မိန်းကလေးကို ရန်စပြီး ကားနဲ့တက်ကြိတ်ခဲ့တဲ့ ယာဉ်မောင်း

Special or Others พ.ค. 29, 2561 view 1,817

ကားသမားနဲ့ စကားများရန်ဖြစ်သူ နှစ်ဦးထဲမှ တစ်ဦးကို ကားနဲ့ကြိတ်သတ်မှုတစ်ခု မေလ ၂၄ ရက်နေ့က တရုပ်နိုင်ငံ ဂျန်ဆူးပြည်နယ် လမ်းမကြီးတစ်ခုပေါ်မှာ ဖြစ်ပွားခဲ့ပါတယ်။

စီစီတီဗီ ပုံရိပ်အရ SUV အမျိုးအစား အဖြူရောင်ကားတစ်စီးကို မောင်းလာသူနှင့် ကားလမ်းမဘေးမှ လမ်းလျှောက်လာသူ အမျိုးသမီးနှစ်ဦးတို့ တစ်နေရာရာမှာ စကားများခဲ့ဟန်တူပါတယ်။ အမျိုးသမီးနှစ်ဦးက ဆက်လက်လမ်းလျှောက်လာစဉ် SUV ကားမောင်းသူက ကားခေါင်းကို ထိုးစိုက်ပြီး အင်္ကျီအနက်ရောင်ဝတ် မိန်းကလေးကို ကားခေါင်းနဲ့ တွန်းလိုက်တာကြောင့် မိန်းကလေးမှာ လဲမလိုဖြစ်သွားခဲ့ပါတယ်။

မိန်းကလေးက ဒေါသဖြစ်ပြီး လမ်းပေါ်ရှိ ခဲတစ်လုံးကောက်ကာ ကားရဲ့ ရှေ့လေကာမှန်ကို ပစ်ပေါက်လိုက်တာကြောင့် ကားမှန်ထိသွားတဲ့အတွက် ကားမောင်းသူက ဒေါသထွက်သွားပြီး အဆိုပါ မိန်းကလေးကို ကားနဲ့ တက်ကြိတ်ခဲ့ပါတယ်။

ထိတ်လန့်စရာမြင်ကွင်းမို့ အနီးနားက လူတွေ အမြန်ရောက်လာကြပြီး မိန်းကလေးကို ကယ်တင်ရန် ကားကို ဝိုင်းမြောက်ပေးခဲ့ကြပါတယ်။ အဲံဒီနောက် ဆေးရုံကို အမြန်ပို့ပေးခဲ့တဲ့အတွက် အသက် အန္တရာယ် မရှိတော့သော်လည်း မည်သို့ဒဏ်ရာတွေရခဲ့ကြောင်းကိုတော့ မသိရှိရပါ။