ရန်ကုန်မှာ ပစ္စည်းခွန်နဲ့သန့်ရှင်းရေးခွန်ကောက်ခံမှုအပေါ် လွှတ်တော်တွင်မေးခွန်းမေးမြန်းတင်ဆက်ပေးချင်ပါတယ်

ရန်ကုန်မှာ ပစ္စည်းခွန်နဲ့သန့်ရှင်းရေးခွန်ကောက်ခံမှုမှာ လိုအပ်ချက်ရှိနေလို့ တိုင်းဒေသကြီး လွှတ်တော်မှာ စက်တင်ဘာ ၁၉ ရက်က မေးခွန်းမေးမြန်းလိုက်ပါတယ်။မြို့နယ်တွေရဲ့ ပစ္စည်းခွန်နဲ့ သန့်ရှင်းရေးဆောင်ရွက်ခကိုစီမံချက်နဲ့မြေပြင်ကွင်းဆင်းဆောင်ရွက်ဖို့ ရှိ/မရှိကို ဗိုလ်တထောင်မြို့နယ် မဲဆန်္ဒနယ်အမှတ်(၂)လွှတ်တော်ကိုယ်စားလှယ် ဦးသက်ထွန်းဝင်းက တိုင်းဒေသကြီးလွှတ်တော်မှာ မေးမြန်းလိုက်တာပါ။

မြို့ထဲ Downtown (၆) မြို့နယ်မှအပ ကျန်မြို့နယ်တွေဟာ အခွန်ကောက်ခံမှု လိုအပ်ချက်တွေရှိတာကြောင့် ဘဏ္ဍာငွေဆုံးရှူံးနေရပြီး ဒီအတွက်စစ်တမ်းကောက်ယူဖို့လိုအပ်တယ် လို့လဲ ဦးသက်ထွန်းဝင်းက ဆိုပါတယ်။ ပစ္စည်းခွန်ကောက်ခံနိုင်ရေးကို ဌာနအနေနဲ့အလေးထားဆောင်ရွက်နေပြီး နှစ်စဉ် ဘဏ္ဍာရေး နှစ်ကုန်ခါနီမှာ စီမံချက်ချကောက်ခံမှုအပြင် စည်းကြပ်ကောက်ခံခြင်းမပြုရသေးတဲ့ အအောက်အအုံတွေကိုလဲ ဖော်ထုတ်ကောက်ခံနေတယ်လို့လဲရန်ကုန်မြို့တော်ဝန် ဦးမောင်မောင်စိုးက မေးခွန်းကို ပြန်လည်ဖြေကြားလိုက်ပါတယ်။

ဒါ့အပြင်သန့်ရှင်းရေးခကိုလဲ နှစ်စဉ်တိုးမြှင့်လျာထား ဆောင်ရွက်နေပြီး အခွန်ထမ်းအသစ်တွေကို ပုံမှန်ဖော်ထုတ်နေတယ်လို့လဲမြို့တော်ဝန်ကပြောပါ တယ်။ (၄၅)မြို့နယ်လုံးမှာ ပစ်္စည်းခွန်ကို စဉ်ဆက်မပြတ်ကောက်ခံနေသလို တရားမ၀င် လူနေထိုင်နေတဲ့ အဆောက်အဦးကို ကောက်ခံတာ၊မူလချမှတ်ထားတဲ့မြေကွက်အကျယ်ကိုထပ်မံပိုင်းခြားခွဲစိတ်ထားတာတွေကိုပါ ပိုင်ဆိုင်မှုခိုင်မာပြီး လူနေထိုင်မှုရှိရင် ပစ်္စည်းခွန် သီးခြား ကောက်ခံနေတယ်လို့လဲ သိရပါတယ်။