ဇနီးသည် မီးဖွားတာနဲ့ ပတ်သတ်ပြီးသူ့ခံစားချက်ကို ပြောပြလာတဲ့ မင်းသားဟယ်ရီ

အင်္ဂလန်နိုင်ငံ နေမဝင်အင်ပါယာကြီးရဲ့ မင်းသားတစ်ဦးဖြစ်တဲ့ ဟယ်ရီရဲ့ ဇနီးသည် မီဂန်မာကယ်လ် ဟာပြီးခဲ့တဲ့ မေလ ၆ ရက်နေ့မှာ သားဦးရတနာလေးကို ဖွားမြင်လိုက်ပြီဖြစ်ကြောင်း ဗြိတိန်တော်ဝင်နန်းတော်မှ သတင်းအတိအကျထုတ်ပြန်ခဲ့ပါတယ်။ ဟယ်ရီနဲ့ မီဂန်တို့ရဲ့ သားလေးဟာ ၇ ပေါင်ရှိပြီး ထီးနန်းဆက်ခံဖို့ (၇) ယောက်မြောက်တော်ဝင်မျိုးဆက်အဖြစ် လျာထားခြင်းခံထားရပြီပဲဖြစ်ပါတယ်။ ဒီသားလေး ဖွားမြင်ခဲ့တဲ့အတွက် ဟယ်ရီနဲ့ မီဂန်တို့ဟာ ဘွဲ့ထူးဂုဏ်ထူးတွေ ထပ်တိုးဦးမှာပါ။ ဒါကြောင့် သူ့အနေနဲ့ ပထမဦးဆုံး အဖေဖြစ်ရတဲ့ ခံစားချက်တွေကို ထုတ်ဖော်ပြောကြားလာပါတယ်။

>>ဆက်လက်ဖတ်ရှုရန် Read More ကိုနှိပ်ပါ<<

“မနက်အစောပိုင်းမှာပဲ ကလေးလေးက လူ့လောကထဲရောက်လာခဲ့တာပါ ကလေးရော အမေပါ နေကောင်းကြတဲ့အတွက် ကျွန်တော်ဝမ်းသာပါတယ်။ အဖေဖြစ်ရတဲ့ ပထမဆုံးအတွေ့အကြုံဆိုတော့ စိတ်လှုပ်ရှားမိတယ်၊ ဒီလောကကြီးမှာ သားသမီးတွေကို မီးဖွားပေးတဲ့ အမေတိုင်းကို ကျွန်တော်လေးစားမိတယ်

အဖေတစ်ယောက်ဖြစ်ရတဲ့ ခံစားချက်က ဘာနဲ့မှမတူဘူး၊ ဒီလူသေးသေးလေး ကိုယ့်ဘဝထဲ ဝင်လာကတည်းက ဘဝကို ဘယ်လိုကောင်းအောင်ရှေ့ဆက်မယ် ဘာတွေလုပ်မလဲဆိုတာကိုပဲတွေးနေမိတယ်” ဆိုပြီး အရယ်အပြုံးမပျက်ပဲ ပြောကြားသွားပါတယ်။

လက်ရှိမှာတော့ ဟယ်ရီနဲ့ မီဂန်တို့ရဲ့ သားဦးရတနာလေးကို နာမည်ပေးကင်ပွန်းတပ်ဖို့ အယ်လီဇဘတ်ဘုရင်မကြီးမှ နာမည်ရွေးနေပြီ လို့ သိရှိရပါတယ်။ သားဦးလေးမွေးတာကို ပျော်နေတဲ့ ဟယ်ရီရဲ့ ဗွီဒီယိုဖိုင်ကို ကြည့်ရှုခံစားကြည့်လိုက်ပါဦး ပရိတ်သတ်ကြီးရေ။

(ပိုပိုလေး)