အမှုမှန်မပေါ်ပေါက်ပဲ ရှည်ကြာနေရတဲ့အကြောင်းကို စူးရှထက်ထုတ်ပြော

အဆိုတော်အစ္စဏီနဲ့ မော်ဒယ်စူးရှထက်ရဲ့အမှုကတော့ မသိသူမရှိအောင် တိုင်းသိပြည်သိဟိုးလေးတကျော်ဖြစ်ခဲ့တဲ့ သတင်းတစ်ခုဖြစ်ပါတယ်။ သူတို့နှစ်ယောက်ဟာ အချိန်တစ်ခုထိသမီးရည်းစားတွေဖြစ်ခဲ့ကြပြီးနောက် အစ္စဏီမှ စူးရှထက်အား ကိုယ်ထိလက်ရောက် ရိုက်နှက်နာကျင်စေမှု၊ အဓ္ဓမပြုကျင့်ခဲ့မှုတို့ကြောင့် စူးရှထက်ဘက်မှ တရားစွဲဆိုခဲ့တာဖြစ်ပါတယ်။

>>Read More ကိုနှိပ်ပြီး ဆက်လက်ဖတ်ရှုပါ<<

ပြီးခဲ့သည့် ၂၀၁၈ ခုနှစ် ဧပြီလ (၁၂) ရက်နေ့မှာဖြစ်ပွားခဲ့တဲ့ ထိုအမှုကြောင့် အဆိုတော်အစ္စဏီတစ်ယောက် အဓ္ဓမပြုကျင့်မှု နာကျင်စေမှုတို့အပါအ၀င် အမှုတွဲ (၃) ခုဖြင့် တရားစွဲဆိုခံထားရတာဖြစ်ပြီး တာမွေမြို့နယ်တရားရုံးတွင် အမှုရင်ဆိုင်နေတာ (၁) နှစ်ကျော်ကြာမြင့်သွားပြီဖြစ်ပါတယ်။ အမှုရင်ဆိုင်နေစဉ်ကာလအတွင်း အမျိုးမျိုးသောသတင်းတွေထွက်ပေါ်ခဲ့ပေမယ့်လည်း အမှုမှန်ကတော့ ယခုချိန်ထိမပေါ်ပေါက်သေးပဲ ရှည်ကြာနေဆဲဖြစ်ပါတယ်။

ထို့ကြောင့် တရားခံဖြစ်သူ အစ္စဏီမှလည်း အမှုမှန်အမြန်ဆုံးပေါ်ပေါက်ချင်နေပြီဖြစ်ကြောင်း ရုံးချိန်းတက်ရောက်ချိန် မီဒီယာတွေနှင့်တွေ့ဆုံခိုက်တွင် မကြာခဏပြောကြားလေ့ရှိသလို သူတို့နှစ်ယောက်ရဲ့အမှုကို စိတ်ပါဝင်စားစွာစောင့်ကြည့်နေကြတဲ့ ပရိသတ်တွေကလည်း အမှန်တရားကိုအမြန်ဆုံးသိချင်နေကြပြီဖြစ်ပါတယ်။

ယခုနောက်ပိုင်းရုံးချိန်းများတွင် စူးရှထက် တက်ရောက်မလာမှုတို့ကြောင့် ပရိသတ်တစ်ချို့ကဝေဖန်ခြင်းပြုခဲ့ပြီး စူးရှထက်ကတော့ တရားရုံးကသူမကိုမလိုအပ်လို့မခေါ်တာကြောင့် တရားရုံးမှာမတ်တပ်သွားရပ်ရမှာလားလို့ တုန့်ပြန်ပြောဆိုခဲ့ပါတယ်။ သို့ပေမယ့်လည်း မေလ (၃) ရက်နေ့က ပြုလုပ်ခဲ့တဲ့ရုံးချိန်းမှာတော့ စူးရှထက်ရဲ့ နေရပ်လိပ်စာအသစ်ကို တရားလိုရဲ့ဥပဒေအရာရှိမှ မတင်ပြနိုင်သေးတာကြောင့် ဆင့်ခေါ်စာပေးမရလို့ ရောက်မလာခဲ့တာလို့ သိရပါတယ်။

ထိုရုံးချိန်းတွင် အစ္စဏီရဲ့ရှေ့နေဖြစ်သူ ဦးကျော်ဇင်ဦးက “တရားရုံးကိုကူညီချင်တယ်၊ အမှုကိုမှန်မှန်ကန်ကန် မြန်မြန်ဆန်ဆန်ပြီးချင်တယ်ဆိုရင် ဖြူစင်စွာနဲ့တရားရုံးကိုလာရောက် အစစ်ခံသင့်တယ်လို့” တရားလိုအား မှတ်ချက်ပေးခဲ့ပါသေးတယ်။

အမှုမှန်မပေါ်ပေါက်သေးပဲ ရှည်ကြာနေရတဲ့အကြောင်းကိုတော့ စူးရှထက်ကတော့ထုတ်ပြောလိုက်ပါပြီ။ တရားခံအစ္စဏီအနေဖြင့် အမှားလုပ်ခဲ့ကြောင်းဝန်ခံလိုက်ပါက ပြေလည်သွားနိုင်ဖွယ်ရှိတယ်လို့ စူးရှထက်ဘက်မှ ဖွင့်ဟပြောဆိုလာတာဖြစ်ပါတယ်။

စူးရှထက်က “ညီမရဲ့ရှေ့နေဆီကိုတော့ သူတို့ဘက်က သွားပြောကြတယ်လို့ ကြားပါတယ်။ ညီမလည်း သေချာမသိသေးဘူး။ ညီမက ဘယ်ကိစ္စတစ်ခုမှ မပြောလိုက်ဘူး။ အမှားပါသွားမှာကြောက်လို့လေ။ အဲဒီလိုမျိုးကအစောကြီးကတည်းကဖြစ်သင့်နေတာပါ။ အမှားလုပ်ပြီးသွားရင် မှားတယ်ဆိုတာကိုဝန်ခံရင် ညီမတို့ကလည်းသူများလိုယုတ်မာတဲ့သူမဟုတ်ဘူး။ အခုဟာကအမှုကြီးကရှည်နေပြီးတော့ သူတို့ပဲလုပ်နေတာ။ ညီမရှေ့နေကိုတော့ တောင်းပန်တယ်လို့တော့ပြောပါတယ်။ အဆင်ပြေဖို့တော့များပါတယ်။ ညီမရှေ့နေတွေအရပေါ့” ဆိုကာ မီဒီယာတစ်ခုကနေ ပြောကြားသွားတာဖြစ်ပါတယ်။

စူးရှထက်ရဲ့ရှေ့နေဖြစ်သူ ဦးရောဘတ်စန်းအောင်မှလည်း “လွန်ခဲ့တဲ့၂ရက်လောက်ကပေါ့။ သူ့အမေရဲ့မိတ်ဆွေဘက်ကလာတာပါ။ ညှိနှိုင်းလိုတယ်လို့လာကမ်းလှမ်းတာပါ။ အဲဒါကလည်း မပြတ်သေးပါဘူး။ သူတို့သွားပြီးတော့မေးပြီးတော့မှ ပြန်လာပါ့မယ်ပြောတယ်။ ဘယ်ပုံစံဘာညာဆိုတာ ဘာမှ လာပြန်မပြောသေးဘူး” လို့ဆိုပါတယ်။

နောက်ထပ်ရုံးချိန်းကိုတော့ မတ်လ (၁၃) ရက်နေ့တွင် ပြုလုပ်မှာဖြစ်ပြီး အစ္စဏီဟာဆိုရင် တာမွေမြို့နယ်တရားရုံး၌ ရာဇသတ်ကြီးပုဒ်မ (၃၇၆၊ ၃၂၄၊ ၃၂၅) တို့ဖြင့် တရားစွဲဆိုခံထားရဖြစ်ပါတယ်။ အမှုမှန်ပေါ်ပေါက်ဖို့ကိုတော့ ဆက်လက်စောင့်ကြည့်ကြပါဦးစို့လား…

(ပိုပိုလေး)