ငွေသုံးရာကျပ်ခိုးမှုနဲ့ ၃ တန်းကလေးအပါဝင် ကလေးငယ် သုံးဦးကို ဂေါပကမှ တရားစွဲဆို

မြန်မာငွေကျပ် ၃၀၀ ခိုးယူမှုနဲ့ တတိယတန်းကလေးအပါအဝင် ကလေးငယ် သုံးဦးကို တောင်ဒဂုံ အောင်ဗောဓိဂေါပကမှ တာဝန်ရှိသူတစ်ဦးက ပုဒ်မ ၃၇၉ နဲ့ တရားစွဲဆိုထားကြောင်း တောင်ဒဂုံအမှတ် ၁ မဲဆန္ဒနယ် လွှတ်တော်ကိုယ်စားလှယ် ကိုညီညီထံမှ သတင်းရရှိသည်။

အမှု(ပ)နံပါတ်က ၁၇၂၆ ဖြစ်ပါတယ်။ ပထမတော့ ကလေးတွေကိုတစ်ခါမှ အခုလိုအပြစ်ကျူးလွန်ခြင်းလည်းမရှိတဲ့အတွက် မိဘအုပ်ထိန်းသူများလည်း ရှိနေတဲ့အတွက်.. လက်ရှိကျောင်းတက်နေတဲ့ ကျောင်းသားလေးတွေလည်း ဖြစ်တဲ့အတွက်.. မိဘထံကို မြို့နယ်ရဲစန်းမှူးကိုယ်တိုင် မိဘများကိုခံဝန်ထိုးခိုင်းပြီး ပြန်လွတ်ပေးခဲ့ပြီးပါပြီ။ ကလေးတွေကိုပြန်လွတ်လို့ နေ့တောင်မကူးဘူး စခန်းကခေါ်လို့ ပြန်ပို့လိုက်ရပါတယ်လို့ ကလေးမိဘများကပြောပြပါတယ်။

ဦးညီရယ် ကလေးတွေကိုကယ်ပေးပါဦး အငယ်ဆုံးလေးဆို မိဘနဲ့တစ်ခါမှခွဲမအိပ်ဘူးပါဘူး။ ကလေးငိုနေတာတွေ့တော့ ကိုယ်သာဖြစ်လိုက်ချင်ပါတော့တယ်တဲ့ မိခင်ဖြစ်သူကငိုယိုပြီး ပြောပါတယ်။ မြင်ရတာရင်ထဲမချိလိုက်တာ။

ဘာကြောင့်ဒီလိုဖြစ်ရတယ်ဆိုတာအဖြေရှာရမယ်?
ပုဒ်မ ၃၇၉ ဆိုတဲ့ ကလေးနဲ့မမျှတဲ့ပုဒ်မ၊ အာမခံပေးဖို့တောင်းတာတောင်မရဘူး။ ကျနော်တို့ရဲ့ သက်ဆိုင်ရာဝန်ကြီးနဲ့ လွှတ်တော်ဥက္ကဋ္ဌကလည်း ဒီကိစ္စနဲ့ပတ်သက်ပြီး အမှန်အတိုင်းဖြစ်စေဖို့ ကြီးတဲ့အမှု့သေးစေဖို့ ကြိုးစားဆောင်ရွက်နေကြပါတယ်။

ကလေးတွေရင်ထဲမှာအနာဖြစ်သွားပြီ ခလေးတွေဟာစနစ်ဆိုးတစ်ခုအောက်မှာ အချိန်များစွာ ဖြတ်သန်းကြီးပြင်းခဲ့ရတယ်။

ကျနော့မြို့နယ်မှာဖြစ်တဲ့ကိစ္စ ကျနော်မှာလည်းတာဝန်ရှိပါတယ်။ ကျနော့တာဝန်မကင်းပါဘူး။ ကလေးတွေရင်ဘက်ထဲက နာကျင်မှု့တွေစိတ်ဒဏ်ရာတွေကိုပါ ကြိုးစားဖြေဖျောက်မှ ရတော့မယ်။ အခုတော့ကလေးတွေ နောက်ထပ်နေရာတစ်ခုဆီကို ပို့လိုက်ပြန်ပြီလို့ မိဘများထံမှသိရပါတယ်။

ကိုညီညီ
တောင်ဒဂုံအမှတ်(၁)မဲဆန္ဒနယ်
ရန်ကုန်တိုင်းဒေသကြီးလွှတ်တော်ကိုယ်စားလှယ်
၀၉ ၄၀ ၁၆၆၁၆၅၆