တိုက်ခန်း ၇ လွှာမှ တက္ကသိုလ်ကျောင်းသူတစ်ဦး ပြုတ်ကျ၊ ပြင်းထန်ဒဏ်ရာပင်မရ

စမ်းချောင်းမြို့နယ်၊ ကျွန်းတော (အလယ်) ရပ်ကွက်၊ ပုသိမ်လမ်းရှိ တိုက်ခန်း ၇ လွှာပေါ်မှ အသက် ၁၇ နှစ်အရွယ် ဒုတိယနှစ် တက္ကသိုလ်ကျောင်းသူ အမျိုးသမီးငယ်တစ်ဦး ပြုတ်ကျခဲ့သော်လည်း ပြင်းထန်စွာ ဒဏ်ရာရရှိခဲ့ခြင်းမရှိကြောင်း ယင်းမြို့နယ် ရဲတပ်ဖွဲ့ထံမှ စုံစမ်းသိရသည်။

 

တိုက်ခန်း ၇ လွှာပေါ်မှ အမျိုးသမီးတစ်ဦး ပြုတ်ကျကြောင်း ၁၉၉ သတင်းအရ စမ်းချောင်းမြို့နယ်ရဲတပ်ဖွဲ့မှူး ရဲမှူး အောင်လွင်နှင့်အဖွဲ့က သွားရောက်စစ်ဆေးခဲ့ရာ ယင်းတိုက်ခန်းပေါ်မှ ပြုတ်ကျသူမှာ ဇန်နဝါရီလ ၃ ရက် မွန်းလွဲ ၃ နာရီခန့်က တိုက်ခန်းရှေ့ မျက်နှာစာပေါ်တွင် လှန်းထားသော အဝတ်များကို လက်လှမ်းယူစဉ် ခြေချော်ပြုတ်ကျခဲ့ခြင်း ဖြစ်ကြောင်း၊ ယင်းခြေချော် ပြုတ်ကျမှု ကြောင့် ဝဲ/ညာခြေသလုံး ပွန်းပဲ့၊ ခါးနာကျင် ဒဏ်ရာများရရှိကာ ရန်ကုန် ပြည်သူ့ဆေးရုံကြီးသို့ တင်ပို့ကုသခဲ့ရကြောင်း စမ်းချောင်းမြို့နယ် ရဲတပ်ဖွဲ့ထံမှ သိရသည်။

 

“တိုက်ခန်း ၇ လွှာကနေ ပြုတ်ကျတာပါ၊ တော်တော်ကံကောင်းတယ်လို့ ပြောရမယ်။ ခါးနာဒဏ်ရာ နည်းနည်းပဲရတယ်။ ဓာတ်မှန်လည်းရိုက်ကြည့်ပြီးပြီ၊ ဘာမှမဖြစ်ဘူး၊ ဒါပေမဲ့ တိုက်ခန်း ၇ လွှာကနေ ပြုတ်ကျထားလို့ ဆေးရုံမှာ ၂၄ နာရီ စောင့်ကြည့်ကုသနေသေးတယ်။ ပြုတ်ကျတဲ့သူက ဒုတိယနှစ် တက္ကသိုလ်ကျောင်းသူတစ်ဦးလို့ သိရပါတယ်” ဟု ယင်းမြို့နယ် ရဲတပ်ဖွဲ့မှ ရဲအရာရှိတစ်ဦးက ရှင်းပြသည်။

 

တိုက်ခန်း ၇ လွှာမှ ပြုတ်ကျခဲ့သူမှာ ယင်းတိုက်ခန်းတွင် မိသားစုနှင့်အတူနေထိုင်ပြီး တိုက်ခန်း ၇ လွှာမှ ဆန်းရှိုတ်အမိုးပေါ်ကတစ်ဆင့် အောက်ထပ်ရှိ ဆန်းရှိုတ်အမိုးများပေါ်သို့ အဆင့်ဆင့်ပြုတ်ကျကာ ယင်းမှတစ်ဆင့် ဓာတ်ကြိုးပေါ်ပြုတ်ကျရာက ယင်းဓာတ်ကြိုးမှာ ညွတ်ကျပြီး မြေပြင်ပေါ်သို့ ဖြည်းညင်းစွာ ပြုတ်ကျခဲ့ခြင်းဖြစ်ကြောင်း၊ ပြုတ်ကျခဲ့သည့် ဓာတ်အားလိုင်းကြိုးမှာ ယခင်တပ်ဆင်ထားသည့် ဓာတ်ကြိုးမဟုတ်ဘဲ ယခု အသစ်တပ်ဆင်သည့် ဖိုက်ဘာပိုက်စွပ် ဓာတ်ကြိုးဖြစ်သည့်အတွက် ဓာတ်လိုက်ခြင်းမရှိသဖြင့် သက်သာရာရခဲ့ခြင်းဖြစ်ကြောင်း စမ်းချောင်းမြို့နယ်ရဲတပ်ဖွဲ့ထံမှ သိရသည်။

 

Credit ....The Voice Weekly