အဋ္ဌမတန်းမှစတင်ပြီး ခေတ်နဲ့လျော်ညီတဲ့ အင်္ဂလိပ်စာစွမ်းရည်(၄)မျိုး ပါဝင်တဲ့ စနစ်ကို ပြောင်းလဲသင်ကြားရေးအဆို အမျိုးသားလွှတ်တော်မှာဆွေးနွေးမယ်

Good Morning Myanmar พ.ย. 17, 2560 view 1,470

အဋ္ဌမတန်း(၈တန်း)မှစတင်ပြီး အင်္ဂလိပ်စာဘာသာသင်ရိုးညွန်းတမ်းတွေနဲ့သင်ကြားပုံနည်း စနစ်တွေ၊စာမေးပွဲစနစ်တွေကို ခေတ်နဲ့လျော်ညီတဲ့စွမ်းရည်(၄)မျိုးပါဝင်တဲ့ စနစ်နဲ့ပြောင်းလဲ သင်ကြားပေးရေးအဆိုကို အမျိုးသားလွှတ်တော်မှာဆွေးနွေးမယ်လို့ သိရပါတယ်။

အထက်ပါအဆိုနဲ့ပတ်သက်ပြီး နိုဝင်ဘာလ(၁၄)ရက်ပြုလုပ်ခဲ့တဲ့ ဒုတိယအကြိမ် အမျိုးသားလွှတ်တော် ဆဋ္ဌမပုံမှန်အစည်းအဝေးမှာ ရခိုင်ပြည်နယ်မဲဆန်္ဒနယ်အမှတ်(၁၁)က အမျိုးသားလွှတ်တော်ကိုယ်စားလှယ် ဒေါ်ထုမေက တင်သွင်းခဲ့တာပါ။

အဆိုရှင်ဖြစ်တဲ့ ဒေါ်ထုမေက မြန်မာနိုင်ငံမှာ သူငယ်တန်းမှစတင်ပြီး တက်္ကသိုလ်ဝင်တန်း(၁၀တန်း)အောင်မြင်ချိန်အထိ အင်္ဂလိပ်ဘာသာကို မသင်မနေရ ဘာသာရပ်တစ်ခုအနေနဲ့ ပြဌာန်းထားသော်လည်း အထက်တန်းအဆင့်ပညာရေးပြီးဆုံးချိန်မှာတော့ ကျောင်းသား၊ကျောင်းသူအများစုဟာ အင်္ဂလိပ်ဘာသာနဲ့ရေးသားပြောဆိုဆက်သွယ်နိုင်စွမ်း နိမ့်ကျနေဆဲ ဖြစ်တယ်လို့ ဆိုပါတယ်။

ဒါ့ကြောင့် အင်္ဂလိပ်ဘာသာနဲ့အတိုင်းအတာတစ်ခုအထိ ထိရောက်စွာရေးသားပြောဆိုဆက်သွယ်နိုင်ရေးအတွက် အဋ္ဌမတန်း(၈တန်း)မှစတင်ပြီး အင်္ဂလိပ်စာ စွမ်းရည်လေးမျိုးဖြစ်တဲ့ အရေး၊အဖတ်၊အပြောနဲ့နာထောင်နိုင်စွမ်းစွမ်းရည်တွေပါဝင်တဲ့ စနစ်ကို ပြောင်းလဲသင်ကြားပေးဖို့ တင်သွင်းခဲ့တာလို့ဆိုပါတယ်။ ရခိုင်ပြည်နယ် မဲဆန္ဒနယ်အမှတ်(၁၁)က အမျိုးသားလွှတ်တော်ကိုယ်စားလှယ် ဒေါ်ထုမေတင်သွင်းခဲ့တဲ့အဆိုအပေါ် အမျိုးသားလွှတ်တော်မှာဆွေးနွေးဖို့ အတည်ပြုချက်ရယူရာ ကန့်ကွက်သူမရှိတာကြောင့် ဆွေးနွေးဖို့အတည်ပြုလိုက်တာလို့သိရပါတယ်။