ရန်ကုန်တိုင်းဒေသကြီးအတွင်း မြို့နယ်လေးခုကို ခွေးရူးကင်းစင်မြို့နယ် အဖြစ် သတ်မှတ်

ရန်ကုန်မြို့တော်စည်ပင်သာယာရေးကော်မတီ တိရစ္ဆာန်ဆေးကုနှင့်သားသတ်ရုံများဌာနမှ ခွေးရူးရောဂါ ကြိုတင်ကာကွယ်ဆေးထိုးတာနဲ့ လေလွင့်ခွေးမျိုးပွားမှု ထိန်းချုပ်ရေးလုပ်ငန်းတွေကို ၂၀၁၆ ခုနှစ်ကတည်းကပြုလုပ်ခဲ့တာဖြစ်ပြီး လမ်းမတော်မြို့နယ်၊လသာမြို့နယ်၊ပန်းဘဲတန်း မြို့နယ်နဲ့ ကျောက်တံတားမြို့နယ်တို့ကို ခွေးရူးကင်းစင်တဲ့မြို့နယ်တွေအဖြစ် သတ်မှတ်နိုင်ခဲ့ပြီလို့ သိရပါတယ်။လမ်းမတော်မြို့နယ်မှ ခွေးအကောင်ရေ ၂၀၀ ကျော်ကို မျိုးပွားထိန်းချုပ်ရေး စတင်ပြုလုပ်ခဲ့ပြီး ယခု ၂၀၁၇ ခုနှစ်မှာတော့ လသာမြို့နယ်၊ပန်းဘဲတန်းမြို့နယ်နဲ့ ကျောက်တံတားမြို့နယ်တွေမှာ ထိန်းချုပ်ရေးလုပ်ငန်းတွေပြီးစီးခဲ့ပြီး ခွေးရူးရောဂါကင်းစင်တဲ့ မြို့နယ်တွေအဖြစ် သတ်မှတ်ပြီးဖြစ်တယ်လို့သိရပါတယ်။

မျိုးထိန်းမှုတွေလုပ်ခဲ့တဲ့ မြို့နယ်လေးခုမှ လေလွင့်ခွေးတွေကို ခွေးရူးရောဂါကာကွယ်ဆေးအပြင် မေးခိုင်ရောဂါကာကွယ်ဆေးကိုပါ ထိုးနှံ ပေးတယ်လို့သိရပါတယ်။ ရန်ကုန်တိုင်းဒေသကြီးရှိ လေလွင့်ခွေးတွေကို အဆိပ်ချသတ်ဖြတ်တာနဲ့ ပတ်သက်ပြီး တိရစ္ဆာန်ချစ်သူတွေက ကန့်ကွက်ခဲ့တာကြောင့် သက်ဆိုင်ရာ မြို့နယ်လွှတ်တော် ကိုယ်စားလှယ်၊စည်ပင်သာယာရေးကော်မတီနဲ့ မြို့နယ်၊ရပ်ကွက်အုပ်ချုပ်ရေးမှူးတွေပူးပေါင်းကာ လေလွင့်ခွေးမျိုးပွားမှုထိန်းချုပ်ရေးကို ၂၀၁၆ ခုနှစ်ကစပြီး စီမံချက်နယ်မြေတွေ သတ်မှတ်ပြီး ပြုလုပ်ခဲ့တာဖြစ်ပါတယ်။

မျိုးပွားမှုထိန်းချုပ်ရေးဆောင်ရွက်ရာမှာအသုံးပြုတဲ့ ခွဲစိတ်ပစ္စည်းတန်ဖိုးကို ၂၀၁၆ ခုနှစ်က ခွေးအကောင်ရေ ၂၀၀ အတွက် ဘတ်ဂျက်ထုတ်ပေးခဲ့ပြီး ယခုနှစ်မှာတော့ ခွေး အကောင်ရေ(၃၀၀)ကို မျိုးထိန်းမှုတွေ ပြုလုပ်ခဲ့ပေးပြီးဖြစ်ပါတယ်။ အိမ်မွေးခွေးတွေကိုလည်း စီမံချက်လုပ်နေတဲ့မြို့နယ်တွေမှာ သတ်မှတ်ရက်အတွင်း ကာကွယ်ဆေးလာရောက် ထိုးနိုင်တယ်လို့သိရပါတယ်။လက်ရှိ လေလွင့်ခွေးမျိုးပွားမှုထိန်းချုပ်ရေး စီမံချက်ကို ဒဂုံမြို့နယ်၊ယောမင်းကြီးရပ်ကွက်မှာ လုပ်ဆောင်နေဆဲဖြစ်ပါတယ်။စီမံချက်နယ်မြေ မဟုတ်တဲ့နေရာမှ ခွေးတွေကို မျိုးပွားထိန်းချုပ်ရေးပြုလုပ်လိုပါက ခွဲစိတ်ပစ္စည်းတွေကိုတော့ အကုန်ကျခံဝယ်ယူထားရမှာဖြစ်ပြီး မျိုးထိန်းရေးကို တိရစ္ဆာန်ဆေးကုနှင့်သားသတ်ရုံများဌာနက အခမဲ့လုပ်ဆောင်ပေးသွားမှာ ဖြစ်ပါတယ်။