ကွာရှင်းပြတ်စဲသတင်းပြီးနောက် ပျော်ရွှင်စွာ လူထုပရိတ်သတ်ရှေ့ ပြန်လည်မြင်တွေ့ရတဲ့ ဆောင်းဟယ်ကျိုနဲ့ ဆောင်းဂျွန်ကီ

တောင်ကိုးရီးယားနိုင်ငံ တော့ပ်စတားစုံတွဲ Song Song  Couple ဟာဆိုရင် ဇွန်လ ၂၇ ရက်နေ့မှာ နှစ်ဦးသဘောတူ ကွာရှင်းပြတ်စဲတော့မည့်အကြောင်း ပရိတ်သတ်ကို အသိပေးကြေညာခဲ့တာဖြစ်ပါတယ်။ အာရှတစ်လွှားမှာ လူအများ လေးစားအားကျရတဲ့ Song စုံတွဲ အခုလို တရားဝင်လမ်းခွဲလိုက်တာဟာ ပရိတ်သတ်အများကို စိတ်မကောင်းဖြစ်စေခဲ့ပါတယ်။ ဒါပေမဲ့ ကွာရှင်းပြတ်စဲဖို့ အသိပေးကြေညာအပြီး ရက်ပိုင်းအနည်းငယ်မှာပဲ ဆောင်းဂျွန်ကီရော ဆောင်းဟယ်ကျိုကိုပါ ပရိတ်သတ်ရှေ့ ပျော်ရွှင်စွာ ပြန်လည်မြင်တွေ့ရတာကြောင့် ပရိတ်သတ်အများ အံ့အားသင့်ခဲ့ကြပါတယ်။ ဆောင်းဂျွန်ကီနဲ့ ဆောင်းဟယ်ကျိုတို့ကို လူထုပရိတ်သတ်ရှေ့ ဘယ်လို ပြန်လည်မြင်တွေ့ရတယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

သရုပ်ဆောင် ဆောင်းဂျွန်ကီဟာ ပြီးခဲ့တဲ့ ရက်ပိုင်း အင်တာနက် SNS မှာ The Victory ရုပ်ရှင်ရိုက်ကူးရေးအဖွဲ့သားများနဲ့ ရိုက်ကူးထားတဲ့ ဓာတ်ပုံတစ်ပုံမှာ ပါဝင်နေခဲ့ပါတယ်။ အဆိုပါ ဓာတ်ပုံကတော့ ဆောင်းဂျွန်ကီတစ်ယောက် ဆောင်းဟယ်ကျိုနဲ့ ကွာရှင်းဖို့ တရားရုံးမှာ လျှောက်လွှာတင်ခဲ့တဲ့နေ့ရက် ဇွန်လ ၂၆ ရက်ပဲဖြစ်ပါတယ်။

တစ်ဖန် ဆောင်းဟယ်ကျိုမှလဲ ပြီးခဲ့တဲ့ ဇူလိုင် ၆ ရက်နေ့မှာ ပြုလုပ်တဲ့ တရုတ်နိုင်ငံက အလှကုန်ပစ္စည်း မိတ်ဆက်ပွဲအခမ်းအနားမှာ ပရိတ်သတ်တွေကို ဝမ်းပန်းတသာ ပျော်ရွှင်စွာ နှုတ်ဆက်နေတာကို မြင်တွေ့ရပါတယ်။

Song စုံတွဲ အိမ်ထောင်ရေး မပြေလည်တာကြောင့် နှစ်ဦးသဘောတူ လမ်းခွဲဖို့ ဆုံးဖြတ်ခဲ့ရာက ကြေကွဲဝမ်းနည်းနေလိမ့်မယ်လို့ ပရိတ်သတ်တွေ ထင်မှတ်ခဲ့ပေမယ့် အခုလို နှစ်ဦးစလုံး အဆင်ပြေစွာ နေထိုင်သွားလာနေတာကို မြင်တွေ့ရတာဟာလဲ ဝမ်းသာကြည်နူးစရာပါပဲ။

Source-allkpop

(ပိုပိုလေး)