အသက် ၁၇ နှစ်အရွယ် မိန်းကလေးကို လူငယ်နှစ်ဦးက အရက်တိုက်၍ အဓမ္မပြုကျင့်

သင်္ဃန်းကျွန်းမြို့နယ်၊ သုဝဏ္ဏ၊ (၂၉) ရပ်ကွက်ရှိ ကန်ပေါင်ပေါ်တွင် စက်ဘီးပတ်စီးနေသည့် အသက် ၁၇ နှစ်အရွယ် မိန်းကလေးတစ်ဦးကို လူငယ်နှစ်ဦးက အရက်တိုက်၍ လူမနေသည့်နေအိမ်သို့ ခေါ်ဆောင်ပြီး အဓမ္မပြုကျင့်ခဲ့ကြောင်း ရဲတပ်ဖွဲ့ထံမှ သိရသည်။

သားမယားအဖြစ် အဓမ္မပြုကျင့်ခံရသည့် မိန်းကလေးမှာ ယင်းမြို့နယ်တွင်နေထိုင်သူဖြစ်ပြီး ဩဂုတ်လ ၂၀ ရက် ညပိုင်းက သုဝဏ္ဏ၊ ကမာကြည်လမ်းရှိ ကျူရှင်သွားတက်ရန် နေအိမ်မှ စက်ဘီးနင်းပြီး ထွက်လာခဲ့သော်လည်း ကျူရှင်ချိန်မှာ နောက်ကျနေသောကြောင့် (၂၉) ရပ်ကွက်ရှိ ကန်ပေါင်ပေါ်တွင် စက်ဘီးပတ်စီးနေခဲ့ကြောင်း တိုင်ကြားချက်အရ သိရသည်။

“ကောင်မလေးရဲ့ တိုင်ချက်အရဆို သူက စက်ဘီးပတ်စီးနေရင်း ရေဆာလို့ ကန်ပေါင်ပေါ်မှာ ထိုင်နေတဲ့ ယောက်ျားလေးအဖွဲ့ဆီသွားပြီး ရေတောင်းသောက်ခဲ့တယ်။ ဒါပေမဲ့ သူသောက်လိုက်မိတဲ့ဟာက ရေမဟုတ်ဘဲ အရက်တွေ ဖြစ်နေတာကြောင့် ခေါင်းမူးသွားချိန်မှာ ယောက်ျားလေးအဖွဲ့ထဲက နှစ်ယောက်က သူ့ကို ဆိုက်ကားနဲ့ တင်ခေါ်သွားပြီး လူမနေတဲ့အိမ်တစ်အိမ်မှာ အဓမ္မပြုကျင့်ခဲ့တာလို့ ထွက်ဆိုထားတယ်။ လက်ရှိ တစ်ယောက်ကို ဖမ်းမိထားပါပြီ”ဟု ရဲအရာရှိက ရှင်းပြသည်။

ဖမ်းမိသူ အသက် ၁၉ နှစ် အမျိုးသားမှာ သုဝဏ္ဏ၊ ရန်ကုန်သစ် ရပ်ကွက်တွင် နေထိုင်ပြီး ဆိုက်ကားနင်းသူဖြစ်ကာ လွတ်မြောက်နေသည့် ကျန်အမျိုးသားတစ်ဦးက အသက် ၁၇ နှစ်အရွယ် မိန်းကလေးကို ဆိုက်ကားပေါ် ဆွဲတင်၍ သာကေတမြို့နယ်ရှိ လူမနေသော နေအိမ်တစ်လုံးသို့ ခေါ်ဆောင်သွားပြီး အဓမ္မပြုကျင့်ကာ ဩဂုတ်လ ၂၁ ရက် နံနက်ပိုင်းတွင် မိန်းကလေးကို ပြန်လွှတ်ပေးခဲ့သောကြောင့် ယင်းအမှုမှ ဖမ်းမိထားသူနှင့် လွတ်မြောက်နေသူတို့ကို သင်္ဃန်းကျွန်းမြို့နယ် သုဝဏ္ဏနယ်မြေ ရဲစခန်းက ရာဇသတ်ကြီး ပုဒ်မ ၃၇၆/ ၁၁၄ ဖြင့် အမှုဖွင့် အရေးယူထားကြောင်း ရဲတပ်ဖွဲ့ထံမှ သိရသည်။

TheVoiceMyanmar