ဖုန်းသုံးစွဲရာမှာ ကျသင့်တာထက်ဖုန်းဘေလ်တွေပိုမိုကောက်ခံနေမှုအတွက် အော်ပရေတာတွေကို စိစစ်နေ

Good Morning Myanmar พ.ย. 22, 2560 view 1,438

ဖုန်းအသုံးပြုရာမှာ ဆက်သွယ်ရေးအော်ပရေတာတွေအနေနဲ့ ကျသင့်တာထက် ဖုန်းဘေလ် ပိုမိုကောက်ခံနေမှုတွေအပေါ် ဆက်သွယ်ရေးညွှန်ကြားမှုဦးစီးဌာနက စိစစ်နေတယ်လို့ နိုဝင်ဘာလ(၂၀) ရက်ကတိုင်းဒေသကြီးလွှတ်တော် အစည်းအဝေးမှာရန်ကုန်တိုင်းဒေသကြီးလျှပ်စစ်၊စက်မှုလက်မှုနှင့် လမ်းပန်းဆက်သွယ်ရေးဝန်းကြီး ဒေါ်နီလာကျော်က ပြောကြားလိုက်ပါတယ်။ မြန်မာနိုင်ငံက လက်ကိုင်ဖုန်းဆက်သွယ်ရေးကဏ္ဍမှာ တရားဝင်လာရောက် ရင်နှီးမြှုပ်နှံဆောင်ရွက်နေတဲ့ ကုမ္ပဏီအချို့ဟာ သုံးစွဲမှုအတွက် ဖုန်းအသုံးပြုခဖြတ်တောက်တဲ့ကိစ္စရပ်တွေမှာ အမှန်တကယ် ကျသင့်တာထက်ပိုမိုဖြတ်တောက်နေတာတွေကို သုံးစွဲသူပြည်သူတွေ မကြာခဏကြုံတွေ့ နေရလို့ ဒီလိုဖြတ်တောက်မှုတွေနဲ့ပတ်သက်ပြီး မြန်မာ့ဆက်သွယ်ရေးလုပ်ငန်းက စိစစ်အရေးယူ ဆောင်ရွက်ပေးဖို့ ရှိ၊မရှိကို မရမ်းကုန်းမြို့နယ်အမတ် ဦးရန်ရှင်းက မေးမြန်းခဲ့တာပါ။

ဒီအတွက် MPT ကိုသုံးစွဲမှုမှာ အမှန်တကယ်ကျသင့်တာထက် ပိုမိုကျသင့်ဖြတ်တောက် နေတာတွေကို မြန်မာ့ဆက်သွယ်ရေးလုပ်ငန်းက စိစစ်ဆောင်ရွက်နေပြီး စိစစ်တွေရှိ ပါက ပိုမိုဖြတ်တောက်ထားတဲ့ပမာဏကို ပြန်လည်ထည့်သွင်းပေးမှာဖြစ်တယ်လို့ ၀န်ကြီး ဒေါ်နီလာကျော်က ပြောကြားလိုက်ပါတယ်။အခြားအော်ပရေတာ(၂)ခုဖြစ်တဲ့ တယ်လီနော၊အော်ရီဒူးတို့ကို ဆက်သွယ်ရေး ညွှန်ကြားမှုဦးစီးဌာနက ချူပ်ဆိုထားတဲ့ စာချူပ်တွေနဲ့စိစစ်နေသလို ဘေလ်ပိုမိုဖြတ်တောက်နေတာတွေကို စိစစ်နေတယ်လို့လည်း ၀န်ကြီးကပြောကြားလိုက်ပါတယ်။

ဖုန်းအင်တာနက်သုံးစွဲရာမှာBackground /Auto Update/ New update/ Software Update/Download စတာတွေ ထည့်သွင်းအသုံးပြုထားတာတွေကြောင့် ဖြတ်တောက်ခံ ရတာလည်းရှိပြီး ဒီအတွက်အသိပညာပေးလုပ်ငန်းတွေကိုလည်း အခါအားလျော်စွာလုပ်ဆောင် နေတယ်လို့ ရန်ကုန်တိုင်းဒေသကြီးလျှပ်စစ်၊စက်မှုလက်မှုနှင့်လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောပါတယ်။လက်ရှိ မြန်မာ့ဆက်သွယ်ရေးကဏ္ဍမှာ လက်ရှိလုပ်ဆောင်နေတဲ့ MPT ၊ တယ်လီနော၊ အော်ရီဒူးစတဲ့ အော်ပရေတာ(၃)ခုအပြင် နောက်အော်ပရေတာ(၁)ခုကိုလည်း လိုင်စင်ခွင့်ပြုထားပြီး ဖြစ်တယ်လို့လည်းသိရပါတယ်။