှင့်ပတ်သက်၍ အမှုမှန်ဖော်ထုတ်နိုင် ရေး အတွက် မြန်မာနိုင်ငံအမျိုးသားလူ့အခွင့် အရေးကော်မရှင်သို့ တင်ပြတိုင်တန်းခဲ့ခြင်းကြောင့် ယခုကဲ့သို့ လာရောက်ကွင်းဆင်း စစ်ဆေးခြင်းဖြစ်ကြောင်း သိရသည်။

ကိုသန်းထိုက်အောင် သေဆုံးရခြင်းမှာ ရေချိုးခန်းအတွင်း သတိလစ်လဲကျသေဆုံးခြင်း ဖြစ်သည်ဟု မြို့မရဲစခန်းမှ ရဲအုပ် နှစ်ဦးက ပြောကြားထားပြီး ပုဆိုးဖြင့် ကြိုးဆွဲချသေဆုံးသွားခြင်း ဖြစ်သည်ဟု စခန်းမှူးက ပြောဆိုထားရာ ပြောကြားချက် ကွဲလွဲနေသည့်အပြင် ဇူလိုင်(၂၆)ရက်နေ့နံနက်ပိုင်းက ဒေါ်သင်းသင်းခိုင်က ကိုသန်းထိုက်အောင်ထံ နံနက်စာပို့ရန် စခန်းသို့ရောက်ရှိနေခိုက် အချုပ်ခန်းအတွင်းမှ အော်သံကြား လိုက်ရပြီးနောက် အချုပ်ခန်းတွင်းမှလူတစ်ဦးအား ဆေးရုံသို့ပို့ဆောင်ရန် ကားငှားနေသဖြင့် သုံးဘီးတစ်စီးကို ၎င်းကိုယ်တိုင် ကူညီငှားပေးခဲ့ရသော်လည်း ဆေးရုံသို့ပို့ဆောင်ရသူမှာ ၎င်း၏ မောင်ဖြစ်ကြောင်းကို တာဝန်ရှိသူများက အသိပေးခဲ့မှု မရှိခဲ့သဖြင့် သေဆုံးမှုနှင့် ပတ်သက်၍ သံသယ ရှိသဖြင့် အမှုမှန်ဖေါ်ထုတ်ပေးရန် မိသားစုများက တိုင်ကြားခဲ့ခြင်းဖြစ်ကြောင်း သိရသည်။

ယင်းကိစ္စနှင့် ပတ်သက်၍ မြန်မာနိုင်ငံလူ့အခွင့်အရေးကော်မရှင်မှ ကော်မရှင်အဖွဲ့ဝင် ဒေါက်တာမြင့် ကြည် ဦးဆောင်သောအဖွဲ့က သြဂုတ်(၂)ရက်မှ သြဂုတ်(၃)ရက်နေ့ အထိ ကွင်းဆင်းစစ်ဆေးဆောင်ရွက်သွား မည်ဖြစ်ကြောင်း သိရသည်။

သတင်းရင်းမြစ်−တာချီလိတ်မီဒီယာ