ချစ်သူတွေဖြစ်နေကြပြီဆိုပြီး သတင်းတွေထွက်နေတဲ့ ယွန်းယွန်းနဲ့ အုပ်စိုးခန့်

ဆယ်ကျော်သက်ကောင်မလေးတွေရဲ့ အသဲကိုကိုင်လှုပ်ထားနိုင်တဲ့ လူငယ်အဆိုတော်လေး အုပ်စိုးခန့်ကတော့ နာမည်ရစပြုလာတဲ့ တက်သစ်စအဆိုတော်လေးတစ်ယောက်ဖြစ်ပါတယ်။ ကိုးရီးယားဆန်တဲ့ရုပ်ရည်နဲ့ ခပ်မိုက်မိုက်ပုံစံကောင်လေးမို့ မိန်းကလေးပရိသတ်တွေကြား ရေပန်စားနာမည်ကြီးနေတာလဲဖြစ်ပါတယ်။ ယွန်းယွန်းကတော့ ကလေးဘ၀ထဲက ပရိသတ်တွေရဲ့ချစ်ခြင်းမေတ္တာကို အပြည့်အ၀ရရှိခဲ့တဲ့ သရုပ်ဆောင်မလေးဖြစ်ပါတယ်။ ပရိသတ်တွေရဲ့မျက်စိအောက်မှာတင် အရွယ်ရောက်လာတဲ့ ယွန်းယွန်းတစ်ယောက် အုပ်စိုးခန့်နဲ့ ရည်းစားတွေဖြစ်နေပြီဆိုတဲ့ သတင်းတွေထွက်ပေါ်လာခဲ့ပါတယ်။

ထိုသတင်းကြောင့် ပရိသတ်တွေအားလုံး အံ့အားသင့်နေကြပြီး ၀မ်းသာသူတွေရှိကြသလို သူတို့နှစ်ယောက်လုံးရဲ့ ပရိသတ်တွေထဲက ၀မ်းနည်းနေသူတွေလဲ အပြိုင်အဆိုင်ရှိကြပါတယ်။ သူတို့နှစ်ယောက်ချစ်သူတွေဖြစ်နေပြီဆိုတဲ့ သတင်းကတော့ သူတို့ရဲ့အင်စတာဂရမ်မှာ တင်ထားခဲ့ကြတဲ့ ပုံတွေကနေတစ်ဆင့် ပရိသတ်တွေက သတိထားရိပ်မိခဲ့ကြတာပဲဖြစ်ပါတယ်။ ပွဲတစ်ခုကိုတက်ရောက်ခဲ့တဲ့ ပုံလေးတွေကို သူတို့နှစ်ယောက်ရဲ့ အင်စတာဂရမ်မှာ တစ်ချိန်တည်းမှာ အတူတူတင်ထားကြတာဖြစ်ပါတယ်။ ဒါ့အပြင် ရက်စွဲလေးတစ်ခုကိုလည်း ပုံစံအတူတူနဲ့တင်ထားခဲ့တာကြောင့် ပရိသတ်တွေက သူတို့နှစ်ယောက်ချစ်သူဖြစ်သွားကြတဲ့ နေ့လားဆိုပြီး ရိပ်မိခဲ့ကြတာပဲဖြစ်ပါတယ်။

အုပ်စိုးခန့်က ယွန်းယွန်းဟာ သူ့ရဲ့ Crush ပါလို့ပြောခဲ့ပြီး သူမကိုချစ်နေခဲ့တာလဲ ကြာပြီလို့ဆိုရမှာပါနော်…သူတို့နှစ်ယောက်ကတော့ တန်ခူးမေ ဆိုတဲ့ သင်္ကြန်သီချင်းလေးထဲမှာ သရုပ်ဆောင်ရင်း စတင်သိကျွမ်းခဲ့တာပဲဖြစ်ပါတယ်။ ယခုလို သတင်းတွေထွက်လာတဲ့အပေါ် ဘာမှတုံ့ပြန်ပြောဆိုခြင်း မရှိသေးပေမယ့်လည်း အုပ်စိုးခန့် အင်စတာဂရမ်မှာ သူ့အတွက်အရေးကြီးဆုံးသူတွေဖြစ်တဲ့ သူ့အမေရယ်၊ သူ့အမနဲ့ ယွန်းယွန်းအပါအ၀င် သုံးဦးကိုသာ Follow လုပ်ထားတာကြောင့် သက်သေတွေကတော့ ခိုင်လုံတယ်လို့ပဲ ဆိုရတော့မှာနော်။