(၈)တန်းကျောင်းသား/သူများ စီးလာသောစက်လှေ ရေလယ်ဘုရားဖူးအပြန်တိမ်းမှောက်

(၈)တန်းကျောင်းသား ကျောင်းသူများ လိုက်ပါစီးနင်းလာသော စက်လှေတစ်စီး ကချင်ပြည်နယ် မိုးညှင်းမြို့နယ်ရှိ အင်းတော်ကြီးအိုင် ရေလယ်ဘုရားဖူးမှပြန်လာစဉ် တိမ်းမှောက်ခဲ့ခြင်းဖြစ်သည်။

အဆိုပါစက်လှေပေါ်တွင် အင်းတော်ကြီးအိုင် အရှေ့ဘက်ကမ်းရှိ လုံးစန့် အ.လ.က ကျောင်းမှ ကျောင်းသူကျောင်းသား ၁၅ ယောက်အပါအဝင် လူ ၁၈ ဦး စီးနင်းလာခဲ့လာ စက်လှေမှောက်မှုမှ ၉ ဦးသာ ဆယ်ယူကယ်ဆယ်နိုင်ခဲ့ပြီး ကျန်လူများ ပျောက်ဆုံးနေကြောင်း သိရှိရသည်။

ရေလည်ဘုရားဖူးမှ ပြန်လာစဉ် ရုတ်တရက် လေမုန်တိုင်းကျရောက်မှုကြောင့် တိမ်းမျှောက်ခဲ့ခြင်းဖြစ်သည်။ ဆယ်ယူရရှိသော လူနာများကို လုံးတုံတိုက်နယ်ဆေးရုံတွင်  ဆေးကုသမှုများ ပြုလုပ်ပေးလျှက်ရှိပြီး အသက်အန္တရာယ်မစိုးရိမ်ရကြောင်း သိရှိရသည်။

ပျောက်ဆုံးနေသူများထဲတွင် ၈ တန်းကျောင်းသူ ၇ ဦး၊ ကျောင်းသား ၁ ဦးနှင့် စက်လှေမောင်းသူ၏ သမီးဖြစ်သူ အသက် ၂၀ နှစ်အမျိုးသမီးတစ်ဦးလည်း ပါဝင်ကြောင်း သတင်းရရှိသည်။

သတင်း - ဇော်မိုးထက်(ဖားကန့်)
ဓါတ်ပုံ - အောင်သော်