မဟုတ်မမှန်သတင်းမီဒီယာတွေကြောင့် စိတ်ညစ်မိတယ်လို့ပြောလာတဲ့စိုင်းစိုင်းခမ်းလှိုင်

ဆယ်စုနှစ် (၂) ခုစလုံးမှာ ပရိတ်သတ်ကို ဖမ်းစားထားနိုင်တဲ့ အနုပညာရှင်ကို ပြပါဆိုရင်တော့ စိုင်းစိုင်းကိုပြရမှာပါပဲ။ အောင်မြင်တဲ့ အနုပညာရှင်တစ်ယောက်ဖြစ်ရုံသာမက Sai cosmetics များထုတ်လုပ်တဲ့ အောင်မြင်တဲ့စီးပွားရေး လုပ်ငန်းရှင်တစ်ဦးလဲဖြစ်လာပါပြီ။ အရာရာ အဖက်ဖက်ကပြည့်စုံနေတဲ့ စိုင်းစိုင်းအတွက် ပြီးပြည့်စုံဖို့ တစ်စုံတစ်ခု လိုအပ်နေတယ်လို့ ပရိတ်သတ်တွေက ယူဆပုံပါပဲ။ စိုင်းစိုင်းရဲ့ အချစ်ရေးကို ပရိတ်သတ်တွေက တစ်မေးထဲမေးနေကြပါပြီ။ စိုင်းစိုင်းအနေနဲ့ အခုအချိန်ထိ အချစ်ရေးကို တိတိကျကျ ဖော်ပြခြင်းမျိုးမရှိသေးပါဘူး။

ပြီးခဲ့တဲ့ ဧပြီလ (၁၀) ရက်နေ့ကပြုလုပ်ခဲ့တဲ့ Sai Sai birthday show မှာ စိုင်းစိုင်းရဲ့ ကောင်မလေးလို့ ထင်မှတ်ရတဲ့ မိန်းကလေး တစ်ဦး “ငါ့ရည်းစားကပိုမိုက်တယ်” သီချင်းနဲ့ ကနေတဲ့ ဗွီဒီယိုဖိုင်လေးအွန်လိုင်းပေါ်တက်လာခဲ့ရာက စတင်ခဲ့တာဖြစ်ပါတယ်။ စိုင်းစိုင်းကောင်မလေး လို့ သတင်းမီဒီယာ အချို့ကရေးသား သတင်းတွေ ရေးသားတင်ခဲ့ကြပါတယ်။ ဒါကို စိုင်းစိုင်းက မဟုတ်မမှန်သတင်းတွေရေးသားနေတာကို မယုံကြည်ကြဖို့ ပရိတ်သတ်ကို အသိပေးလှုံဆော်လာပါတယ်။

“ဟုတ်လားမဟုတ်လားမသိပဲ fake page တွေကလျှောက်ရေး၊ fake media တွေကလျှောက်ဖွနဲ့ နည်းနည်းတော့စိတ်ညစ်လာပြီ၊ ကျနော့်ပရိတ်သတ်များကို ကျနော်အကူအညီတောင်းချင်တာက ကျနော်အမှန်အကန်ပြောထားတဲ့ အင်တာဗျူးတွေ အမှန်အကန်မီဒီယာတွေရဲ့ သတင်းမဟုတ်ရင်မယုံကြည်ကြဖို့ မ share ကြဖို့ မေတ္တာရပ်ခံပါတယ် လောလောဆယ်ကျနော်ဘဝတစ်ခုလုံးကို အနုပညာလုပ်ငန်းထဲမှာပဲမြုပ်နှံထားပါတယ်၊ ပရိတ်သတ်များအားလုံးကို ကျေးဇူးတင်ပါတယ်” ဆိုပြီး သူ၏ဖေ့ဘွတ်စာမျက်နှာမှာ ရေးသားလာပါတယ်။

ဒီလောက်ဆို စိုင်းစိုင်းကိုချစ်တဲ့ ပရိတ်သတ်ကြီးလဲ ဘယ်ဟာကအမှန်၊ ဘယ်ဟာကအမှားလဲဆိုတာခွဲခြားသိမြင်နိုင်လောက်ပြီထင်ပါတယ်။ မဟုတ်မမှန်တဲ့ သတင်းအမှားတွေကို မယုံကြည်ကြပဲ စိုင်းစိုင်းရဲ့ အနုပညာတွေကိုအရင်ကထက်ပိုပြီး ဆထက်တပိုး အားပေးလိုက်ကြရအောင်လားပရိတ်သတ်ကြီးရေ။

(ပိုပိုလေး)