အရွယ်မရွေးလူတိုင်းကြုံတွေနိုင်တဲ့ လေဖြတ်ရောဂါအကြောင်း

ယခင်က “လေဖြတ်” တယ်ဆိုတာဟာ အသက်ကြီးပိုင်းတွေမှာသာ ကြုံတွေ့ရတတ်တဲ့ နာတာရှည် ရောဂါဝေဒနာဖြစ်သော်လည်း ယခုနောက်ပိုင်းမှာတော့ လူကြီးလူငယ်၊ ကလေးလေးတွေပါမကျန် အရွယ်အားလုံးကို ခြိမ်းခြောက်နေတဲ့ ဝေဒနာတစ်ခု ဖြစ်လို့နေပါတယ်။

Stroke လေသင်တုန်းဖြတ်ခြင်းမှာ အစ်ကီးမစ်ခ် စတုတ်ခ် (Ischemic Stroke) နဲ့ ဟေမိုရက်ဂျစ်ခ် စတုတ်ခ် (Hemorrhagic Stroke) ဆိုပြီး နှစ်မျိုးနှစ်စား ခွဲခြားထားပါတယ်။
 

• ရုတ်တရက် ခြေတွေလက်တွေ ထုံကျင်လာမယ်။ ခြေ၊ လက်မောင်း၊ မျက်နှာ စတာတွေ အင်အားမရှိတော့သလို ခံစားရမယ်။ အထူးသဖြင့် ခန္ဓာကိုယ်တစ်ခြမ်းမှာ ခံစားနေရမယ်။
• ရုတ်တရက် စိတ်ရှုပ်ထွေးလားမယ်၊ စကားပြောဖို့ အာလေးလျှာလေးဖြစ်လာတာ ဒါမှမဟုတ် သူများပြောတာတွေကို နာမလည်သလို ခံစားလာရတတ်ပါတယ်။
• ရုတ်တရက် အမြင်အာရုံမကြည်လင်သလိုဖြစ်လာမယ် အထူးသဖြင့် မျက်လုံးတစ်ဖက်တည်းကနေ မှုန်ဝါးဝါးဖြစ်လာတာမျိုး။
• ရုတ်တရက် လမ်းလျှောက်ဖို့ ခြေလှမ်းတွေ လေးလာတာ၊ မူနောက်နောက်ဖြစ်လာတာ၊ ခန္ဓာကိုယ်ဟန်ချက် မထိန်းနိုင်တာ။
• ရုတ်တရက် ဘာကြောင့်မှန်းမသိ ခေါင်းကိုက်လာတာမျိုးတွေကို ရှေ့ပြေးလက္ခဏာတွေ အဖြစ်ခံစားရတတ်ပါတယ်။