R&B အဆိုတော် ခရစ်ဘရောင်း မုဒိန်းမှုဖြင့် ပြင်သစ်တွင် ဖမ်းဆီးခံရ

Movie Stars - Celebrity ม.ค. 23, 2562 view 1,639

အမေရိကန် R&B အဆိုတော် ခရစ်ဘရောင်းကို အဓ္မမပြုကျင့်မှု သံသယတရားခံအဖြစ် ပြင်သစ်ရဲများက ပဲရစ်မြို့တွင် တနင်္လာနေ့က ဖမ်းဆီးလိုက်သည်။

ခရစ်ဘရောင်းဟာ ဇန်နဝါရီ ၁၅ ရက်နေ့ ညနေပိုင်းက ပဲရစ်မြို့ရှိ ကြယ်ငါးပွင့်ဟိုတယ်တစ်ခုတွင် အဓ္ဓမပြုကျင့်ခဲ့ကြောင်း အသက် ၂၅ နှစ်အရွယ် မိန်းကလေးက တိုင်ကြားခဲ့သဖြင့် ယခုလို ဖမ်းဆီးခံခဲ့ရခြင်းဖြစ်သည်။

ခရစ်ဘရောင်းနဲ့အတူ သူ့ရဲ့သက်တော်စောင့် အမျိုးသားနှစ်ဦးတို့ကို လိင်ပိုင်းဆိုင်ရာ စော်ကားမှု၊ မူးယစ်ဆေးဝါး သုံးစွဲကြောင်း စစ်ဆေးတွေ့ရှိမှုတို့နဲ့ ပြင်သစ်ရဲက စစ်ဆေးမှုများ ပြုလုပ်နေပြီဖြစ်ပါတယ်။ သူဟာ နိုက်ကလပ်မှာ တွေ့ခဲ့တဲ့ အမျိုးသမီးတစ်ဦးကို သူတည်းခိုရာ “မန်ဒရင်း အိုရီယန်တယ်လ်” ဟိုတယ်ကို ခေါ်လာခဲ့ပြီးနောက် လိင်ပိုင်းဆိုင်ရာ အကြမ်းဖက်ရယူခဲ့တယ်လို့ စွပ်စွဲခံခဲ့ရတာဖြစ်ပါတယ်။

အမျိုးသမီး၏ တိုင်ကြားချက်အရ သူတို့ဟာ “ခရစ္စတယ်လ်” နိုက်ကလပ်မှာ တွေ့ဆုံပြီးနောက် အခြားအမျိုးသမီး တစ်ဦး၊ အမျိုးသား ၃ ဦးတို့နဲ့ ဟိုတယ်ကို လိုက်သွားခဲ့ပါတယ်။ ဟိုတယ်အရောက်မှာ အခြားသူတွေ ပြန်ထွက်သွားပြီး သူမ တစ်ဦးတည်းကျန်ခဲ့တဲ့အချိန်မှာ ခရစ်ဘရောင်းက အဓ္ဓမပြုကျင့်ခဲ့တယ်လို့ ဆိုပါတယ်။ ဒါ့အပြင် ခရစ်ဘရောင်းရဲ့ သက်တော်စောင့်နဲ့ သူငယ်ချင်းတို့ကလည်း သူမကို ထိကပါးရိကပါးစော်ကားခဲ့ကြောင်း တိုင်ကြားခဲ့ပါတယ်။

ခရစ်ဘရောင်းနဲ့ အမျိုးသားနှစ်ဦးကို တနင်္လာနေ့က ဖမ်းဆီးခဲ့ပြီး စစ်ဆေးမှုများ ပြုလုပ်နေကြောင်း၊ နောက်ထပ် ၂ ရက်ကြာထပ်မံစစ်ဆေးပြီးမှ တရားစွဲမလား၊ လွှတ်ပေးမလားဆိုတာကို စုံစမ်းစစ်ဆေးရေးအရာရှိတွေ အဆုံးအဖြတ်ပေးနိုင်မည်ဖြစ်ကြောင်း သိရှိရသည်။