ပန်းဘဲတန်းတရားရုံးတွင် ရုံးထုတ်စဉ် အချုပ်သားတစ်ဦးထွက်ပြေးလွတ်မြောက်

ပန်းဘဲတန်းမြို့နယ်တ ရားရုံးသို့ ခေါ်ဆောင်လာသည့် အသက်(၃၀)နှစ်ခန့်အရွယ် အချုပ်သားတစ်ဦး တရားရုံးအချုပ်မှ ထွက်ပြေးခဲ့ကြောင်း မျက်မြင် တွေ့ရှိသူအချို့က ပြောကြားခဲ့သည်။


ခြေချုပ်ခံဝန်ဖောက်ဖျက်မှုဖြင့် အရေးယူခံရသည့် အဆိုပါအချုပ်သားနှင့် အခြားအချုပ်သားနှစ်ဦးကို သြဂုတ် ၃ ရက် နံနက်၉ နာရီခန့်က ပန်းဘဲတန်းမြို့နယ် တရားရုံးသို့  ခေါ်ဆောင်ပြီးနောက် တရားရုံးအချုပ်မှ ထွက်ပြေးခြင်း ဖြစ်ကြောင်း တရားရုံးအနီးရောက် နေပြီးဖြစ်စဉ်ကို မျက်မြင်တွေ့ရှိခဲ့သော အမျိုးသမီးတစ်ဦးက ပြောကြား သည်။

“သူက တရားရုံးအချုပ်ကနေ ကမ်းနားလမ်းဘက်ကိုပြေးတာ။ ကမ်းနားလမ်းပေါ်မှာ မောင်းလာတဲ့ ကားကို သူက ဝင်တိုက်မိပြီး လဲသွားသေးတယ်။ ပြီးတော့ ချက်ချင်းပြန်ထပြီး ပန်းဆိုးတန်း ဘက်ကို ပြေးသွားတာ။ အဓိက ကတော့ လုံခြုံရေးအင်အားနည်းလို့ ဖြစ်သွားတာပါ။ ရဲက နှစ် ယောက်ပဲရှိတယ်။ တခြားအချုပ် သားတွေ ထည့်နေရတော့ ချက်ချင်းလိုက်မဖမ်းနိုင်ဘဲ ပြီးမှလိုက် တော့ လွတ်သွားတာ” ဟု ၎င်းက ဆက်ပြောသည်။

တရားရုံးအချုပ်မှ ထွက်ပြေး သည့် အမျိုးသားသည် ပန်းဘဲတန်းမြို့နယ် ၂၉ လမ်းနေ ကြက်ကုလားဆိုသူဖြစ်ပြီး မြို့နယ် ရဲသတင်းပေးအဖြစ် လုပ်ကိုင်သူဖြစ်ကြောင်း ထွက်ပြေးသည့် အချုပ်သားကိုသိရှိသူ အမျိုးသမီးတစ်ဦးကလည်း ပြောသည်။ သို့သော် တရားရုံးအချုပ်မှ ထွက်ပြေးသူမှာ ၎င်းပြောသူ ဟုတ်၊ မဟုတ် 7DayDaily သတင်းစာက သီးခြားအ တည်မပြုနိုင်ပေ။

အချုပ်သားထွက်ပြေးမှုနှင့် ပတ်သက်ပြီး ပန်းဘဲတန်းမြို့နယ် ရဲတပ်ဖွဲ့မှူးကို မေးမြန်းရာ “အခု ပြေးတဲ့သူက နိုင်ငံခြားသား မဟုတ်ပါဘူး။ တိုင်းရင်းသားတစ်ဦးပါ။ ကျွန်တော် ဒီလောက်ပဲ ပြော လို့ရမယ်။ ကျန်တာကတော့ တိုင်းရုံးက သတင်းထုတ်ပြန်ရေးအဖွဲ့က ထုတ်ပေးပါလိမ့်မယ်။ ကျွန် တော်တို့အနေနဲ့ ပြောလို့မရလို့ပါ” ဟု ဆိုသည်။

ရန်ကုန်တိုင်းရဲတပ်ဖွဲ့မှူးရုံးမှ ရဲမှူးအဆင့်ရှိ ရဲအရာရှိတစ်ဦးထံသို့ အချုပ်သားထွက်ပြေးလွတ်မြောက်မှုနှင့်ပတ်သက် ပြီး 7Day Daily က ဆက်သွယ် မေးမြန်းသော်လည်း ဖုန်းလက်ခံ ဖြေကြားခြင်းမရှိပေ။

7DayDaily